കോഴ ആരോപണം: പ്രമോദ് കോട്ടുളി നടപടിയുമായി മുന്നോട്ട്

July 14, 2024

കോഴിക്കോട്: പി.എസ്.സി കോഴ ആരോപണത്തിന്റെ പേരില്‍ പാർട്ടി പുറത്താക്കിയ സി.പി.എം കോഴിക്കോട് ടൗണ്‍ ഏരിയ കമ്മിറ്റി അംഗം പ്രമോദ് കോട്ടൂളി നിയമനടപടിയുമായി മുന്നോട്ട്.

കോഴ ആരോപണത്തിന്റെ സത്യാവസ്ഥ കണ്ടെത്തണമെന്നാവശ്യപ്പെട്ട് സിറ്റി പൊലീസ് കമ്മീഷണർക്ക് ഇന്ന് പ്രമോദ് നേരിട്ട് പരാതി നല്‍കിയേക്കും.

തനിക്കെതിരെ ആരോപണമുന്നയിച്ച ശ്രീജിത്തിന്റെ വീട്ടിന്റെ മുമ്ബില്‍ പ്രമോദ് കോട്ടൂളി കുത്തിയിരുപ്പ് നടത്തിയിരുന്നു. എന്നാല്‍ അത് ഇന്നലെ രാത്രിയോടെ അവസാനിപ്പിച്ച്‌ വീട്ടിലേക്ക് മടങ്ങി. നിയമപോരാട്ടവുമായി മുന്നോട്ടുപോകുമെന്ന് പ്രമോദ് പറഞ്ഞു. ശ്രീജിത്തിന്റെ ഭാര്യക്ക് നിയമനം നല്‍കാന്‍ പ്രമോദ് പണം കൈപ്പറ്റിയെന്നാണ് ആരോപണം.

താൻ‌ നടത്തുന്നത് പ്രതിഷേധമല്ലെന്നും അമ്മയെ സത്യം ബോധ്യപ്പെടുത്താനുള്ള ഒരു മകന്റെ കടമയാണെന്നും പ്രമോദ് പറഞ്ഞു. താൻ ചെയ്ത പൊതുപ്രവർത്തനത്തിന് ഇങ്ങനെ അനുഭവിക്കേണ്ടതുണ്ടോയെന്ന് ചോദിച്ച പ്രമോദ് തനിക്ക് വീഴ്ചപ്പറിയിട്ടുണണ്ടോയെന്ന് നേതൃത്വം വ്യക്തമാക്കണമെന്നും ആവശ്യപ്പെട്ടു. സാധാരണക്കാരെ സഹായിക്കല്‍ മാത്രമേ താൻ ചെയ്തിട്ടുള്ളൂവെന്നും അമ്മയുടെയും മകൻ്റെയും ശാരീരിക പ്രശ്നങ്ങള്‍ കാരണമാണ് വീട്ടിലേക്ക് മടങ്ങുന്നുതെന്നും അദ്ദേഹം കൂട്ടിച്ചേർത്തു.

ഹോമിയോ മെഡിക്കല്‍ ഓഫീസർ നിയമനത്തിന് കോഴ വാങ്ങിയെന്ന പരാതിയില്‍ പ്രമോദ് കോട്ടൂളിയെ ഇന്നലെയാണ് പാർട്ടി പുറത്താക്കിയത്. പുറത്താക്കല്‍ പാർട്ടി ഏകകണ്ഠമായി തീരുമാനിച്ചതാണെന്ന് സി.പി.എം കോഴിക്കോട് ജില്ലാ സെക്രട്ടറി പി. മോഹനൻ പ്രതികരിച്ചിരുന്നു. പാർട്ടി അച്ചടക്കത്തിന് നിരക്കാത്ത കാര്യങ്ങള്‍ പ്രമോദിൻ്റെ ഭാഗത്ത് നിന്നുണ്ടായെന്നും പ്രമോദ് പാർട്ടിക്ക് കളങ്കമുണ്ടാക്കിയെന്നും മോഹനൻ പറഞ്ഞു. അതാണ് പരിശോധിച്ചതെന്നും എല്ലാ കാര്യങ്ങളും ഏകമനസ്സോടെ എടുത്തതാണെന്നും അദ്ദേഹം കൂട്ടിച്ചേർത്തു.

