ബിഹാര്‍ മുഖ്യമന്ത്രിയായി നിതീഷ് കുമാര്‍ ഇന്ന് സത്യപ്രതിജ്ഞ ചെയ്യും

November 20, 2025

പട്‌ന: ബിഹാര്‍ മുഖ്യമന്ത്രിയായി നിതീഷ് കുമാര്‍ ഇന്ന് സത്യപ്രതിജ്ഞ ചെയ്യും. പട്‌നയിലെ ഗാന്ധി മൈതാനില്‍ രാവിലെ പതിനൊന്നരയോടെയാണ് സത്യപ്രതിജ്ഞാച്ചടങ്ങ് നടക്കുക. പ്രധാനമന്ത്രി നരേന്ദ്രമോദിയും കേന്ദ്ര ആഭ്യന്തര മന്ത്രി അമിത് ഷായും മറ്റ് കേന്ദ്രമന്ത്രിമാരും എന്‍ഡിഎ ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാരും ചടങ്ങിൽ പങ്കെടുക്കും. നിതീഷ് കുമാറിനൊപ്പം 22 മന്ത്രിമാരും ഇന്ന് സത്യപ്രതിജ്ഞ ചെയ്‌തേക്കും. സാമ്രാട്ട് ചൗധരിയും വിജയ് സിന്‍ഹയും ഉപമുഖ്യമന്ത്രിമാരായി തുടരും.

നിതീഷിനെ എന്‍ഡിഎയുടെ നിയമസഭാ കക്ഷി നേതാവായും എന്‍ഡിഎ യോഗം തെരഞ്ഞെടുത്തിരുന്നു. എല്‍ജെപി അധ്യക്ഷന്‍ ചിരാഗ് പസ്വാന്‍, ആര്‍എല്‍എം അധ്യക്ഷന്‍ ഉപേന്ദ്ര കുശ്‌വാഹ, എച്ച്എഎം (എസ്) അധ്യക്ഷന്‍ സന്തോഷ് കുമാര്‍ സോമന്‍, ബിജെപി സംസ്ഥാന അധ്യക്ഷന്‍ ദിലീപ് കുമാര്‍ ജയ്‌സ്വാള്‍ തുടങ്ങിയവര്‍ പങ്കെടുത്ത യോഗത്തിലാണ് എന്‍ഡിഎയുടെ നേതാവായി നിതീഷിനെ തെരഞ്ഞെടുത്തത്. ബിജെപിയുടെ സാമ്രാട്ട് ചൗധരിയാണ് നിതീഷിന്റെ പേര് മുന്നോട്ട് വെച്ചത്. പിന്നാലെ ഏകകണ്ഠമായി നിതീഷിനെ തെരഞ്ഞെടുക്കുകയായിരുന്നു.

തിരുവനന്തപുരത്ത് പതിനെട്ടുകാരന്‍ കൊല്ലപ്പെടാനിടയായ സംഘര്‍ഷത്തിലേക്ക് ഗുണ്ടകളെ കൊണ്ടുവന്നത് 16 കാരന്റെ ഇടപെടലെന്ന് പൊലീസ്

November 20, 2025

ഫുട്‌ബോള്‍ കളിയുമായി ബന്ധപ്പെട്ട തര്‍ക്കത്തിനിടെ തിരുവനന്തപുരം നഗരമധ്യത്തില്‍ പതിനെട്ടുകാരന്‍ കൊല്ലപ്പെടാനിടയായ സംഘര്‍ഷത്തിലേക്ക് ഗുണ്ടകളെ കൊണ്ടുവന്നത് 16 കാരന്റെ ഇടപെടലെന്ന് പൊലീസ്. തിരുവനന്തപുരം അരിസ്റ്റോ ജങ്ഷനില്‍ വച്ച് സ്‌കൂള്‍ വിദ്യാര്‍ഥികള്‍ തമ്മിലുണ്ടായ സംഘര്‍ഷത്തില്‍ ഇടപെട്ട അലന്റെ മരണത്തിലാണ് നിര്‍ണായക വിവരങ്ങള്‍ പുറത്തുവരുന്നത്. സ്‌കൂള്‍ കുട്ടികളുടെ സംഘര്‍ഷത്തില്‍ പുറത്തുനിന്നുള്ളവർ എത്തിയതാണ് കൊലയില്‍ കലാശിച്ചത്.

