കൊല്ലം : യുണൈറ്റഡ് മര്ച്ചന്റ്സ് ചേമ്പര് കൊല്ലം ജില്ലാ ആസ്ഥാന മന്ദിരമായ യു.എം.സി വ്യാപാരഭവന് ഉത്ഘാടനവും കരുനാഗപ്പള്ളി നഗരസഭയിലെ 37 കൗണ്സിലര്മാര്ക്ക് സ്വീകരണവും 2026 ജനുവരി 26 ന് നടത്താന് യു.എം.സി കൊല്ലം ജില്ലാ പ്രവര്ത്തകയോഗം തീരുമാനിച്ചു. യു.എം.സി യൂത്ത് വിംഗ് ജില്ലാ കമ്മിറ്റിയുടെ നേതൃത്വത്തില് അന്നുതന്നെ സൗജന്യ മെഡിക്കല് ക്യാമ്പും, നിര്ദ്ധനര്ക്കുളള സൗജന്യ ഭക്ഷ്യകിറ്റ് വിതരണവും നടക്കും. പ്രവര്ത്തകയോഗത്തില് യു.എം.സി ജില്ലാ പ്രസിഡന്റ് നിജാംബഷി അദ്ധ്യക്ഷത വഹിച്ചു. സ്വാഗതം ജില്ലാ ജനറല് സെക്രട്ടറി ആസ്റ്റിന് ബെന്നനും, റൂഷ പി കുമാര് കൃതജ്ഞതയും പറഞ്ഞു. എച്ച്.സലിം, ജി.ബാബുക്കുട്ടന്പിളള, ബി.ആര്.പ്രസാദ്, സിദ്ദിഖ് എം മണ്ണാന്റയ്യം, ഹരി ചേനങ്കര, ഷംസുദ്ദീന്വെളുത്തമണല്, എം.പി ഫൗസിയ തേവലക്കര, അജയകുമാരന്പിളള, ഇ.എം.അഷ്റഫ്, എല്ലയ്യത്ത് ചന്ദ്രന്, ഗിരിജ, നിഹാര്, നിസ്സാം എന്നിവര് സംസാരിച്ചു.