പ്രമോദ് കോട്ടൂളിയെ പ്രാഥമികാംഗത്വത്തില്‍ നിന്നും തെരഞ്ഞെടുക്കപ്പെട്ട എല്ലാ സ്ഥാനങ്ങളില്‍ നിന്നും നീക്കിയായി കഴിഞ്ഞ ദിവസം പാർട്ടി അറിയിച്ചിരുന്നു.

നാല് വർഷത്തിനിടെ രാജ്യത്ത് 8 കോടി തൊഴിലവസരങ്ങൾ സൃഷ്ടിച്ചെന്ന് പ്രധാനമന്ത്രി

July 14, 2024

മുംബൈ.നാല് വർഷത്തിനിടെ രാജ്യത്ത് 8 കോടി തൊഴിലവസരങ്ങൾ സൃഷ്ടിച്ചെന്ന് പ്രധാനമന്ത്രി നരേന്ദ്ര മോദി. ഇക്കാര്യം സൂചിപ്പിക്കുന്ന കണക്കുകൾ RBI പുറത്തു വിട്ടിട്ടുണ്ടെന്നും മോദി പറഞ്ഞു. മുംബൈയിൽ ഇരുപത്തിഒൻപതിനായിരം കോടിയുടെ വികസന പദ്ധതികൾക്ക് തുടക്കമിട്ട ശേഷം സംസാരിക്കുകയായിരുന്നു അദ്ദേഹം. ബോറിവലി താനെ തുരങ്കപാത , മുളുണ്ട് ഗൊരേഗാവ് പാത എന്നീവയാണ് ഇതിൽ പ്രധാനപ്പെട്ട പദ്ധതികൾ. റെയിവേ മേഖലയിലെ ചില വികസന പദ്ധതികൾക്കും മോദി തുടക്കമിട്ടു. മുകേഷ് അംബാനിയുടെ മകൻ ആനന്ദ് അമ്പാനിയുടെ വിവാഹ റിസപ്ഷനിലും മോദി പങ്കെടുത്തു

കെ എസ് ഇ ബി കരാർ ജീവനക്കാരെ വാഹനമിടിപ്പിച്ച് കൊലപ്പെടുത്താൻ ശ്രമം

July 14, 2024

കാസർഗോഡ്. നല്ലോംപുഴയിൽ കെ എസ് ഇ ബി കരാർ ജീവനക്കാരെ വാഹനമിടിപ്പിച്ച് കൊലപ്പെടുത്താൻ ശ്രമം. നല്ലോംപുഴ മാരിപ്പുറത്ത് ജോസഫിന്റെ വീട്ടിലെ
കേടായ മീറ്റർ മാറ്റി സ്ഥാപിക്കുന്നതിലെ തർക്കമാണ് ആക്രമണത്തിന് കാരണം. മീറ്റർ മാറ്റി തിരിച്ച് ബൈക്കിൽ മടങ്ങുമ്പോൾ ജോസഫിന്റെ മകൻ സന്തോഷ്‌ ജീപ്പിലെത്തി അരുൺ കുമാറിനെ ഇടിച്ച് വീഴ്ത്തുകയായിരുന്നു. ആക്രമണത്തിൽ
കെ എസ് ഇ ബി ജീവനക്കാരനായ അരുൺ കുമാറിന് പരുക്കേറ്റു. ബൈക്കിൽ നിന്ന വീണ ജീവനക്കാരെ ജീപ്പിലെ ജാക്കി ലിവർ വച്ച് ജോസഫ് അടിച്ചെന്നും പരാതിയുണ്ട്. കെ എസ് ഇ ബി നൽകിയ പരാതിയിൽ ചിറ്റാരിക്കാൽ പോലീസ് അന്വേഷണം ആരംഭിച്ചു