ഫുട്‌ബോള്‍ കളിയുമായി ബന്ധപ്പെട്ട് രാജാജി നഗറിലെ കൗമാരക്കാരും സ്‌കൂള്‍ വിദ്യാര്‍ഥികളും സ്ഥിരമായി തര്‍ക്കങ്ങളുണ്ടായിരുന്നു. ഈ വിഷയത്തിലേക്ക് വീടിനടുത്തുള്ള സംഘത്തെ 16-കാരനാണ് എത്തിച്ചത്. തര്‍ക്ക പരിഹാരം എന്ന നിലയില്‍ വിളിച്ചത് പ്രകാരമാണ് അലന്‍ തൈക്കാട് എത്തിയത്. തുടര്‍ന്ന് വാക്കുതര്‍ക്കവും സംഘര്‍ഷവും ഉണ്ടാവുകയായിരുന്നു. അലനെ ഹെല്‍മെറ്റുകൊണ്ട് അടിച്ചുവീഴ്ത്തിയശേഷമാണ് കുത്തിയത്. ഗുരുതരമായി പരിക്കേറ്റ അലന്‍ മരണമടയുകയും ചെയ്തു. ആയുധം വാരിയെല്ലുകള്‍ക്കിടയിലൂടെ ഹൃദയത്തിലേക്കു തറച്ചിരുന്നു എന്നാണ് പോസ്റ്റ്മോര്‍ട്ടം റിപ്പോര്‍ട്ട്.
ജഗതി സ്വദേശി ജോബി(20)യാണ് അലനെ ആക്രമിച്ചത് എന്നാണ് പൊലീസിന്റെ നിഗമനം. മ്യൂസിയം പൊലീസ് സ്റ്റേഷനില്‍ രണ്ട് ക്രിമിനല്‍ കേസുകളില്‍ പ്രതിയായ ഇയാള്‍ സംഭവത്തിന് ശേഷം ഒളിവില്‍പ്പോയിരിക്കുയാണ്. ഇയാള്‍ക്കായി തിരച്ചില്‍ ആരംഭിച്ചു. സംഭവവുമായി ബന്ധപ്പെട്ട് രണ്ടുപേരെ കന്റോണ്‍മെന്റ് പൊലീസ് പിടികൂടിയിട്ടുണ്ട്. കേസിലെ ആറും ഏഴും പ്രതികളായ ജഗതി സ്വദേശി സന്ദീപ് (27), കുന്നുകുഴി തേക്കുംമൂട് തോട്ടുവരമ്പുവീട്ടില്‍ അഖിലേഷ് (20) എന്നിവരെ റിമാന്‍ഡ് ചെയ്തു. കേസില്‍പ്പെട്ട പ്രായപൂര്‍ത്തിയാകാത്ത വിദ്യാര്‍ഥിയെ ബുധനാഴ്ച ജുവനൈല്‍ കോടതിയില്‍ ഹാജരാക്കി.

