ശാസ്താംകോട്ട. പനപ്പെട്ടി ഗവ.എല്പിഎസില് എസ്എസ്കെ പദ്ധതിയില് അനുവദിച്ച അന്താരാഷ്ട്ര പ്രീ സ്കൂള് വര്ണ്ണക്കൂടാരം ഇന്ന്(13-2)രാവിലെ 10.30ന് കോവൂര് കുഞ്ഞുമോന് എംഎല്എ ഉദ്ഘാടനം ചെയ്യും.
കേന്ദ്ര എസ് എസ് കെ ഫണ്ടില് അനുവദിച്ച പത്തുലക്ഷം രൂപയുടെ വര്ണ്ണകൂടാരം പദ്ധതിയില് കുട്ടികള്ക്ക് സ്കൂള് അങ്കണത്തില് കളികോപ്പുകള് ഉല്ലാസ ഉപകരണങ്ങള് വര്ണ്ണാഭമായ പൂന്തോട്ടം, കൊല്ലത്തിന്റെ പാരമ്പര്യം വിളിച്ചോതുന്ന പുനലൂര് തൂക്കുപാലം മോഡല് ശില്പം, ജലധാര, മാനസികോല്ലാസം നല്കുന്ന ചിത്രങ്ങള്, സ്കൂളിനുള്ളില് വിനോദത്തിലൂടെ വിജ്ഞാനം പകരുന്ന കളിയിടങ്ങളും പഠന കേന്ദ്രങ്ങളും എന്നു വേണ്ട ഒരു ഇന്റര്നാഷണല് സ്കൂളിനോട് തോള് ചേര്ന്നു നില്ക്കുന്ന പഠന മാനസിക വികസന സൗകര്യങ്ങളാണ് ഒരുക്കിയിരിക്കുന്നത്.
പഞ്ചായത്ത്പ്രസിഡന്റ് ഇസെഡ് ആന്റണി അധ്യക്ഷത വഹിക്കുന്ന ചടങ്ങില് എസ്എസ്കെ ഡിപിസി ജി കെ ഹരികുമാര് പദ്ധതി വിശദീകരണം നടത്തും. ഹരിതയിടം ഉദ്ഘാടനം ജില്ലാ പഞ്ചായത്ത്അംഗം കെ കലാദേവിയും പുറം കളിയിടം ഉദ്ഘാടനം എഇഒ കെ വി മനോജ് കുമാറും നിര്വഹിക്കും. ബിപിസി റോഷിന് എം നായര് വര്ണ്ണക്കൂടാരം ശില്പി സതീശ്കുമാറിന് ഉപഹാര സമര്പ്പണം നടത്തും. എല്എസ്എസ് വിജയികള്ക്ക് സമ്മാനദാനം പഞ്ചായത്ത് വൈസ് പ്രസിഡന്റ് ബിന്ദുഗോപാലകൃഷ്ണനും കലോല്സവ വിജയികള്ക്ക് സമ്മാനദാനം ബ്ളോക്ക് അംഗം എം അരവിന്ദും നിര്വഹിക്കുമെന്ന് ഹെഡ് മിസ്ട്രസ് ബി.ഐ വിദ്യാറാണി ,എസ്എംസി ചെയര്പേഴ്സണ് ജ്യോതി ലക്ഷ്മി എന്നിവര് അറിയിച്ചു.