20 കിലോ കഞ്ചാവുമായി 3 പേർ പിടിയിൽ

July 14, 2024

കോഴിക്കോട്. 20 കിലോ കഞ്ചാവുമായി 3 പേർ പിടിയിൽ.പേരാമ്പ്ര സ്വദേശി മുഹമ്മദ് അസ്ലം, ചെമ്പനോട സ്വദേശി സിദ്ദിഖ് ഇബ്രാഹിം, മരുതോങ്കര സ്വദേശി റംസാദ് എന്നിവരെയാണ് പിടികൂടിയത്.മലപ്പറമ്പ് വെച്ച് എക്സൈസ് സംഘം പിടികൂടുകയായിരുന്നു.കാസർഗോഡ് കേന്ദ്രീകരിച്ചുള്ള കഞ്ചാവ് സംഘത്തിലെ പ്രധാന കണ്ണികളാണ് ഇവർ.ആന്ധ്രപ്രദേശിൽ നിന്ന് കൊണ്ടുവരുന്ന വസ്ത്രങ്ങൾക്കുള്ളിൽ ആക്കിയാണ് സംഘം കഞ്ചാവ് കടത്തിയിരുന്നത്

സംസ്ഥാന ജൂനിയർ ബാഡ്മിന്റൺ ചാമ്പ്യൻഷിപ്പിന് കരുനാഗപ്പള്ളിയിൽ തുടക്കമായി

July 14, 2024

കരുനാഗപ്പള്ളി. സംസ്ഥാന ജൂനിയർ ബാഡ്മിന്റൺ ചാമ്പ്യൻഷിപ്പിന് കരുനാഗപ്പള്ളിയിൽ തുടക്കമായി. കേരളാ ബാഡ്മിന്റൺ അസോസിയേഷൻ സംഘടിപ്പിച്ച ചാമ്പ്യൻഷിപ്പ് ധനകാര്യ മന്ത്രി കെ.എൻ ബാലഗോപാൽ ഉദ്ഘാടനം ചെയ്തു. സംസ്ഥാന ജൂനിയർ ചാമ്പ്യൻഷിപ്പ് ജൂൺ 13 മുതൽ 16 വരെ നീണ്ടു നിൽക്കും.. കരുനാഗപ്പള്ളി മാർക്കറ്റിനു കിഴക്കുവശം എൻഎസ്ബി (നാസർ സ്കൂൾ ഓഫ് ബാഡ്മിന്റൺ) യിൽ വച്ചാണ്നടക്കുന്നത്. . .
കേരളത്തിലെ 14 ജില്ലകളിൽ നിന്നായി 300 ലേറെ ബാഡ്മിന്റൺ താരങ്ങൾ പങ്കെടുക്കും.ദേശീയ അന്തർദേശീയ മത്സരങ്ങളിൽ പങ്കെടുത്തതും തുടർന്നും ദേശീയ അന്തർദേശീയ തലത്തിലേയ്ക്ക് ഉയർന്ന് വരേണ്ടതുമായ താരങ്ങൾ ചാമ്പ്യൻഷിപ്പിൽ മാറ്റുരക്കുന്നുണ്ട്.. 16ന് നടക്കുന്ന സമാപന സമ്മേളനത്തിൽ വച്ച് സമ്മാനങ്ങൾ വിതരണം ചെയ്യും. ഉദ്ഘാടന ചടങ്ങിന് സംഘാടക സമിതി ചെയർമാൻ അഡ്വ.എൻ രാജൻ പിള്ള അദ്ധ്യക്ഷത വഹിച്ചു. കേരള ബഡ്മിൻ്റൺ അസോസിയേഷൻ പ്രസിഡൻ്റ് അഡ്വ കെ അനിൽകുമാർ അമ്പലക്കര, രാകേഷ് ശേഖർ, മുരളീധരൻ, CR മഹേഷ് MLA, കോട്ടയിൽ രാജു, n ജി ഫോട്ടോ പാർക്ക് എന്നിവർ സംസാരിച്ചു

