കരുനാഗപ്പള്ളി. ശക്തമായ കാറ്റിൽ മരം പിഴുതു വീണ് വാഹനം തകർന്നു.


ഉച്ചയ്ക്ക് 3 മണിയോടെയാണ് കരുനാഗപ്പളളി
ശക്തിപറമ്പ് ശ്രീ ഭദ്രകാളി ക്ഷേത്രത്തിന് സമീപവെച്ചാണ് സംഭവം

സ്ഥലത്ത് പാർക്കു ചെയ്തിരുന്ന സുഭാഷിൻ്റെ വാഹനത്തിന്  മുകളിലേക്ക് മരം വീഴുകയായിരിന്നു കാർ പാടേ തകർന്നു.

സമീപത്തെ  വീടിന്റെ മതിലും ഗേറ്റും ഇതോടൊപ്പം തകർന്നു.

കരുനാഗപ്പള്ളി:  ദേശീയപാതയോട് ചേർന്ന് പ്രവർത്തിക്കുന്ന പുത്തൻതെരുവിലെ പഞ്ചായത്ത് വക സ്റ്റേഡിയത്തിലെ പബ്ലിക് ടോയ്ലറ്റിനോട് ചേർന്ന് ചേർന്ന് പഞ്ചായത്ത് നിർമ്മിക്കുന്ന കുഴൽ കിണർ നിർമ്മാണം യൂത്ത് കോൺഗ്രസ് പ്രവർത്തകർ തടഞ്ഞു. നിർമ്മാണ പ്രവർത്തനം തടഞ്ഞ യൂത്ത് കോൺഗ്രസ് പ്രവർത്തകർ കുലശേഖരപുരം ഗ്രാമപഞ്ചായത്ത് സെക്രട്ടറി ഉപരോധിച്ചു തുടർന്ന് പോലീസ് ഇടപെടുകയും നിർമ്മാണ പ്രവർത്തനം താൽക്കാലികമായി നിർത്തി വെക്കുവാൻ സെക്രട്ടറി നിർദ്ദേശിക്കുകയും ചെയ്തു. ഈ കുഴൽ കിണറിൽ നിന്നും വെള്ളമെടുത്താൽ ആയിരക്കണക്കിന് ആളുകൾക്ക് ഗുരുതരമായ അസുഖങ്ങൾ ബാധിക്കുമെന്ന് യൂത്ത് കോൺഗ്രസ് ചൂണ്ടി കാണിച്ചു. പഞ്ചായത്തിന്റെ തന്നെ ഉപയോഗശൂന്യമായി നിരവധി വസ്തുക്കൾ കിടന്നിട്ടും യുവജനങ്ങൾ ഫുട്ബോൾ കളിക്കുന്ന സ്റ്റേഡിയത്തിന്റെ മധ്യഭാഗത്തായി കുഴൽക്കിണർ നിർമ്മിക്കുവാനുള്ള നീക്കം  സ്റ്റേഡിയം ഇല്ലാതാക്കാനുള്ള  ചില സ്ഥാപിത താല്പര്യക്കാരുടെ ഗൂഢാലോചനയുടെ ഭാഗമായിട്ടാണെന്ന് യൂത്ത് കോൺഗ്രസ് ആരോപിക്കുന്നു.കരുനാഗപ്പള്ളിയിലെ കായിക വിനോദരംഗത്തെ ഏകപ്രതീക്ഷയാണ് പുത്തൻ സ്റ്റേഡിയം. 1992 കായിക വിനോദങ്ങൾക്ക് വേണ്ടി അന്നത്തെ ഭരണസമിതിയുടെ തീരുമാനപ്രകാരം വില കൊടുത്തു വാങ്ങിയ 85 സെന്റ് ഭൂമിയിൽ പിന്നീട് വന്ന ഭരണസമിതിക്കാർ കായിക വിനോദങ്ങൾക്ക് വേണ്ടി ഒന്നും നടപ്പിലാക്കാതെ മറ്റു പദ്ധതികൾ കൊണ്ടുവന്ന സ്റ്റേഡിയം ഇല്ലാതാക്കാനുള്ള ശ്രമമാണ് നടത്തിക്കൊണ്ടിരിക്കുന്നത്. വാട്ടർ ടാങ്ക്, ഉപയോഗശൂന്യമായ ടോയ്‌ലറ്റുകൾ, കാർഷിക വിപണനത്തിന്റെ പേരിൽ ഉപയോഗശൂന്യമായ കെട്ടിടം പണിഞ്ഞ്  സ്ഥലപരിമിതമാക്കിയതും,സ്റ്റേഡിയത്തിന്റെ മുൻവശത്ത് നിന്നും  കോടികൾ വിലമതിക്കുന്ന 5 സെന്റ് ഭൂമി താലൂക്ക് ലൈബ്രറി കൗൺസിൽ പതിച്ചുകൊടുത്തതും പഞ്ചായത്ത് ഭരണസമിതി യുവജനങ്ങളോട് കാണിക്കുന്ന കടുത്ത വഞ്ചന യാണെന്നും യൂത്ത് കോൺഗ്രസ് കുറ്റപ്പെടുത്തി. യൂത്ത് കോൺഗ്രസ് നേതാക്കളായ കെ എസ് സുധീർ,കെ എം നൗഷാദ് ഇർഷാദ് ബഷീർ, അസ്ലം ആദിനാട്, അൽത്താഫ്, കെ എസ് പുരം അഫ്സൽ, സുമയ്യ, ആഷിക് തുടങ്ങിയവർ നേതൃത്വം നൽകി

