ശാസ്താംകോട്ട (കൊല്ലം):ദുബായിൽ മോഷണത്തിനിടെ പാക് പൗരന്റെ ആക്രമണത്തിൽ
മരിച്ച ശൂരനാട് വടക്ക് സ്വദേശിയുടെ മൃതദേഹം നാളെ നാട്ടിലെത്തിക്കും. ആനയടി വയ്യാങ്കര ചന്ദ്രാലയത്തിൽ ചന്ദ്രൻ പിള്ളയുടെയും രാജലക്ഷ്മിയുടേയും മകൻ പ്രദീപിന്റെ (43,ഹരിക്കുട്ടൻ) മൃതദേഹമാണ് ഒന്നര ആഴ്ചയ്ക്ക് ശേഷം ബുധനാഴ്ച നാട്ടിലെത്തിന്നത്.പുലർച്ചെ തിരുവനന്തപുരം വിമാനതാവളത്തിൽ എത്തിക്കുന്ന മൃതദേഹം ബന്ധുക്കൾ ഏറ്റുവാങ്ങി നാട്ടിലേക്ക് കൊണ്ടു പോകും.പൊതുദർശനത്തിനു ശേഷം ഉച്ചയ്ക്ക് രണ്ടിന് വീട്ടുവളപ്പിൽ സംസ്ക്കരിക്കും.

മോഷണത്തിനിടെ പാക് സ്വദേശിയുടെ ആക്രമണത്തിലാണ് പ്രദീപ് കൊല്ലപ്പെട്ടതെന്നാണ് നാട്ടിൽ ലഭിച്ച വിവരം.പ്രദീപിന്റെ കഴുത്തിൽ കിടന്ന സ്വർണമാല തട്ടിയെടുക്കാൻ പാകിസ്ഥാനി ശ്രമിക്കുകയും ഇത് ചെറുത്തതിനെ തുടർന്ന് ആയുധം ഉപയോഗിച്ച് ആക്രമിച്ച് കൊലപ്പെടുത്തുകയുമായിരുന്നുവത്രേ. പിറ്റേ ദിവസം ദുബായ് പൊലീസ് കസ്റ്റഡിലെടുത്ത അക്രമി റിമാ ൻഡിലാണ്.ദുബായ് അൽ ക്വാസി ഇൻഡസ്ട്രിയൽ ഏരിയയിൽ ന്യൂ ഇവല്യൂഷൻ ഇന്റീരിയർ ഡക്കറേഷൻ എന്ന കമ്പനിയിൽ അലുമിനിയം ഫാബ്രിക്കേറ്ററായി ജോലി ചെയ്ത് വരികയായിരുന്നു.മൂന്ന് മാസം മുമ്പാണ് അവസാനമായി നാട്ടിലെത്തി മടങ്ങിയത്.ഭാര്യ:രശ്മി.
മക്കൾ:കാർത്തിക്,ആദി

ശാസ്താംകോട്ട.വായനാ പക്ഷാചരണത്തിന്റെ ഭാഗമായി പള്ളിശേരിക്കൽ EMS ഗ്രന്ഥശാല വൈക്കം മുഹമ്മദ് ബഷീർ അനുസ്മരണവും , കുട്ടികൾക്ക് സ്പോർട്സ് കിറ്റ് വിതരണവും നടത്തി. പുസ്തക പ്രദർശനവും ഉണ്ടായിരുന്നു. പള്ളിശേരിക്കൽ VRM LPS-ൽജില്ലാ പഞ്ചായത്ത് പ്രസിഡന്റ് ഡോ. പി കെ ഗോപൻ ഉദ്ഘാടനം ചെയ്തു. ഗ്രന്ഥശാല പ്രസിഡന്റ് R . കൃഷ്ണകുമാർ അധ്യക്ഷനായി. പ്രഥമ അധ്യാപിക സീജ ടീച്ചർ സ്വാഗതവും, മാധ്യമ പ്രവർത്തകൻ ഹരിപ്രസാദ് ബഷീർ അനുസ്മരണവും നടത്തി AEO സുജാകുമാരി , A.ശ്രീകുമാർ , അഭിലാഷ് ആദി, യാസീം, PTA പ്രസിഡന്റ് രജീഷ് നന്ദി രേഖപ്പെടുത്തി. ലത, അമ്പിളി , വിനോദ്, ആതിര PR, സാജിത, ആതിര കൃഷ്ണൻ എന്നിവർ നേതൃത്വം നൽകി.

