ശാസ്താംകോട്ട:കാരാളിമുക്കിൽ വ്യാപാര സ്ഥാപനങ്ങളുടെ പൂട്ട് തകർത്ത് പണവും വസ്ത്രവുമടക്കം കവർന്നത് കുപ്രസിദ്ധ മോഷ്ടാവ് ‘പക്കി സുബൈർ’ (49) എന്ന് സൂചന.വയനാട് വെള്ളമുണ്ട തരുവണ കരിങ്ങേരി സ്വദേശിയായ ഇയ്യാൾ ഇപ്പോൾ ശൂരനാട് വടക്ക് തെക്കേമുറിയിലാണ് താമസമെന്ന് പറയപ്പെടുന്നു.സുബൈറിന്റെ ചിത്രവും വിലാസം അടക്കമുള്ള മറ്റ് വിവരങ്ങളും സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നുണ്ട് എന്നാൽ ഇതിന് പൊലീസ് ഔദ്യോഗിക സ്ഥിരീകരണം നൽകിയിട്ടില്ല.മോഷണത്തിലൂടെ ലഭിക്കുന്ന പണം കൊണ്ട് ലോട്ടറി എടുക്കുകയാണ് സുബൈറിന്റെ ഇഷ്ട വിനോദം.

മാരാരിത്തോട്ടത്തെ ദൃശ്യം

കാരാളിമുക്കിൽ മോഷണം നടത്തിയ ശേഷം ശാസ്താംകോട്ട റെയിൽവേ സ്റ്റേഷനിൽ നിന്നും ഇയ്യാൾ ട്രെയിൻ കയറി പോയതായി പൊലീസിന് വിവരം ലഭിച്ചിട്ടുണ്ട്.കഴിഞ്ഞ ദിവസം കരുനാഗപ്പള്ളി മാരാരിത്തോട്ടത്തെ പ്രമുഖ ഹോട്ടൽ വ്യവസായിയുടെ വീട്ടിൽ മോഷണം നടത്താനെത്തിയതും പക്കി സുബൈർ തന്നെയാണെന്ന് ഏകദേശം വ്യക്തമായിട്ടുണ്ട്.ഇവിടെ മോഷണം നടന്നില്ലെങ്കിലും പ്രദേശവാസികൾ ജാഗരൂകരായിരിക്കണമെന്ന വാട്സാപ്പ് സന്ദേശം വ്യാപകമായി പ്രചരിക്കുന്നുണ്ട്.കാരാളിമുക്കിൽ മോഷണം നടത്തിയതും മാരാരിതോട്ടത്ത് മോഷണത്തിനായി വീട്ടുപരിസരത്ത് എത്തിയതും ഒരാൾ തന്നെയാണെന്ന്
രണ്ടിടത്തു നിന്നും ലഭിച്ച നിരീക്ഷണ ക്യാമറ ദൃശ്യങ്ങളിലും വ്യക്തമാണ്.ഏകദേശം 50 വയസുവരുന്ന മോഷ്ടാവ് അടിവസ്ത്രം മാത്രം ധരിച്ചാണ് കൃത്യത്തിന് ഇറങ്ങിയത് ശനി പുലർച്ചെ 2 ഓടെയാണ് കാരാളിമുക്കിൽ മോഷണം നടന്നത്.മുല്ലമംഗലം സ്റ്റോഴ്സ്,ടെക്സറ്റയിൽസ്,വഴിയോരക്കട, ഫ്രണ്ട്സ് റെസ്റ്റോന്റ്,ഭാരത് ബേക്കറി എന്നിവിടങ്ങളിലാണ് മോഷണം നടന്നത്.ഇടനേരം എന്ന റസ്റ്റോറന്റിന്റെ പൂട്ട് തകർത്ത് അകത്ത് കയറാനുള്ള ശ്രമം വിജയിച്ചില്ല.മുല്ലമംഗലം ടെക്സറ്റയിൽസിൽ നിന്നും ഒരു ജോടി വസ്ത്രമാണ് കവർന്നത്.

ശാസ്താംകോട്ട. തടാക തീരത്തെ സ്വകാര്യ ഭൂമിയില്‍ അജ്ഞാതര്‍നിക്ഷേപിച്ച മാലിന്യം നീക്കം ചെയ്തു. പരാതി ഉയര്‍ന്നതോടെ ഭൂ ഉടമതന്നെ മാലിന്യം ഇവിടെനിന്നും ജെസിബി ഉപയോഗിച്ച് കോരി സ്വന്തം ഉടമസ്ഥതയിലുള്ള മറ്റൊരിടത്തെ ഭൂമിയിലെത്തിച്ച് കുഴിച്ചു മൂടുകയായിരുന്നു. തടാക സംരക്ഷണ സമിതി പ്രവര്‍ത്തകര്‍ റവന്യൂ പൊലീസ് അധികൃതര്‍ക്ക് സംഭവം സംബന്ധിച്ച് പരാതി നല്‍കിയിരുന്നു.

ശാസ്താംകോട്ട തടാകതീരമേഖലയില്‍ ഓടമാലിന്യം കോരിയതും പ്ളാസ്റ്റിക് അടങ്ങുന്ന ഭവന മാലിന്യങ്ങളും നിക്ഷേപിക്കുന്നത് ദുരൂഹമായി തുടരുകയാണ്. സമീപകാലത്ത് പലവട്ടം ഇതാവര്‍ത്തിച്ചു. അമ്പലക്കടവില്‍ സാധാരണ ആരും മിനക്കെട്ട് മാലിന്യവുംകൊണ്ടുപോകാത്തസ്ഥലത്ത് മാലിന്യം എത്തിച്ച് നിക്ഷേപിച്ചിരുന്നു. ജംക്ഷനില്‍ഓടകോരിയത് നിക്ഷേപിച്ചതും പ്രശ്നമായിരുന്നു. അതിന് ശേഷമാണ് ഇന്നലെ ഇത്തരം പ്രവൃത്തി വേങ്ങയില്‍ നടന്നത്. പൊലീസിന് അന്വേഷണത്തിലൂടെ ഇക്കൂട്ടരെ കണ്ടെത്താനാവുമെങ്കിലും പൊലീസ് ഗൗരവമായി ഈ പ്രശ്നത്തെ സമീപിച്ചിട്ടില്ല. തടാക തീരത്ത് മര്‍മ്മപ്രധാനമേഖലകളിലും നിരത്തുകളിലും സിസിടിവി സ്ഥാപിക്കുകയും പെട്രോളിംങ് കാര്യക്ഷമമാക്കുകയും വേണമെന്ന് തടാക സംരക്ഷണ സമിതി ആവശ്യപ്പെട്ടു.