ആമയിഴഞ്ചാൻ തോടിൽ ശുചീകരണ തൊഴിലാളി അപകടത്തിൽ പെട്ടതിന്റെ ഉത്തരവാദിത്വം ഏറ്റെടുക്കാതെ നഗരസഭയും റെയിൽവേയും

July 13, 2024

തിരുവനന്തപുരം. ആമയിഴഞ്ചാൻ തോടിൽ ശുചീകരണ തൊഴിലാളി അപകടത്തിൽ പെട്ടതിന്റെ ഉത്തരവാദിത്വം ഏറ്റെടുക്കാതെ നഗരസഭയും റെയിൽവേയും. പരസ്പരം പഴിചാരാൻ മത്സരിക്കുകയാണ് ഇരു കൂട്ടരും. സംഭവത്തിൽ ജില്ലാ കളക്ടറോട് മന്ത്രി വി. ശിവൻ കുട്ടി റിപ്പോർട്ട് തേടി.

ജീവനോപാധിക്കായി തോട് വൃത്തിയാക്കാൻ ഇറങ്ങിയ ഒരു സാധു മനുഷ്യൻ അപകടത്തിൽപ്പെട്ടിട്ടും ഉത്തരവാദികൾ ആരെന്ന തർക്കത്തിലാണ് അധികാരികൾ. അപകടം നടന്ന സ്ഥലം റെയിൽവേയുടെ അധീനതയിലാണ്. അപകടത്തിന് ഉത്തരവാദികൾ റെയിൽവേ എന്നതാണ് നഗരസഭയുടെ നിലപാട്. ജൂൺ 19 നു തന്നെ നഗരസഭ റെയിൽവേയ്ക്ക് തോട് വൃത്തിയാക്കണമെന്ന് ആവശ്യപ്പെട്ട് നോട്ടീസ് നൽകിയിരുന്നു.

റെയിൽവേയുടെ ഭാഗത്തുള്ള തോട്ടിൽ നിന്ന് മാലിന്യം നീക്കം ചെയ്യാൻ നഗരസഭയെയോ സർക്കാരിനെയോ അനുവദിക്കാറില്ലെന്ന് മന്ത്രി വി. ശിവൻകുട്ടി കുറ്റപ്പെടുത്തി. അപകടത്തിൽ വിശദമായ അന്വേഷണം നടത്തി മന്ത്രിക്ക് റിപ്പോർട്ട് സമർപ്പിക്കാൻ ജില്ലാ കളക്ടറോട് ആവശ്യപ്പെട്ടു.

മഴക്കാലപൂർവ്വ ശുചീകരണത്തിൻ്റെ ഭാഗമായി തോട് വൃത്തിയാക്കിയത് നഗരസഭ ആണെന്നാണ് റെയിൽവേയുടെ വിശദീകരണം. അപകടത്തിൽപ്പെട്ട ജീവനക്കാരനുമായി ബന്ധമില്ലെന്നും ദക്ഷിണ റെയിൽവേ തിരുവനന്തപുരം ഡിവിഷൻ അറിയിച്ചു. അപകടത്തിൽ നഗരസഭയെ കുറ്റപ്പെടുത്തി ബിജെപി രംഗത്തെത്തി. മാലിന്യ പ്രശ്നം പരിഹരിക്കുന്നതിൽ നഗരസഭ പരാജയപ്പെട്ടെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ പറഞ്ഞു.