വോട്ടർ പട്ടികയിൽ നിന്ന് നീക്കം ചെയ്ത പേര് പുനഃസ്ഥാപിച്ചു

November 20, 2025

വെട്ടിയ വോട്ട് പുനസ്ഥാപിച്ചു. വോട്ടർ പട്ടികയിൽ നിന്ന് നീക്കം ചെയ്ത പേര് പുനഃസ്ഥാപിച്ചു. ഹൈക്കോടതി ഇടപെടലിനെ തുടർന്നാണ് ഉൾപ്പെടുത്തിയത്. തൃശ്ശൂർ പുത്തൻചിറ ഗ്രാമപഞ്ചായത്തിലെ ട്വൻ്റി – 20, 11ആം വാർഡ് സ്ഥാനാർത്ഥിയുടെ പേരാണ് വോട്ടർപട്ടികയിൽ നിന്ന് നീക്കം ചെയ്തിരുന്നത്

സ്ഥാനാർഥി വിജയലക്ഷ്മിയുടെയും, ഭർത്താവിന്റെയും വോട്ടുകൾ നീക്കം ചെയ്തിരുന്നു. തുടർന്ന് ഹൈക്കോടതിയെ സമീപിച്ച് കളക്ടറോട് പുനപരിശോധിക്കാൻ ഉത്തരവ് നൽകി. പുനഃപരിശോധനയിൽ ഇരുവർക്കും അതേ വാർഡിൽ വീട് ഉണ്ടെന്ന് കണ്ടെത്തുകയും വോട്ടർ പട്ടികയിൽ ഉൾപ്പെടുത്തുകയുമായിരുന്നു

നാലു വയസ്സുകാരിയോട് അമ്മയുടെ കൊടും ക്രൂരത,പീഡനത്തെക്കുറിച്ച് പിതാവിന് അറിയില്ലായിരുന്നു

November 20, 2025

കൊച്ചി. നാലു വയസ്സുകാരിയോട് അമ്മയുടെ കൊടും ക്രൂരത.പിതാവിനെ പ്രതി ചേർക്കില്ല.പീഡനത്തെക്കുറിച്ച് പിതാവിന് അറിയില്ലായിരുന്നുവെന്ന് കണ്ടെത്തൽ.ചോദ്യം ചെയ്തശേഷം വിട്ടയച്ചു.കുഞ്ഞിന് കൗൺസിലിംഗ് ഉറപ്പാക്കി.ചട്ടുകം ചൂടാക്കി സ്വകാര്യഭാഗത്ത് അടക്കം പൊള്ളിച്ചും പട്ടിണിക്കിട്ടുമായിരുന്നു അമ്മയുടെ പീഡനം.അമ്മ വിനീതക്കായുള്ള കസ്റ്റഡി അപേക്ഷ പോലീസ് ഇന്ന് കോടതിയിൽ സമർപ്പിക്കും

മെട്രോയ്ക്ക് മുന്നിൽ ചാടി വിദ്യാർത്ഥി ജീവനൊടുക്കി

November 20, 2025

ഡൽഹിയിൽ മെട്രോയ്ക്ക് മുന്നിൽ ചാടി വിദ്യാർത്ഥി ജീവനൊടുക്കിയ സംഭവം. മാതാപിതാക്കളുടെ പരാതിയിൽ കേസെടുത്തു പോലീസ്. അധ്യാപകരുടെ മാനസിക പീഡനമാണ് ആത്മഹത്യയ്ക്ക് കാരണമെന്ന് ആരോപണം. ചൊവ്വാഴ്ചയാണ് വിദ്യാർഥി മെട്രോയ്ക്ക് മുന്നിൽ ചാടി ജീവനൊടുക്കിയത്

അപകടത്തിന് കാരണം സ്കൂൾ അധികൃതരുടെ അനാസ്ഥ

November 20, 2025

ഇടുക്കി. വഴത്തോപ്പ് ഗിരിജോതി പബ്ലിക് സ്കൂൾ അപകടം. മരിച്ച നാല് വയസ്സുകാരി ഹെയ്സൽ ബെന്നിന്റെ ബന്ധു

