ശാസ്താംകോട്ട : രാജഗിരി ബ്രൂക്ക് ഇൻ്റർനാഷണൽ സ്കൂളിന്റെ അസ്സി. ഡയറക്ടർ ആയിരുന്ന മിസ്സ് ജൂഡി തോമസിൻ്റെ ഓർമ്മകൾക്ക് മൂന്നു വർഷം തികയുന്ന ഈ വേള അശരണർക്കുള്ള കൈത്താങ്ങായി മാറ്റിയാണ് ബ്രൂക്ക് ഇൻ്റർനാഷണൽ ആചരിച്ചത്. വീടില്ലാതിരുന്ന പോരുവഴി പഞ്ചായത്തിലെ ഒരു നിർധന കുടുംബത്തിന് പഞ്ചായത്ത് പ്രസിഡൻ്റ് വിനുമംഗലത്തിന്റെ സാന്നിധ്യത്തിൽ ബ്രൂക്ക് ഡയറക്ടർ റവ. ഫാദർ. ഡോ. എബ്രഹാം തലോത്തിൽ പുതിയ വീടിൻ്റെ താക്കോൽ ദാനം നിർവ്വഹിച്ചു. തുടർന്ന് സ്കൂളിലെ ജൂഡി തോമസിൻ്റെ സ്‌മൃതി മണ്ഡപത്തിൽ പ്രത്യേക സ്മരണാഞ്ജലിയും പുഷ്പാർച്ചനയും നടന്നു.

പടിഞ്ഞാറെ കല്ലട:ഗ്രാമ പഞ്ചായത്ത് മൂന്നാം വാർഡ് ഗ്രാമസഭായോഗം അലങ്കോലപ്പെടുത്തി സിഡിഎസ് ചെയർപേഴ്സൺ തെറിയഭിഷേകം നടത്തിയതായി പരാതി.അന്വേഷണം ആവശ്യപ്പെട്ട് കോൺഗ്രസ് വാർഡ് കമ്മിറ്റി ശാസ്താംകോട്ട പോലീസിൽ പരാതി നൽകി.ഗ്രാമസഭാ യോഗത്തിൽ ക്വാറം തികയ്ക്കാൻ തൊഴിലുറപ്പ് തൊഴിലാളികളെ
ഭീഷണിപ്പെടുത്തി എത്തിച്ചെന്ന് ആരോപിച്ച് പ്രതിഷേധിച്ചവർക്ക് നേരെ ചെയർപേഴ്സന്‍ തെറിയഭിഷേകം നടത്തിയെന്നാണ് പരാതി. നിയമ വിരുദ്ധമായി തൊഴിലുറപ്പ് തൊഴിലാളികളെക്കൊണ്ട് ഒപ്പിടീച്ച് ഗ്രാമസഭ നടത്താൻ ശ്രമിച്ചത് ചോദ്യം ചെയ്ത പ്രദേശവാസികളെയും പൊതുപ്രവർത്തകർക്കും നേരെയാണ് അസഭ്യം ചൊരിഞ്ഞത്.

സംഭവത്തിൽ പ്രതിഷേധിച്ച് കോൺഗ്രസ്‌ മൂന്നാം വാർഡ് കമ്മിറ്റിയുടെയും പ്രദേശവാസികളുടെയും നേതൃത്വത്തിൽ ആദിക്കാട്ട് മുക്കിൽ നിന്നും വിളന്തറയിലേക്ക് പ്രകടനം നടത്തി. വാർഡ് പ്രസിഡന്റ് നിയാസ് അധ്യക്ഷത വഹിച്ചു.യൂത്ത് കോൺഗ്രസ്‌ മുൻ ബ്ലോക്ക്‌ പ്രസിഡന്റ് സുരേഷ്ചന്ദ്രൻ ഉദ്ഘാടനം ചെയ്തു.റ്റി.ഡാർവ്വിൻ,സാബിൻ,പ്രതീപ്,ശ്രീക്കുട്ടൻ, നിസാം,സുരേഷ്കുമാർ,സിബിൻ,ഷെഫീഖ്,സുനോജ്,അരുൺരാജ്,മനു,ബാബു തുടങ്ങിയവർ പങ്കെടുത്തു.

മൈനാപ്പള്ളി. നാഷണൽ ആയുഷ് മിഷനും ഹോമിയോപ്പതി വകുപ്പ് ചേർന്ന് മൈനാപ്പള്ളി ഗ്രാമപഞ്ചായത്തിൽ വയോജന മെഡിക്കൽ ക്യാമ്പ് മനാഫ് മൈനാഗപ്പള്ളിയുടെ അധ്യക്ഷതയിൽ പഞ്ചായത്ത് പ്രസിഡൻറ് വർഗീസ് തരകൻ ഉദ്ഘാടനം ചെയ്തു .ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അനിൽ എസ് കല്ലേലിഭാഗം ,മുൻ ഗ്രാമപഞ്ചായത്ത് പ്രസിഡൻറ് പി എം സെയ്ദ് ,ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഷീബാ ഷിജു, മെമ്പർമാരായ ബിന്ദു മോഹൻ, ലാലി ബാബു, ഷെഹുബാനത്ത്, മുടീത്തറ ബാബു ,പി എസ് രാധാകൃഷ്ണൻ, രാധാകൃഷ്ണൻ പിള്ള, മധുസൂദനൻപിള്ള, എന്നിവർ ആശംസകൾ നേർന്നു .ഡോക്ടർ ഇന്ദു നന്ദി രേഖപ്പെടുത്തി.