ശാസ്താംകോട്ട:സ്കൂൾ ബസുകൾ ഉൾപ്പെടെ നൂറു കണക്കിന് വാഹനങ്ങൾ കടന്നു പോകുന്ന മയ്യത്തുങ്കര ജംഗ്ഷൻ -പ്ലാമൂട് ജംഗ്ഷൻ റോഡ് ഗതാഗതയോഗ്യമാക്കണമെന്ന ആവശ്യം ശക്തമാകുന്നു.വർഷങ്ങളായി കുണ്ടും കുഴിയുമായി തകർന്നു കിടക്കുകയാണ് റോഡ്.കുഴികളിൽ മഴ വെള്ളം കെട്ടിക്കിടക്കുന്നതിനാൽ അപകടങ്ങളും പതിവാണ്.റോഡിൽ പല ഭാഗത്തും ടാറിന്റെ അംശം പോലും കാണാനില്ലെന്ന് നാട്ടുകാർ പരാതിപ്പെടുന്നു.അടിയന്തിരമായി റോഡ് ഗതാഗത യോഗ്യമാക്കണമെന്നും അല്ലെങ്കിൽ ശക്തമായ പ്രക്ഷോഭത്തിലേക്ക് കടക്കുമെന്നും യൂത്ത് കോൺഗ്രസ്‌ പോരുവഴി മണ്ഡലം കമ്മിറ്റി മുന്നറിയിപ്പ് നൽകി.പോരുവഴി മണ്ഡലം പ്രസിഡൻ്റ് അജ്മൽ അർത്തിയിൽ അദ്ധ്യക്ഷത വഹിച്ചു.ഡിസിസി ജനറൽ സെക്രട്ടറി പി.കെ രവി ഉത്ഘാടനം ചെയ്തു.യൂത്ത് കോൺഗ്രസ്‌ സംസ്ഥാന സെക്രട്ടറി സുഹൈൽ അൻസാരി,കോൺഗ്രസ്‌ മണ്ഡലം പ്രസിഡന്റ്‌ ചക്കുവള്ളി നസീർ,കോൺഗ്രസ്‌,യൂത്ത് കോൺഗ്രസ്‌ നേതാക്കളായ അർത്തിയിൽ അൻസാരി,ജലീൽ പള്ളിയാടി, അർത്തിയിൽ ഷഫീക്, ലാലു തോമസ്,നിഷാദ് മയ്യത്തുംകര, ബഷീർ വരിക്കോലിൽ,അയന്തിയിൽ അനീഷ്,റസൽ റഷീദ്,അക്ബർ എന്നിവർ സംസാരിച്ചു.

മൈനാഗപ്പള്ളി. പഞ്ചായത്തിൻ്റെ വടക്കൻ മേഖലയിലെ ആരോഗ്യ രംഗത്ത് പഴക്കം ചെന്ന ആനൂർക്കാവ് സബ്ബ് സെൻ്റർ നവീകരിച്ചു തുറന്നു. കേന്ദ്ര സർക്കാരിൻ്റെ ഫണ്ടും പഞ്ചായത്ത് ഫണ്ടും ചേർത്ത് നടത്തിയ നവീകരണ പ്രവർത്തനം നടത്തി പൂർത്തികരിച്ച കെട്ടിടം ആണ് കൊടിക്കുന്നിൽ സുരേഷ് എം.പി. ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് പി.എം. സെയ്ത് അദ്ധ്യക്ഷതവഹിച്ചു. ഗ്രാമ പഞ്ചായത്ത് വൈസ് പ്രസിഡൻ്റ് ബി സേതു ലക്ഷ്മി.