സ്കൂൾ മാനേജ്മെന്റിനെതിരെ കേസെടുക്കണം. സ്കൂൾ അധികൃതരുടെ അനാസ്ഥയാണ് അപകടത്തിന് കാരണം. ഡ്രൈവർക്കെതിരെ കേസെടുത്തതുകൊണ്ട് മാത്രം കാര്യമില്ല. ആയമാർ കുട്ടികളെ കൃത്യമായി ക്ലാസിൽ എത്തിക്കേണ്ടതായിരുന്നു. മറ്റൊരു കുട്ടിക്കും ഈ ഒരു അവസ്ഥ ഉണ്ടാകാതിരിക്കാനുള്ള നടപടി വേണം

isis കേസ്,കുട്ടിയുടെ മാതാവ് കേരളത്തിൽ പോലീസ് നിരീക്ഷണത്തിൽ

November 20, 2025

വെഞ്ഞാറമ്മൂട്. UAPA കേസ്.കുട്ടിയുടെ മാതാവ് കേരളത്തിൽ പോലീസ് നിരീക്ഷണത്തിൽ.യു.കെയിൽ ആയിരുന്ന യുവതി കേരളത്തിലെത്തിയത് മുതൽ പോലീസ് നിരീക്ഷണത്തിൽ. യുവതി കേരളത്തിൽ എത്തിയത് രണ്ടാഴ്ച്ച മുൻപ്. യുവതി നെടുമങ്ങാട് സ്വദേശിയെന്നും പോലീസ്. യുവതിയുടെ വിവരങ്ങൾ തേടി NIA യും അന്വേഷണം ആരംഭിച്ചു

ആൺസുഹൃത്തിന്റെ സഹോദരനെ സംശയിച്ചു പോലീസ്. കനകമല കേസിലെ പ്രതി കുട്ടിയുടെ മാതാവിന്റെ ആൺ സുഹൃത്തിന്റെ സഹോദരൻ. ഇയാളും പോലീസ് നിരീക്ഷണത്തിൽ. കനകമല കേസിൽ ഇയാൾ അറസ്റ്റിലായത് ഡൽഹിയിൽ നിന്നും

സ്വീഡനിൽ പഠിക്കാം: സാമ്പത്തിക സ്ഥിരതയും മികച്ച കരിയറും സ്വന്തമാക്കാം

November 20, 2025

വിദ്യാഭ്യാസത്തിലും ഗവേഷണത്തിലും മുന്നിൽ നിൽക്കുന്ന യൂറോപ്യൻ രാജ്യങ്ങളിൽ ഒന്നാണ് സ്വീഡൻ. ആഗോളതലത്തിൽ അംഗീകൃതമായ സർവകലാശാലകളും പഠനരീതികളും കൊണ്ടാണ് ഈ രാജ്യം ലോകമെമ്പാടുമുള്ള വിദ്യാർത്ഥികളുടെ പ്രിയപ്പെട്ട പഠനകേന്ദ്രമായി മാറിയത്. ഗവേഷണം, പ്രായോഗിക പഠനം എന്നിവയ്ക്കു പ്രാധാന്യം നൽകുന്ന മുൻനിര സർവകലാശാലകൾ സ്വീഡനിലെ വിദ്യാഭ്യാസത്തിന്റെ പ്രത്യേകതയാണ്.

സ്വീഡിഷ് വിദ്യാഭ്യാസ സംവിധാനം സർഗാത്മകമായ കാഴ്ചപ്പാടുകൾ, വിമർശനപരമായ സമീപനം, ടീം വർക്ക് എന്നിവയെ പ്രോത്സാഹിപ്പിച്ച് വിദ്യാർഥികളെ ആധുനിക തൊഴിൽലോകത്തിന് സജ്ജരാക്കുന്നു. ഇംഗ്ലീഷിൽ പഠിപ്പിക്കുന്ന നിരവധി പ്രോഗ്രാമുകൾ ഉള്ളതിനാൽ, അന്താരാഷ്ട്ര വിദ്യാർഥികൾക്ക് ഭാഷയുടേതായ തടസങ്ങൾ ഒന്നുമില്ല. ഇൻഡസ്ട്രി ഓറിയന്റഡ് കോഴ്‌സുകളായതിനാൽ, വിദ്യാർഥികൾക്ക് യഥാർഥ ലോകപരിചയവും ഇന്റേൺഷിപ്പുകളും മികച്ച തൊഴിൽസാധ്യതകളും ലഭിക്കുന്നു.