ഇരിട്ടിയിൽ വയോധികന്റെ ദാരുണാന്ത്യത്തിനിടയാക്കിയ വാഹനങ്ങൾ പോലീസ് കസ്റ്റഡിയിലെടുത്തു

July 13, 2024

കണ്ണൂർ. ഇരിട്ടിയിൽ വയോധികന്റെ ദാരുണാന്ത്യത്തിനിടയാക്കിയ വാഹനങ്ങൾ പോലീസ് കസ്റ്റഡിയിലെടുത്തു. റോഡിൽ വീണ വയോധികനെ ഇടിച്ചിട്ട് നിർത്താതെ പോയ 2 വാഹനങ്ങളാണ് പിടികൂടിയത്. അപകടം മനസ്സിലാക്കിയിട്ടും ഇരു വാഹനങ്ങളിലും ഉണ്ടായിരുന്നവർ രക്ഷിക്കാൻ ശ്രമിക്കാതെ കടന്നുകളയുകയായിരുന്നു.

നടപ്പാതയിൽ നിന്ന് കാൽതെറ്റി റോഡിലേക്ക് വീണ വയോധികനെ ആദ്യം എത്തിയ വാഹനം ഇടിച്ചുതെറിപ്പിച്ചു. പിന്നാലെ വന്ന കാർ ശരീരത്തിലൂടെ കയറിയിറങ്ങി. ഇടുക്കി സ്വദേശിയായ രാജനെന്ന കെ എ ഗോപാലന് ദാരുണാന്ത്യം. മനുഷ്യത്വത്തിന്റെ കണിക പോലും പ്രകടിപ്പിക്കാതിരുന്ന ഇരുവാഹനങ്ങളിലും ഉള്ളവർ രക്ഷിക്കാൻ ശ്രമിക്കാതെ കടന്നുകളഞ്ഞു. അപകടം തിരിച്ചറിഞ്ഞിട്ടും ക്രൂരത. ഈ സംഭവത്തിലാണ് രണ്ടു വാഹനങ്ങൾ പോലീസ് പിടികൂടിയത്. നിരവധി സിസിടിവി ദൃശ്യങ്ങൾ പരിശോധിച്ചാണ് വാഹനങ്ങൾ തിരിച്ചറിഞ്ഞത്. ആറളം സ്വദേശിയുടെ ഐറിസ്‌ ഓട്ടോറിക്ഷയും, അഞ്ചരക്കണ്ടി സ്വദേശിയുടെ ഇന്നോവ ക്രിസ്റ്റയും പിടികൂടി. ഫോറൻസിക് പരിശോധനയും, വാഹനം ഓടിച്ചവരെ തിരിച്ചറിയലും അടക്കം പൂർത്തീകരിച്ചതിനുശേഷമായിരിക്കും തുടർനടപടികളിലേക്ക് പോലീസ് കടക്കുക

മെമ്മോയര്‍ പ്രകാശനം നടന്നു

July 13, 2024

കാരാളിമുക്ക്.വരമ്പത്തുമുക്ക് ഫൈളുൽ ഇലാഹിയ മദ്റസ നമ്പർ :03 യിലെ വിദ്യാർത്ഥികൾ തയ്യാറാക്കിയ റിവ്യു സമാഹാരം “Memoir”പ്രകാശനം നടന്നു.കാരാളിമുക്ക് മുസ്ലിം ജമാഅത് ചീഫ് ഇമാം സലീം ബാഖവി,മദ്റസ കമ്മിറ്റി ചെയർമാൻ നവാസ് ശംങ്കുതുരുത്തിലിന് നൽകിയാണ് പ്രകാശനം നിർവഹിച്ചത്.മുഹമ്മദ്‌ മുബാറക്ക് മന്നാനി, സൈദലി ജൗഹരി, സജീവ് മുഹമ്മദ്‌, നവാസ്, വഹാബ് തുടങ്ങിയവർ പങ്കെടുത്തു.വായനക്കുറിപ്പ് വിജയികൾക്കുള്ള സമ്മാനവും നൽകി.

