ശാസ്താംകോട്ട. പനപ്പെട്ടി ഗവ.എല്പിഎസില് എസ്എസ്കെ പദ്ധതിയില് അനുവദിച്ച അന്താരാഷ്ട്ര പ്രീ സ്കൂള് വര്ണ്ണക്കൂടാരം കോവൂര് കുഞ്ഞുമോന് എംഎല്എ ഉദ്ഘാടനം ചെയ്തു.
പഞ്ചായത്ത്പ്രസിഡന്റ് ഇസെഡ് ആന്റണി അധ്യക്ഷത വഹിച്ചു. ചടങ്ങില് ബിപിസി റോഷിന് എം നായര് പദ്ധതി വിശദീകരണം നടത്തി. പുറം കളിയിടം ഉദ്ഘാടനം എഇഒ കെ വി മനോജ് കുമാര് നിര്വഹിച്ചു.
വര്ണ്ണക്കൂടാരം ശില്പി സതീശ്കുമാറിനെ ബിആര്സി ട്രയിനര് ജി. പ്രദീപ്കുമാര് ആദരിച്ചു. എല്എസ്എസ് വിജയികള്ക്ക് സമ്മാനദാനം പഞ്ചായത്ത് വൈസ് പ്രസിഡന്റ് ബിന്ദുഗോപാലകൃഷ്ണനും കലോല്സവ വിജയികള്ക്ക് സമ്മാനദാനം ബ്ളോക്ക് അംഗം എം അരവിന്ദും നിര്വഹിച്ചു പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന് ഇ പി ശരത്,പഞ്ചായത്ത് അംഗം റിയാസ് പറമ്പില്,ഹെഡ്മിസ്ട്രസ് ബി.ഐ വിദ്യാറാണി, ബിആര്സി കോ ഓര്ഡിനേറ്റര്മാരായ ബുഷ്റ കെ, ആശാസഹദേവന്, മുന് എസ്എംസി ചെയര്പേഴ്സണ് അന്സീനാ നിസാം,എസ്എംസി ചെയര്പേഴ്സണ് ജ്യോതിലക്ഷ്മി, അധ്യാപകരായ ലീനാപാപ്പച്ചന് , ദീപ്തി ഗംഗാധരന്, എസ് പ്രവീണ്കുമാര് എന്നിവര് പ്രസംഗിച്ചു.
കേന്ദ്ര എസ് എസ് കെ ഫണ്ടില് അനുവദിച്ച പത്തുലക്ഷം രൂപയുടെ വര്ണ്ണകൂടാരം പദ്ധതിയില് കുട്ടികള്ക്ക് സ്കൂള് അങ്കണത്തില് കളികോപ്പുകള് ഉല്ലാസ ഉപകരണങ്ങള് വര്ണ്ണാഭമായ പൂന്തോട്ടം, കൊല്ലത്തിന്റെ പാരമ്പര്യം വിളിച്ചോതുന്ന പുനലൂര് തൂക്കുപാലം മോഡല് ശില്പം, ജലധാര, മാനസികോല്ലാസം നല്കുന്ന ചിത്രങ്ങള്, സ്കൂളിനുള്ളില് വിനോദത്തിലൂടെ വിജ്ഞാനം പകരുന്ന കളിയിടങ്ങളും പഠന കേന്ദ്രങ്ങളും എന്നു വേണ്ട ഒരു ഇന്റര്നാഷണല് സ്കൂളിനോട് തോള് ചേര്ന്നു നില്ക്കുന്ന പഠന മാനസിക വികസന സൗകര്യങ്ങളാണ് ഒരുക്കിയിരിക്കുന്നത്.