സ്വീഡനിൽ സെമസ്റ്റർ അടിസ്ഥാനത്തിൽ ഫീസ് അടയ്ക്കാനുള്ള സൗകര്യം ലഭ്യമാണ്. കൂടാതെ പല സാഹചര്യങ്ങളിലും STEM (Science, Technology, Engineering, Mathematics) വിദ്യാർഥികൾക്ക് IELTS ആവശ്യമില്ല. മാസ്‌റ്റേഴ്‌സ് പ്രവേശനത്തിന് പ്രായപരിധിയോ അരിയേഴ്‌സിനുള്ള നിയന്ത്രണങ്ങളോ ഇല്ല. സ്റ്റഡി ഗ്യാപ്പുകൾ, ക്രെഡിറ്റ് ട്രാൻസ്ഫറുകൾ, ഡിസ്റ്റൻസ് എജ്യുക്കേഷൻ എന്നിവയും സ്വീകരിക്കപ്പെടുന്നു. ഇതിലൂടെ വിദ്യാർഥികൾക്ക് കൂടുതൽ ലളിതമായി അഡ്മിഷൻ നേടാൻ സാധിക്കുന്നു.

വിദ്യാർഥികൾക്ക് പഠനകാലത്ത് കുടുംബത്തോടൊപ്പം താമസിക്കാം, പങ്കാളിക്ക് പൂർണമായ വർക്ക് പെർമിറ്റും ലഭിക്കും. ബിരുദമോ ബിരുദാനന്തര ബിരുദമോ പൂർത്തിയാക്കിയ ശേഷം ഒരു വർഷത്തെ സ്‌റ്റേ ബാക്ക് അവസരവും ലഭ്യമാണ്. അതുപോലെ, സ്ഥിരതാമസത്തിനും (പിആർ) സെറ്റിൽമെന്റിനുമുള്ള നിയമങ്ങൾ സ്വീഡനിൽ കൂടുതൽ ലളിതമാണ്. അതിനാൽ യൂറോപ്പിലെ ഏറ്റവും വിദ്യാർഥിസൗഹൃദ രാജ്യങ്ങളിൽ ഒന്നായി സ്വീഡൻ പരിഗണിക്കപ്പെടുന്നു. കൂടാതെ കുട്ടികൾക്ക് സൗജന്യ വിദ്യാഭ്യാസവും മികച്ച ആരോഗ്യ സംരക്ഷണവും സ്വീഡിഷ് ഗവണ്മെന്റ് ഉറപ്പു നൽകുന്നു. ഇത് കൂടുതൽ സ്വാതന്ത്ര്യത്തോടെയും സൗകര്യത്തോടെയും തൊഴിൽ സാധ്യതകൾ തേടാനും, സാമ്പത്തിക ഭദ്രത കൈവരിക്കാനും, ഭാവിയിൽ സ്ഥിരവും മികച്ചതുമായ കരിയറിലേക്കുള്ള വഴികൾ കണ്ടെത്തുവാനും വിദ്യാർഥികൾക്ക് അവസരമൊരുക്കുന്നു.