മുൻ വൈരാഗ്യത്താൽ വയോധികനെ ആക്രമിച്ച പ്രതി പിടിയിൽ

July 13, 2024

കരുനാഗപ്പള്ളി: മുൻ വിരോധത്താൽ ആക്രമണം പ്രതി പിടിയിൽ. തഴവ കടത്തൂർ കൊച്ചു വീട്ടിൽ തെക്കതിൽ അജ്മൽ ഷാ(25) ആണ് കരുനാഗപ്പള്ളി പോലീസിൻ്റെ പിടിയിലായത്.പ്രതിയും ഒരു സ്ത്രീയുമായി നിൽക്കുന്ന ഫോട്ടോ പ്രതിയുടെ പിതാവ് അബ്ദുൽ മനാഫിൻ്റെ ഇൻസ്റ്റാറാം മിൽ പോസ്റ്റ് ചെയ്തത് പരാതിക്കാരനാണെന്ന് ഉള്ള വിരോധത്താൽ തഴവ കടത്തുർ സ്വദേശിയായ ജമാലുദ്ദീനെ മർദിക്കുകയായിരുന്നു അറസ്റ്റിലായ പ്രതി നേരത്തേ മോട്ടോർ വാഹന വകുപ്പ് എ എം വി യെ മർദ്ദിച്ച കേസിലും പ്രതിയാണ്.കരുനാഗപ്പള്ളി ഐ എസ്എച്ച് ഓ മോഹിത് പികെ യുടെ നേത്യത്വത്തിൽ എസ്ഐമാരായ ഷമീർ, ശരത്ചന്ദ്രൻ ഉണ്ണിത്താൻ, എ എസ് ഐ തമ്പി, സി പി ഓ മാരായ കൃഷ്ണകുമാർ, സരൺ തോമസ് എന്നിവരുടെ നേത്യത്യത്തിലാണ് പ്രതിയെ പിടികൂടിയത്.

ധ്യാൻ നായകനാകുന്ന ത്രീഡി ചിത്രം11:11 ഫസ്റ്റ്ലുക്ക് പോസ്റ്റർ ലോഞ്ച്

July 13, 2024

ധ്യാൻ ശ്രീനിവാസൻ നായകനാകുന്ന ത്രീഡി ചിത്രം 11:11 ൻ്റെ ആദ്യപോസ്റ്റർ പ്രശസ്ത ചലച്ചിത്ര സംവിധായകൻ ജി എസ് വിജയൻ പ്രകാശനം ചെയ്തു.
ഒപ്പം അതേ മുഹൂർത്തത്തിൽ തന്നെ 1111 സിനിമാക്കാരുടെ സോഷ്യൽ മീഡിയ പേജുകളിലൂടെയും പോസ്റ്റർ ലോഞ്ച് ചെയ്യപ്പെട്ടു. ലോകസിനിമയിൽ തന്നെ ഇത്തരത്തിലൊന്ന് ആദ്യമാണ്.

പത്രസമ്മേളനത്തിൽ ജി എസ് വിജയനു പുറമെ ചിത്രത്തിൻ്റെ സംവിധായകരായ മഹേഷ് കേശവ്, സജി എസ് മംഗലത്ത്, അഭിനേതാക്കളായ അരിസ്റ്റോ സുരേഷ്, കിടിലം ഫിറോസ്, സന്തോഷ് കുറുപ്പ്, രാജ്കുമാർ, പ്രതിഭാ പ്രതാപ് , ബിനുദേവ്, ബേബി അനുഗ്രഹ, ഛായാഗ്രാഹകൻ പ്രിജിത്ത് എസ് ബി, ചീഫ് അസ്സോസിയേറ്റ് ഡയറക്ടർ അനിൽ മേടയിൽ, ത്രിഡി സ്റ്റീരിയോഗ്രഫി ജീമോൻ കെ പൈലി, ജയപ്രകാശ് സി ഓ, പിആർഓ അജയ് തുണ്ടത്തിൽ എന്നിവർ പങ്കെടുത്തു.

