കുന്നത്തൂർ:കുന്നത്തൂർ പടിഞ്ഞാറ് തുണ്ടിൽ വീട്ടിൽ ചന്ദ്രശേഖരൻ പിള്ള (63) നിര്യാതനായി സംസ്ക്കാരം ഞായർ രാവിലെ 11ന് വീട്ടുവളപ്പിൽ.
ഏതുസമയവും ആളപായമുണ്ടാകും ആദിക്കാട്ടുമുക്കിലെ കുഴി വന്ഭീഷണി
ശാസ്താംകോട്ട. ആദിക്കാട്ടുമുക്കിന് സമീപം ചവറ-ശാസ്താംകോട്ട പ്രധാനപാതയില് പൈപ്പുപൊട്ടി രൂപപ്പെട്ട കുഴികള് വന്ഭീഷണി. നല്ല നിലയിലായിരുന്ന റോഡില് അടുത്തിടെ ജല അതോറിറ്റി പൈപ്പുപൊട്ടിയാണ് രണ്ടിടത്ത് കുഴി രൂപപ്പെട്ടത്. വളവില്അപകടാവസ്ഥ പെരുകിയതോടെ നാട്ടുകാര് പരാതിപ്പെട്ട് ജല അതോറിറ്റി പൈപ്പ് പൊട്ടല് പരിഹരിച്ചു, പക്ഷേ ഇതുമൂലമുണ്ടായകുഴി അപകടമുണ്ടാക്കി തുടരുകയാണ്. നല്ലനിലയിലുള്ള റോഡില് വളവില് അടുത്തെത്തുമ്പോഴാണ് ആളുകള് കുഴി കാണുന്നത്. വാഹനം വെട്ടിക്കുന്നത് മറുവശത്തുകൂടി വരുന്ന വാഹനങ്ങള്ക്ക് അപകടമാണ്. നിരവധി ഇരുചക്രവാഹനയാത്രക്കാര് ഇതിനോടകം കുഴിയില് വീണ് അപകടപ്പെട്ടുകഴിഞ്ഞു. ഏതുസമയവും ആളപായമുണ്ടാകുമെന്ന നില നാട്ടുകാരെ ആശങ്കയിലാക്കുന്നു
മതിൽ തകർന്ന് വീണു വയോധിക മരിച്ചു
നെയ്യാറ്റിൻകര. സ്വകാര്യ വ്യക്തിയുടെ മതിൽ തകർന്ന് വീണു വയോധിക മരിച്ചു. ഉച്ചക്കട സ്വദേശിനി സരോജിനി (68) ആണ് മരിച്ചത്. നടന്നു പോകുന്നതിനിടയിൽ സമീപ വാസിയുടെ മതിൽ ഇടിഞ്ഞു വയോധികയുടെ പുറത്തു വീഴുകയായിരുന്നു. രാവിലെ മുതൽ ഈ മേഖലകളിൽ മഴ തുടരുകയായിരുന്നു
മൃതദേഹം നെയ്യാറ്റിൻകര ജനറൽ ആശുപത്രിയിലേക്ക് മാറ്റി
ജി. സുധാകരന് കുളിമുറിയില് വീണ് പരിക്ക്
ആലപ്പുഴ: മുന് മന്ത്രിയും മുതിര്ന്ന സിപിഎം നേതാവുമായ ജി സുധാകരന് കുളിമുറിയില് വീണ് പരിക്കേറ്റു. ആശുപത്രിയില് നടത്തിയ പ്രാഥമിക പരിശോധനയില് അസ്ഥികള്ക്ക് ഒന്നിലധികം പൊട്ടലുള്ളതായി കണ്ടെത്തി.
വിദഗ്ധ ചികിത്സയ്ക്കായി ജി സുധാകരനെ പരുമല ആശുപത്രിയില് പ്രവേശിപ്പിച്ചിരിക്കുകയാണ്. ഓപ്പറേഷനും തുടര്ചികിത്സയും ഉള്ളതിനാല് രണ്ട് മാസം പൂര്ണവിശ്രമത്തിന് ഡോക്ടര്മാര് നിര്ദ്ദേശിച്ചിട്ടുണ്ട്.