ഇന്റേൺഷിപ്പ് നേടാനും ജോലിപരിചയത്തിനുമായി ശ്രമിക്കുന്ന വിദ്യാർഥികൾക്ക് വലിയ അവസരങ്ങൾ നൽകുന്ന രാജ്യമാണ് സ്വീഡൻ. Volvo, H&M, Spotify, IKEA, Ericsson പോലുള്ള ലോകപ്രശസ്തമായ കമ്പനികളുടെ മുഖ്യ ഓഫിസുകൾ സ്വീഡനിൽ പ്രവർത്തിക്കുന്നു. അതിനാൽ വിദ്യാർഥികൾക്ക് മികച്ച തൊഴിൽ നേടാനുള്ള അവസരങ്ങൾ ഏറെയാണ്. പഠനം കഴിഞ്ഞ് ജോലി ലഭിച്ചാൽ കുറച്ച് വർഷത്തിനുള്ളിൽ പിആറിന് അപേക്ഷിക്കാം. സ്വീഡന്റെ തലസ്ഥാനമായ സ്‌റ്റോക്ക്‌ഹോം ലോകത്തെ രണ്ടാമത്തെ വലിയ ഐടി ഹബ്ബാണ്. ‘സിലിക്കൺ വാലി ഓഫ് യൂറോപ്പ്’ എന്നാണ് സ്‌റ്റോക്ക്‌ഹോം അറിയപ്പെടുന്നത്. അതുകൊണ്ടുതന്നെ സ്റ്റാർട്ട്പ്പുകളെ പ്രോത്സാഹിപ്പിക്കുന്ന ഒരു രാജ്യം കൂടിയാണ് സ്വീഡൻ.

ഷെൻഗൻ അംഗത്വമുള്ളതിനാൽ, സ്വീഡനിൽ പഠിക്കുന്ന വിദ്യാർഥികൾക്ക് 29 യൂറോപ്യൻ രാജ്യങ്ങളിലേക്ക് വിസയില്ലാതെ യാത്ര ചെയ്യാനും ജോലി കണ്ടെത്തുവാനും സാധിക്കുന്നു. യൂറോപ്പിലെ ഏറ്റവും ഉയർന്ന ജിഡിപിയുള്ള രാജ്യങ്ങളിൽ ഒന്നായതു കൊണ്ട് സ്വീഡനിലെ തൊഴിലവസരങ്ങൾ സാമ്പത്തികസ്ഥിരതയും മികച്ച കരിയറും നൽകുന്നു.

സ്വീഡനിലെ പഠനത്തെക്കുറിച്ചുള്ള കൂടുതൽ വിവരങ്ങൾക്ക് വിദഗ്ധരുമായി സംസാരിക്കാം: 7356 155 333

ജഡ്ജി എവിടെ?കൈക്കൂലിക്കേസിൽ ഒളിവിലുള്ള സെഷൻസ് കോടതി ജഡ്ജിയെ ഇനിയും കണ്ടെത്താനായില്ല

November 20, 2025

മുംബൈ. കൈക്കൂലിക്കേസിൽ ഒളിവിലുള്ള സെഷൻസ് കോടതി ജഡ്ജിയെ ഇനിയും കണ്ടെത്താനായില്ല. മഡ്ഗാവ് അഡീ.സെഷൻസ് കോടതി ജഡ്ജി അജാസുദ്ദീൻ എസ് കാസിയാണ് ഒളിവിൽ.ഒരാഴ്ചയിലേറെയായി ഒളിവിലാണ്.അനുകൂല വിധി നൽകാൻ 15 ലക്ഷം കൈക്കൂലി അവശ്യപ്പെട്ടതാണ് കേസ്.കൈക്കൂലി കൈപറ്റവേ ജഡ്ജിയുടെ ക്ലർക് പിടിയിലായിരുന്നു. പിന്നാലെയാണ് ജഡ്ജി ഒളിവിൽ പോയത്

ഈ പച്ചക്കറി കാഴ്ചശക്തി മെച്ചപ്പെടുത്താൻ സഹായിക്കും

November 20, 2025

ക്യാരറ്റ് പതിവായി കഴിക്കുന്നത് കാഴ്ചശക്തി കൂട്ടാൻ സഹായിക്കും. ബീറ്റാ കരോട്ടിൻ ഉൾപ്പെടെയുള്ള ക്യാരറ്റിലെ പോഷകങ്ങൾ ആരോഗ്യകരമായ കാഴ്ചയെ പിന്തുണയ്ക്കുകയും കാലക്രമേണ കണ്ണുകളെ കേടുപാടുകളിൽ നിന്ന് സംരക്ഷിക്കുകയും ചെയ്യുന്നു.

