ശാസ്താംകോട്ട : വേങ്ങ വിദ്യാരംഭം സെൻട്രൽ സ്കൂളിൽ ഗ്രാൻഡ് പേരന്റ്സ് ഡേ സെലിബ്രേഷൻ സംഘടിപ്പിച്ചു. പരിപാടിയുടെ ഉദ്ഘാടനം ജില്ലാ പഞ്ചായത്ത് മെമ്പർ ദീപ ചന്ദ്രൻ നിർവഹിച്ചു. മുന്നൂറിലധികം മുത്തശ്ശി മുത്തശ്ശന്മാർ തങ്ങളുടെ പേരക്കുട്ടികളോടൊപ്പം ചടങ്ങിൽ പങ്കെടുത്തു.
പേരക്കുട്ടികളെ വാർത്തെടുക്കുന്നതിൽ മുത്തശ്ശി മുത്തശ്ശന്മാർക്കുള്ള പങ്ക് എത്രത്തോളം പ്രാധാന്യം അർഹിക്കുന്നുണ്ടെന്നും ഇന്ന് അതിന്റെ അഭാവത്തിൽ കുഞ്ഞുങ്ങൾക്ക് എന്തൊക്കെ നഷ്ടപ്പെടുന്നുണ്ടെന്നും സ്കൂളിലെ ഗ്രാൻഡ് പേരെന്റും റിട്ടയേഡ് ഗവൺമെന്റ് മെഡിക്കൽ ഓഫീസറുമായ ഡോക്ടർ ബൈജു തന്റെ ആശംസ പ്രസംഗത്തിൽ വിശദമായി പ്രതിപാദിച്ചു.
അവരുടെ സർഗാത്മകമായ കഴിവുകൾ തങ്ങളുടെ കുഞ്ഞുമക്കളുടെ മുൻപിൽ അവ തരിപ്പിക്കാനുള്ള വേദിയും സ്കൂളിൽ ഒരുക്കിയിരുന്നു. അവർക്ക് വേണ്ടി മത്സരയിനങ്ങളും സംഘടിപ്പിച്ചിരുന്നു. വിജയികളായവർക്ക് സമ്മാന വിതരണവും നടത്തി.
പിടിഎ പ്രസിഡന്റ് ശ്രീ. കുറ്റിയിൽ നിസാം ചടങ്ങിന് അധ്യക്ഷത വഹിച്ചു.വിദ്യാർത്ഥി പ്രതിനിധികൾ ആയ മാസ്റ്റർ റയാൻ, കുമാരി പൂർണിമ എന്നിവർ ചടങ്ങിന് സ്വാഗതവും നന്ദിയും അർപ്പിച്ചു. സ്കൂൾ ചെയർമാനും വാർഡ് മെമ്പറുമായശ്രീ. എ. എ. റഷീദ്, സ്കൂൾ മാനേജർ വിദ്യാരംഭം ജയകുമാർ, പ്രിൻസിപ്പൽ മഹേശ്വരി എസ് എന്നിവർ ചടങ്ങിൽ ആശംസ പ്രസംഗം നടത്തി. വൈസ് പ്രിൻസിപ്പൽ ജെ യാസർ ഖാൻ, അക്കാഡമിക് കോഡിനേറ്റർമാരായ ശ്രീമതി. അഞ്ജനി തിലകം, ശ്രീമതി ഷിംനാ മുനീർ, സ്റ്റാഫ് സെക്രട്ടറി വിനീത, പിടിഎ സെക്രട്ടറി പ്രിയമോൾ എന്നിവർ ചടങ്ങിൽ സന്നിഹിതരായിരുന്നു. പ്രോഗ്രാം കോഡിനേറ്റർമാരായ മുഹമ്മദ് സാലിം, സുബീ സാജ്, കായികാധ്യാപകരായ സന്ദീപ് വി ആചാര്യ, റാം കൃഷ്ണൻ എന്നിവർ പരിപാടികൾക്ക് നേതൃത്വം നൽകി.