ആസ്തി വർദ്ധന, മറുപടിയില്ലാതെ അൻവര്, ഇഡി അന്വേഷണം തുടരുന്നു
കൊച്ചി.പി വി അൻവറിനെതിരായ അന്വേഷണം പുരോഗമിക്കുന്നതായി ED യുടെ വാർത്താ കുറിപ്പ്. ആസ്തി വർദ്ധനവ് എങ്ങനെ എന്നതിന് പി.വി അൻവറിന് വിശദീകരണമില്ലെന്ന് ഇ.ഡി.2016ൽ 14.38 കോടി ആയിരുന്ന ആസ്തി 2021ൽ 64.14 കോടിയായി വർധിച്ചു.KFC യിൽ നിന്ന് എടുത്ത ലോൺ പി.വി ആർ മെട്രോ വില്ലേജ് എന്ന പദ്ധതിക്കായി ആണ് ഉപയോഗിച്ചത്.
പിവിആർ മെട്രോ വില്ലേജിൽ നടത്തിയ പരിശോധനകളിൽ സ്കൂളുകൾ, അമ്യൂസ്മെന്റ് പാർക്ക്, റിസോർട്ട്, വില്ലാ പ്രോജക്റ്റുകൾ, അപ്പാർട്ട്മെന്റ്കൾ ഉൾപ്പെടെ വിപുലമായ നിർമ്മാണ-വാണിജ്യ പ്രവർത്തനങ്ങൾ നടക്കുന്നതായി കണ്ടെത്തി
പല നിർമാണങ്ങളും നടക്കുന്നത് കൃത്യമായ അംഗീകാരം ലഭിക്കാതെ.വായ്പയായി ലഭിച്ച പണം ബന്ധപ്പെട്ട ആവശ്യങ്ങൾക്ക് അല്ലാതെ ഉപയോഗിച്ചു.പരിശോധനയ്ക്കിടെ, വിൽപന കരാറുകൾ, സാമ്പത്തിക രേഖകൾ,ഡിജിറ്റൽ ഉപകരണങ്ങളും പിടിച്ചെടുത്തു.കെ.എഫ്.സി ഉദ്യോഗസ്ഥരിൽ നിന്ന് എടുത്ത മൊഴികളിൽ നിന്ന് ഉദ്യോഗസ്ഥർക്ക് വീഴ്ച സംഭവിച്ചതായി ബോധ്യപ്പെട്ടു.ബിനാമികളുടെതെന്ന് സംശയിക്കുന്ന 15 ബാങ്ക് അക്കൗണ്ടുകളും കണ്ടെത്തിയതായും ED വാർത്ത കുറിപ്പ്.
അമയ പ്രസാദിന്റെ നാമനിർദ്ദേശ പത്രിക അംഗീകരിച്ചു
തിരുവനന്തപുരം.അമയ പ്രസാദിന്റെ നാമനിർദ്ദേശ പത്രിക അംഗീകരിച്ചു.ഇന്ന് നടന്ന സൂക്ഷ്മ പരിശോധനയ്ക്കുശേഷമാണ് വരണാധികാരിയായ ജില്ലാ കളക്ടർ സ്ഥാനാർത്ഥിത്വം അംഗീകരിച്ചത്
തിരുവനന്തപുരം ജില്ലാ പഞ്ചായത്തിലെ യുഡിഎഫ് സ്ഥാനാർഥിയാണ് ട്രാൻസ് വുമണായ അമയ.സ്ത്രീ സംവരണ സീറ്റിൽ ട്രാൻസ്ജെൻഡർ സ്ഥാനാർത്ഥി മത്സരിക്കുന്നത്കോടതിയിൽ ചോദ്യം ചെയ്യപ്പെട്ടിരുന്നു.വിഷയത്തിൽ തീരുമാനമെടുക്കാൻ കോടതി വരണാധികാരിക്ക് വിടുകയായിരുന്നു
ശബരിമല തീർത്ഥാടനം,ദിവസവേതന അടിസ്ഥാനത്തിൽ ആളുകളെ ക്ഷണിച്ച് ദേവസ്വം ബോർഡ്