ക്യാരറ്റിൽ ആന്റിഓക്‌സിഡന്റുകൾ ധാരാളമായി അടങ്ങിയിട്ടുണ്ട്. ഇത് ശരീരം വിറ്റാമിൻ എ ആയി മാറ്റുന്നു. റെറ്റിനയിൽ കാണപ്പെടുന്ന ഒരു പിഗ്മെന്റ് റോഡോപ്സിൻ ഉത്പാദിപ്പിക്കാൻ വിറ്റാമിൻ എ ശരീരത്തെ സഹായിക്കുന്നു. ഒരു കപ്പ് പച്ച കാരറ്റ് കഴിക്കുന്നത് വിവിധ നേത്രരോഗങ്ങൾ തടയുന്നതിന് സഹായിക്കുന്നു.

പ്രായവുമായി ബന്ധപ്പെട്ട മാക്കുലാർ ഡീജനറേഷൻ (AMD) തടയാൻ സഹായിക്കുന്ന പോഷകങ്ങൾ ക്യാരറ്റിൽ അടങ്ങിയിട്ടുണ്ട്. ക്യാരറ്റിൽ ല്യൂട്ടിൻ, സിയാക്സാന്തിൻ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് കണ്ണുകളെ എഎംഡിയിൽ നിന്ന് സംരക്ഷിക്കാൻ സഹായിക്കുന്നു.

കണ്ണിന്റെ പുറം പാളിയായ കോർണിയയുടെ ആരോഗ്യം നിലനിർത്തുന്നതിന് വിറ്റാമിൻ എ അത്യാവശ്യമാണ്. ശരീരം ബീറ്റാ കരോട്ടിൻ (കാരറ്റിലെ ഒരു പിഗ്മെന്റ്) വിറ്റാമിൻ എ ആയി പരിവർത്തനം ചെയ്യുന്നു. ഇത് കാഴ്ചയ്ക്ക് നിർണായകമായ ഒരു പോഷകമാണ്.

ക്യാരറ്റ് ഡയറ്റിൽ ഉൾപ്പെടുത്തുന്നത് ഹൃദയത്തിൻറെ ആരോഗ്യത്തിനും നല്ലതാണ്. പൊട്ടാസ്യം ധാരാളം അടങ്ങിയ ക്യാരറ്റ് രക്തസമ്മർദ്ദം നിയന്ത്രിക്കാൻ സഹായിക്കും. കൂടാതെ ഇവ കൊളസ്ട്രോൾ കുറയ്ക്കാനും ഹൃദയത്തിൻറെ ആരോഗ്യം സംരക്ഷിക്കാനും സഹായിക്കും. ഫൈബർ ധാരാളം അടങ്ങിയിട്ടുള്ളതും കലോറി വളരെ കുറഞ്ഞതുമായ ക്യാരറ്റ് വണ്ണം കുറയ്ക്കാൻ ആഗ്രഹിക്കുന്നവർക്ക് കഴിക്കാവുന്നതാണ്.

ക്യാരറ്റിന് നിറം നൽകുന്നത് ബീറ്റാകരോട്ടിനാണ്. വളരെ ശക്തിയേറിയ ആന്റി ഓക്സിഡന്റാണിത്. ചർമ്മത്തിൻറെ ആരോഗ്യത്തിന് ഇവ മികച്ചതാണ്. പ്രായത്തെ നിയന്ത്രിക്കുന്ന ചർമകോശങ്ങളെ നശിപ്പിക്കുന്ന ഫ്രീ റാഡിക്കലുകളെ തടയാനും ക്യാരറ്റ് സഹായിക്കും.