ചെങ്ങന്നൂർ: ട്രെയിനിൽ സ്ത്രീകളുടെ കമ്പാർട്ട്മെന്റിൽ യാത്ര ചെയ്ത പുരുഷ യാത്രക്കാർക്ക് എതിരെ ആർപിഎഫിന്റെ നടപടി. എറണാകുളത്തു നിന്നും കൊല്ലത്തേക്ക് പോയ മെമു ട്രെയിനിലെ വനിതാ കമ്പാർട്ട്മെന്റിൽ യാത്ര ചെയ്ത പുരുഷ യാത്രക്കാർക്കെതിരെ യാണ് ചെങ്ങന്നൂർ ആർപിഎഫ് കേസെടുത്തത്.
യാത്രക്കാരുടെ പരാതിയെ തുടർന്ന് ചെങ്ങന്നൂർ ആർപിഎഫ് സിഐ
A. P..വേണുവിന്റെ നിർദ്ദേശപ്രകാരം സബ് ഇൻസ്പെക്ടർ S. സുരേഷും സംഘവും നടത്തിയ അന്വേഷണത്തിൽ എറണാകുളത്ത് നിന്നും കൊല്ലത്തേക്ക് പോയ മെമു ട്രെയിനിൽ സ്ത്രീകൾക്ക് വേണ്ടി മാത്രം സവരണം ചെയ്തിട്ടുള്ള കോച്ചിൽ യാത്ര ചെയ്ത 7 ഓളം പുരുഷയാത്രക്കാർക്ക് എതിരെയാണ് കേസെടുത്തിട്ടുള്ളത്. ഇന്ത്യൻ റെയിൽവേ നിയമം 162 പ്രകാരം ആണ് കുറ്റക്കാർക്കെതിരെ കേസ് രജിസ്റ്റർ ചെയ്തത്.
തുടർന്നുള്ള ദിവസങ്ങളിലും ഇത്തരത്തിലുള്ള റെയ്ഡുകൾ ഉണ്ടായിരിക്കുമെന്നും കുറ്റക്കാർക്കെതിരെ ശക്തമായ നടപടി സ്വീകരിക്കുമെന്നും ചെങ്ങന്നൂർ ആർപിഎഫ് സിഐ. A. P. വേണു അറിയിച്ചു.

കേരളത്തിൽ അടുത്ത 5 ദിവസം വ്യാപകമായി  ഇടിമിന്നലോട് കൂടിയ മിതമായ/ ഇടത്തരം മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഒറ്റപ്പെട്ട സ്ഥലങ്ങളിൽ  ആഗസ്റ്റ് 15 വരെ അതിശക്തമായ മഴക്കും ആഗസ്റ്റ് 13 മുതൽ 17 വരെ  ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. തെക്കൻ ശ്രീലങ്കക്ക്  മുകളിൽ  ചക്രവാത ചുഴി രൂപപ്പെട്ടു.