ശാസ്താംകോട്ട. സുഗതവനം ചാരിറ്റബിൾ ട്രസ്റ്റ് ഏർപ്പെടുത്തുന്ന പ്രഥമ അധ്യാപക പുരസ്കാരമായ ഗുരുജ്യോതി പുരസ്കാരത്തിന് അർഹതയുള്ള അധ്യാപകരിൽ നിന്നും അപേക്ഷ ക്ഷണിച്ചു. പുതിയ തലമുറയെ പരിസ്ഥിതി സ്നേഹികളാക്കിയെടുക്കുക എന്ന സുഗതകുമാരി ടീച്ചറുടെ സ്വപ്‌നങ്ങൾ സാക്ഷാൽക്കരിക്കാൻ അധ്യാപകരെ പ്രാപ്തരക്കുക എന്ന ലക്ഷ്യത്തോടെയാണ് ട്രസ്റ്റ്‌ ഈ വർഷം മുതൽ ഇങ്ങനെ ഒരാവാർഡ് ഏർപ്പെടുത്തിയിട്ടുള്ളത്. ആദ്യ ഘട്ടമെന്ന നിലയിൽ മികച്ച പ്രവർത്തനം കാഴ്ചവെക്കുന്ന പ്രൈമറി വിഭാഗം അധ്യാപർക്കും (ഒരു ജില്ലയിൽ ഒരാൾക്ക് വീതം )സംസ്ഥാനത്ത് കൃഷി,പരിസ്ഥിതി എന്നീ വിഭാഗങ്ങളിൽ മികച്ച പ്രവർത്തനം കാഴ്ച വെക്കുന്ന
ഹൈസ്കൂൾ ഹയർ സെക്കൻഡറി വിഭാഗങ്ങളിലെ രണ്ട് അധ്യാപകർക്ക് വീതം ” ഹരിത മിത്ര ” അവാർഡും നൽകും. അപേക്ഷ സ്വന്തമായി അയയ്ക്കുകയോ മറ്റൊരാൾക്ക്‌ നിർദ്ദേശിക്കുകയോ ആകാം… അധ്യാപന ജീവിതത്തിൽ 15 വർഷത്തെ സർവീസ് ഉള്ളവരും അഞ്ചുവർഷത്തെ സർവീസ് ബാക്കി നിൽക്കുന്നവരേയുമാണ് അവാർഡിനായി പരിഗണിക്കുന്നത്.
പ്രവർത്തനങ്ങളുടെ തെളിവുകൾ സഹിതമുള്ള രേഖകൾ തപാൽ മുഖേന അയക്കുക. അപേക്ഷ ലഭിക്കേണ്ട അവസാന തീയതി സെപ്റ്റംബർ 25. ലോക അധ്യാപക ദിനത്തോടനുബന്ധിച്ച് അവാർഡുകൾ വിതരണം ചെയ്യും.
താല്പര്യമുള്ള അധ്യാപകർ താഴെപ്പറയുന്ന നമ്പറുകളിൽ ബന്ധപ്പെടുക.
70345 72118 , 82811 88888 , 9496241070.

അപേക്ഷകൾ അയക്കേണ്ട വിലാസം.

എൽ. സുഗതൻ,
ചെയർമാൻ സുഗതവനം ചാരിറ്റബിൾ ട്രസ്റ്റ്‌
പൗർണമി,ഭരണിക്കാവ്
പോരുവഴി. പി ഒ.
ശാസ്താംകോട്ട.
കൊല്ലം (Dt )
690520

പടിഞ്ഞാറേകല്ലട.കോൺഗ്രസ്‌ ബ്ലോക്ക്‌ സെക്രട്ടറിയും ദളിത്‌ കോൺഗ്രസ്‌ കൊല്ലം ജില്ലാ സെക്രട്ടറിയും ജീവ കാരുണ്യ പ്രവർത്തകനുമായിരുന്ന സന്തോഷ്‌ ഗംഗാധരന്റെ ഒന്നാം ചരമ വാർഷിക ദിനത്തിൽ കോൺഗ്രസ്‌ വലിയപാടം നാലാം വാർഡ് കമ്മിറ്റിയുടെ നേതൃത്വത്തിൽ അനുസ്മരണ യോഗവും പുഷ്പാർച്ഛനയും നടത്തി കോൺഗ്രസ്‌ മുൻ ബ്ലോക്ക്‌ പ്രസിഡന്റ് തുണ്ടിൽ നൗഷാദ് ഉദ്ഘാടനം ചെയ്തു വാർഡ് പ്രസിഡന്റ് ശശിധരൻ അധ്യക്ഷത വഹിച്ചു നേതാക്കളായ ബി തൃദീപ്കുമാർ, സുരേഷ്ചന്ദ്രൻ, പോൾസ്റ്റഫ്, ഉണ്ണികൃഷ്ണൻ, ബാബുക്കുട്ടൻ, കലാധരൻപിള്ള, സെബാസ്റ്റിയൻ,നിയാസ്, പൂക്കുഞ്ഞ്,അഗസ്റ്റിൻ, ഫിലിപ്പ്,പ്രകാശ്, കുമാർ തുടങ്ങിയവർ സംസാരിച്ചു