“ദി സ്പിരിച്ച്വൽ ഗൈഡൻസ് ” എന്ന ടാഗ് ലൈനോടെ എത്തുന്ന ചിത്രം ഹ്യൂമർ, ഫാൻ്റസി, മിസ്റ്ററി ജോണറിലാണ് അവതരിപ്പിക്കുന്നത്.

ധ്യാനിനു പുറമെ ഇന്ദ്രൻസ്, ഹരീഷ് കണാരൻ, സാജു നവോദയ, നോബി, സുധീർ പറവൂർ, ശിവജി ഗുരുവായൂർ, അരിസ്റ്റോ സുരേഷ്, കിടിലം ഫിറോസ്, ദിനേശ് പണിക്കർ, ശരത്, കൊല്ലം ഷാ, സന്തോഷ് കുറുപ്പ്, രാജ്കുമാർ, സജി എസ് മംഗലത്ത്, മാസ്റ്റർ ആദി സജി സുരേന്ദ്രൻ, അഖിൽ സജി, ബിച്ചാൾ മുഹമ്മദ്, ബിനുദേവ്, വിനോദ് ബി വിജയ്, മറീന മൈക്കിൾ, ധന്യ മേരി വർഗ്ഗീസ്, അഞ്ജന അപ്പുക്കുട്ടൻ, രശ്മി അനിൽ, പ്രതിഭാ പ്രതാപ്, രാജേശ്വരി, സരിത കുക്കു, യാമി സോന, ബേബി ഇഷ മുജീബ്, ബേബി അനുഗ്രഹ തുടങ്ങി നിരവധി പേർ അഭിനയിക്കുന്നു.

ബാനർ – വൺ ലെവൻ സ്റ്റുഡിയോസ്, കഥ, സംവിധാനം- മഹേഷ് കേശവ്, സജി എസ് മംഗലത്ത്, ഛായാഗ്രഹണം – പ്രിജിത്ത് എസ്ബി, ചീഫ് അസ്സോസിയേറ്റ് ഡയറക്ടർ – അനിൽ മേടയിൽ, എഡിറ്റിംഗ് – സോബിൻ കെ സോമൻ, ത്രീഡി സ്റ്റീരിയോഗ്രാഫി -ജീമോൻ കെ പൈലി, ജയപ്രകാശ് സി ഓ, പ്രൊഡക്ഷൻ കൺട്രോളർ -നിജിൽ ദിവാകർ, ബാക്ക് ഗ്രൗണ്ട് സ്കോർ – രഞ്ജിത്ത് മേലേപ്പാട്ട്, എസ്എഫ്എക്സ് – അരുൺ വർമ്മ, അസ്സോസിയേറ്റ് ഡയറക്ടേഴ്സ് – ബിച്ചാൾ മുഹമ്മദ്, അനീസ് ബഷീർ, കൺസെപ്റ്റ് ആർട്ട്- ആർകെ, സംഗീതം – അനന്തു, സിനാരിയോ – മിഥുൻ മോഹൻദാസ്, നിധിൻ നടുപ്പറമ്പൻ, വി എഫ് എക്സ് -മൂവിലാൻ്റ്, ഡിഐ- ചിത്രാഞ്ജലി, പ്രൊഡക്ഷൻ മാനേജർ -സജി മെറിലാൻ്റ്, കല- സജി, ചമയം – സന്തോഷ് വെൺപകൽ, കൃഷ്ണൻ പെരുമ്പാവൂർ, കോസ്റ്റ്യും – ജതിൻ പി മാത്യു, കോറിയോഗ്രാഫി – വിനു മാസ്റ്റർ, ആക്ഷൻസ് – ബ്രൂസ്‌ലി രാജേഷ്, സ്റ്റിൽസ് ബൈജു രാമപുരം, ഡിസൈൻസ് – നിഖിൽ, പി ആർ ഓ – അജയ് തുണ്ടത്തിൽ