പത്തനംതിട്ട. ശബരിമല തീർത്ഥാടനം,ദിവസവേതന അടിസ്ഥാനത്തിൽ ആളുകളെ ക്ഷണിച്ച് ദേവസ്വം ബോർഡ്. പമ്പ നിലക്കൽ എരുമേലി എന്നിവിടങ്ങളിലേക്കാണ് ആളുകളെ എടുക്കുന്നത്. 300 പേരെ നിയമിക്കും. ദിവസവേതനം 650. ശബരിമല തിരക്കിന്റെ സാഹചര്യത്തിലാണ് ആളുകളെ എടുക്കുന്നത്
കല്യാണത്തിന് വന്നവരും നാട്ടുകാരും തമ്മിൽ സംഘർഷം, നിരവധി പേർക്ക് പരിക്ക്
ചെറുതുരുത്തി. വെട്ടിക്കാട്ടിരി കെജെഎം ഓഡിറ്റോറിയത്തിൽ കല്യാണത്തിന് വന്നവരും നാട്ടുകാരും തമ്മിൽ സംഘർഷം. നിരവധി പേർക്ക് പരിക്ക്
പള്ളം സ്വദേശിയും ആറ്റൂർ സ്വദേശിനിയുടെയും കല്യാണം കെ.ജെ.എം ഓഡിറ്റോറിയത്തിൽ നടക്കവേ കല്യാണത്തിന് വന്ന വാഹനങ്ങൾ റോഡ് ബ്ലോക്ക് ആയതിനു തുടർനാണ് സംഘർഷം
പുറകിൽ വന്നിരുന്ന വെട്ടിക്കാട്ടിരി ആലിക്കപറമ്പിൽ ബഷീർ എന്നയാളുടെ ടിപ്പറിന്റെ ഹോൺ മുഴക്കുകയും തുടർന്ന് വാക്കേറ്റം ഉണ്ടാവുകയും ബഷീറിനെ കല്യാണത്തിന് വന്ന ആളുകൾ ചേർന്ന് മർദ്ദിക്കുകയും ആയിരുന്നു
തുടർന്ന് വെട്ടിക്കാട്ടിരിയിൽ നാട്ടുകാർ ചേർന്ന് മർദ്ദിച്ചവരെ തടയുകയും തുടർന്ന് കല്ലേറ് ഉണ്ടാവുകയും നിരവധി പേർക്ക് പരിക്കേൽക്കുകയും ചെയ്തു
പോലീസ് എത്തിയാണ് സംഘർഷം ശാന്തമാക്കിയത്
ക്ലാപ്പനകിഴക്ക് വാതല്ലൂർ ലക്ഷംവീട്ടിൽ ശങ്കരൻ നിര്യാതനായി
കരുനാഗപ്പള്ളി: ക്ലാപ്പനകിഴക്ക് വാതല്ലൂർ ലക്ഷംവീട്ടിൽ ശങ്കരൻ (93)നിര്യാതനായി. ഭാര്യ -പരേതയായ ചന്ദ്രമതി. സംസ്കാരം ഞായറാഴ്ച രാവിലെ 9.30ന്. മക്കൾ – രവീന്ദ്രൻ, പരേതനായ രാജൻ, രാജമണി, രജ, രജനി മരുമക്കൾ -സരോജിനി, വാസന്തി, ശിവദാസൻ, പ്രശാന്ത്. സഞ്ചയനം വ്യാഴാഴ്ച രാവിലെ 8ന്.
മൈനാഗപ്പള്ളി, വേങ്ങ, പറങ്കിമാംവിള കിഴക്കേതുണ്ടിൽ അബ്ദുൽ റഹിം നിര്യാതനായി
ശാസ്താംകോട്ട: മൈനാഗപ്പള്ളി, വേങ്ങ, ഐ.സി.എസ്ജംഗ്ഷൻ, പറങ്കിമാംവിള കിഴക്കേതുണ്ടിൽ അബ്ദുൽ റഹിം നിര്യാതനായി. പിതാവ് പരേതനായ കോയാകുട്ടി, മാതാവ് പാത്തുമ്മകുഞ്ഞ് മക്കൾ മുഹമ്മദ്ഫാസിൽ, ഫൗസിയ മരുമക്കൾ സനൂജ (കെ.എസ്.എ), ആദിൽ (കെ.എസ്.എ)