കരുനാഗപ്പള്ളി . വയൽ നികത്തിയ സ്വകാര്യ വ്യക്തിയുടെ നടപടിക്കെതിരെ റവന്യൂ അധികൃതർ നടപടി തുടങ്ങി. നികത്തിയ 1.35 ഏക്കർ വയൽ പൂർവ സ്ഥിതിയിലാക്കാനാണ് നടപടി ആരംഭിച്ചത്.
അയണിവേലിക്കുളങ്ങര വില്ലേജ് ഓഫീസിനു എതിർവശമുള്ള വയലാണ് സ്വകാര്യ വ്യക്തി നികത്തിയത്.ഡേറ്റാ ബാങ്കിൽ ഉൾപ്പെട്ട സ്ഥലമായതിനാൽ ഇത് നികത്തുന്നത് തടഞ്ഞുകൊണ്ട് 2020-ൽ വില്ലേജ് ഓഫീസർ സ്റ്റോപ്പ് മെമ്മോ നൽകുകയും കളക്ടർക്ക് റിപ്പോർട്ട് സമർപ്പിക്കുകയും ചെയ്തിരുന്നു.  തുടർന്ന് നികത്തിയ വയൽ പൂർവ സ്ഥിതിയിലാക്കാൻ കളക്ടർ ഉത്തരവിട്ടു. 
എന്നാൽ, ഇതിനാവശ്യമായ ഫണ്ട് ലഭ്യമാകാത്തതു കാരണം മണ്ണ് നീക്കം ചെയ്യാന്നായില്ല.  ഇതിനിടയിൽ കളക്ടറുടെ ഉത്തരവ് നടപ്പാക്കിയില്ലെന്ന് കാണിച്ച് ഒരാൾ ഹൈക്കോടതിയിൽ പൊതുതാൽപര്യ ഹർജി നൽകി.  ഹർജി പരിഗണിച്ച ഹൈകോടതിയാണ് എത്രയും വേഗം മണ്ണ് നീക്കം ചെയ്യാൻ ഉത്തരവായത്. ഇതുസംബന്ധിച്ച് അടുത്ത ദിവസം ഹൈക്കോടതിയിൽ റിപ്പോർട്ട് നൽകാനും ഉത്തരവിൽ പറഞ്ഞിട്ടുണ്ട്.  ഇതേ തുടർന്നാണ് ഞായറാഴ്ച രാവിലെ മുതൽ അടിയന്തിരമായി മണ്ണ് നീക്കം ചെയ്തു തുടങ്ങിയത്.
എൽ ആർ തഹസിൽദാരുടെ നേതൃത്വത്തിലാണ് മണ്ണ് നീക്കം ചെയ്തു തുടങ്ങിയത്.  മൂന്നു വീതം ജെസിബിയും ടിപ്പർ ലോറികളും ഉപയോഗിച്ചാണ് മണ്ണ് നീക്കുന്നത്. വയൽ നികത്തിയ ഭാഗത്ത് ഒരു  ആക്രിക്കടയാണ് ഇപ്പോൾ പ്രവർത്തിക്കുന്നത്. ഇവിടെയുള്ള സാധനസാമഗ്രികൾ ആക്രിക്കട നടത്തിപ്പുകാർ തന്നെ മാറ്റിത്തുടങ്ങിയിട്ടുണ്ട്.
എൽആർ തഹസിൽദാർ ആർ സുശീല, ഡെപ്യൂട്ടി തഹസിൽദാർമാരായ അരുൺകുമാർ, സജീവ്, എ ആർ അനീഷ്, വില്ലേജ് ഓഫീസർ അജയകുമാർ, റവന്യൂ ജീവനക്കാർ എന്നിവരുടെ നേതൃത്വത്തിലാണ് മണ്ണ് നീക്കം ചെയ്യാനുള്ള പ്രവർത്തനങ്ങൾ പുരോഗമിക്കുന്നത്.
ചിത്രം: അയണിവേലിക്കുളങ്ങരയിൽ നികത്തിയ വയൽ അധികൃതർ പൂർവ്വസ്ഥിതിയിലാക്കുന്നു.