സ്റ്റാൻ്റിംഗ് കമ്മിറ്റി ചെയർമാൻ മാരയ ‘ആര്‍ സ ജിമോൻ’ മനാഫ് മൈനാഗപ്പള്ളി. ജലജാ രാജേൻ. വർഗ്ഗീസ് തരകൻ ” ബ്ലോക്ക് പഞ്ചായത്ത് അംഗം വൈ ഷാജഹാൻ. ബിജുകുമാർ ‘ഷാ ജി. ചിറയ്ക്കു മേൽ. മെഡിക്കൽ ഓഫീസർ.ഡോ: നീതു ജലീൽ’ എച്ച് ഐ സുനിൽ ജെപിഎച്ച് എന്‍ സിന്ധു.ആശ പ്രവർത്തകർ ആരോഗ്യ ഉദ്യോഗസ്ഥർ.വാർഡ് തല സമിതി അംഗങ്ങൾ. സിഡിഎസ് ചെയർപേഴ്സൺ അമ്പിളി കുടുംബശ്രീ . NREG S പ്രവർത്തകർ തുടങ്ങിയവർ പങ്കെടുത്തു.

ശാസ്താംകോട്ട: ഭരണിക്കാവ് ജെ.എം.എച്ച്.എസ് ആന്റ് റ്റി.റ്റി.ഐ യുടെ ഒരു വർഷം നീണ്ട് നിൽക്കുന്ന ശതാബ്ദി ആഘോഷങ്ങൾ ബുധനാഴ്ച ആരംഭിക്കുമെന്ന് സംഘാടക സമിതി ഭാരവാഹികൾ അറിയിച്ചു. ഉച്ചയ്ക്ക് 2.30 ന് ശാസ്താംകോട്ടയിൽ നിന്ന് ഭരണിക്കാവിലേക്ക് വിളംബര ഘോഷയാത്രയും ദീപശിഖാ പ്രയാണവും നടക്കും. ശാസ്താംകോട്ട ഡി.വൈ.എസ്.പി ടി.ജയകുമാർ ഉദ്ഘാടനം ചെയ്യും. ഇതിന്റെ ഭാഗമായി ശാസ്താംകോട്ടയിൽ ഫ്ലാഷ് മോബും ഭരണിക്കാവിൽ മെഗാ തിരുവാതിരയും നടക്കും.

12 വെള്ളിയാഴ്ച ഉച്ചയ്ക്ക് 2 ന് ശതാബ്ദി ആഘോഷങ്ങളുടെ ഉദ്ഘാടനം ധനകാര്യ വകുപ്പ് മന്ത്രി കെ.എൻ ബാലഗോപാൽ നിർവ്വഹിക്കും. കോവൂർ കുഞ്ഞുമോൻ എം.എൽ.എ അധ്യഷത വഹിക്കും. കൊടിക്കുന്നിൽ സുരേഷ് എം.പി മുഖ്യപ്രഭാഷണം നടത്തും. മുൻ എം.പി കെ സോമപ്രസാദ്, ബ്ലോക്ക് പഞ്ചായത്ത് പ്രസിഡന്റ് ആർ. സുന്ദരേശൻ, ഗ്രാമ പഞ്ചായത്ത് പ്രസിഡന്റ് മാരായ ആർ.ഗീത, ഡോ.സി.ഉണ്ണികൃഷ്ണൻ , ബിനു മംഗലത്ത്, സ്കൂൾ മാനേജർ ഷാജി കോശി, പി.റ്റി.എ പ്രസിഡന്റ നിസ്സാം ഒല്ലായിൽ തുടങ്ങിയവർ സംസാരിക്കും.