ശാസ്താംകോട്ട:ശാസ്താംകോട്ട ഉപജില്ലാ സ്കൂൾ കലോത്സവം ശൂരനാട് ഗവ.എച്ച്.എസ്.എസ്,അഴകിയകാവ് ജി.എൽ.പി.എസ് എന്നിവിടങ്ങളിൽ സജ്ജീകരിച്ചിട്ടുള്ള വിവിധ വേദികളിൽ 17 മുതൽ 20 വരെ നടക്കുമെന്ന് ഭാരവാഹികൾ അറിയിച്ചു.17ന് രചനാ മത്സരങ്ങൾ നടക്കും.18ന് രാവിലെ
8.30ന് സ്വാഗത സംഘം ജനറൽ കൺവീനറും ശൂരനാട് ഗവ.എച്ച്.എസ്.എസ് പ്രിൻപ്പലുമായ ഡോ.കെ.സന്ധ്യാകുമാരി പതാക ഉയർത്തും.9ന് കോവൂർ കുഞ്ഞുമോൻ എംഎൽഎ സമ്മേളനവും കവിയും ഗാനരചയിതാവുമായ വയലാർ ശത്ചന്ദ്ര വർമ്മ കലാമേളയും ഉദ്ഘാടനം ചെയ്യും.സ്വാഗത സംഘം ചെയർമാനും ശൂരനാട് വടക്ക് പഞ്ചായത്ത് പ്രസിഡൻ്റുമായ എസ്.ശ്രീകുമാർ അധ്യക്ഷത വഹിക്കും.20ന് 6 ന് നടക്കുന്ന സമാപന സമ്മേളനം കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും.ജില്ലാ പഞ്ചായത്ത് പ്രസിഡന്റ് പി.കെ ഗോപൻ സമ്മാന വിതരണം നിർവഹിക്കും.ബ്ലോക്ക് പഞ്ചായത്ത് പ്രസിഡന്റ് ആർ.സുന്ദരേശൻ അധ്യക്ഷത വഹിക്കും.ഉപജില്ലയിലെ 62 വിദ്യാലയങ്ങളിൽ നിന്നുള്ള 3000 ത്തോളം കലാപ്രതിഭകളാണ് മേളയിൽ പങ്കെടുക്കുന്നത്.ഒരുക്കങ്ങൾ പൂർത്തിയായതായും,പരാതികൾക്ക് ഇടവരുത്താതെയുള്ള വീഡിയോ കവറേജ് അടക്കമുള്ള സംവിധാനങ്ങൾ ഒരുക്കിയിട്ടുള്ളതായും ഉപജില്ലാ വിദ്യാഭ്യാസ ഓഫീസർ മനോജ്കുമാർ കെ.വി,പബ്ലിസിറ്റി കമ്മിറ്റി ചെയർമാൻ ബ്ലസൻ പാപ്പച്ചൻ,സ്വാഗത സംഘം ജനറൽ കൺവീനർ ഡോ.കെ.സന്ധ്യാകുമാരി,റിസപ്ഷൻ കമ്മിറ്റി കൺവീനർ ഷിഹാബ് മോൻ ജെ.എ എന്നിവർ പറഞ്ഞു.
