അഞ്ചുവയസ്സുകാരിയെ പീഡിപ്പിച്ച അതിഥി തൊഴിലാളിയെ പോലീസ് അറസ്റ്റ് ചെയ്തു

October 4, 2024

Cലപ്പുറം.അഞ്ചുവയസ്സുകാരിയെ പീഡിപ്പിച്ച അതിഥി തൊഴിലാളിയെ പോലീസ് അറസ്റ്റ് ചെയ്തു. ഒറീസ സ്വദേശി അലി ഹുസനെന്ന റോബിനെയാണ് നിലമ്പൂർ പോലീസ് അറസ്റ്റ് ചെയ്തത്. ചിപ്സ് വാങ്ങിത്തരാം എന്ന് പറഞ്ഞ് കൂട്ടിക്കൊണ്ടുപോയി പീഡിപ്പിക്കുകയായിരുന്നു. കുഞ്ഞിനെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു.

ഇന്നലെയാണ് ഞെട്ടിപ്പിക്കുന്ന പീഡനം നിലമ്പൂരിൽ നടന്നത്. അതിഥി തൊഴിലാളിയായ ഒറീസാ സ്വദേശി അലി ഹുസൻ അഞ്ചുവയസ്സു മാത്രം പ്രായമുള്ള കുഞ്ഞിനെ ചിപ്സ് വാങ്ങിത്തരാം എന്ന് പ്രലോഭിപ്പിച്ച് കോട്ടേഴ്സിൽ നിന്ന് കൂട്ടിക്കൊണ്ടുപോയി സ്വന്തം ക്വാർട്ടേഴ്സിൽ വച്ച് പീഡനത്തിനിരയാക്കി. അതിഥി തൊഴിലാളികളുടെ മകളായ കുഞ്ഞ് പീഡനത്തിനിരയായി എന്ന വിവരം മാതാവ് തിരിച്ചറിയുകയും അയൽവാസികളെ അറിയിക്കുകയുമായിരുന്നു. പോലീസിൽ വിവരം ലഭിച്ചതോടെ പ്രതിക്കായി തിരച്ചിൽ. രാത്രിയോടെ കോട്ടേഴ്സിന് സമീപമുള്ള ആക്രിക്കടയിൽ ഇരുമ്പ് ഷീറ്റ് മറയ്ക്കുള്ളിൽ ഒളിച്ചിരുന്ന പ്രതിയെ പോലീസ് അറസ്റ്റ് ചെയ്തു.

കുട്ടിയെ പരുക്കുകളോടെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്. പ്രതി അലി ഹുസനെ പോക്സോ വകുപ്പുകൾ ചുമത്തി മഞ്ചേരി കോടതിയിൽ ഹാജരാക്കി റിമാൻഡ് ചെയ്തു

ബസ്തറില്‍ വൻ മാവോയിസ്റ്റ് വേട്ട 30 മാവോയിസ്റ്റുകളെ വധിച്ചു

October 4, 2024

റായ്പൂർ: ഛത്തീസ്ഗഡിലെ ബസ്തറില്‍ വൻ മാവോയിസ്റ്റ് വേട്ട. നാരായണ്‍പൂർ ജില്ലയില്‍ നടന്ന ഏറ്റുമുട്ടലില്‍ 30 മാവോയിസ്റ്റുകളെ സുരക്ഷാ ഉദ്യോഗസ്ഥർ വധിച്ചു.
മൃതദേഹങ്ങള്‍ തിരിച്ചറിഞ്ഞിട്ടില്ല. ജില്ലാ റിസർവ് ഗാർഡും (DRG) പ്രത്യേക ടാസ്ക് ഫോഴ്സും ചേർന്നാണ് (STF) ഓപ്പറേഷനില്‍ പങ്കെടുത്തത്.

അഭുജ്മാദ് വനമേഖലയില്‍ ഉച്ചയ്‌ക്ക് 12.30ഓടെയാണ് ഏറ്റുമുട്ടല്‍ ആരംഭിച്ചത്. നാരായണ്‍പൂർ ദന്തേവാട ജില്ലാതിർത്തിയിലാണ് സംഭവം. ആന്റി-നക്സല്‍ ഓപ്പറേഷന്റെ ഭാഗമായി സുരക്ഷാ ഉദ്യോഗസ്ഥരുടെ സംഘം വനമേഖലയില്‍ പ്രവേശിക്കുകയായിരുന്നു. ഒരു മണിക്കൂറോളം വെടിവയ്പ്പ് തുടർന്നതിന് പിന്നാലെ നടത്തിയ തെരച്ചിലില്‍ 30 മൃതദേഹങ്ങള്‍ കണ്ടെടുത്തു. കൂടാതെ മാവോയിസ്റ്റ് സംഘം ഉപയോഗിച്ചിരുന്ന ആയുധശേഖരവും കണ്ടെത്തി. എകെ-47 റൈഫിളുകളും സെല്‍ഫ് ലോഡിംഗ് റൈഫിളും ഇതില്‍ ഉള്‍പ്പെടും. സ്ഥലത്ത് ഇപ്പോഴും പരിശോധന തുടരുകയാണ്.

2024ല്‍ ബസ്തറില്‍ നടന്ന വിവിധ ഏറ്റുമുട്ടലുകളിലായി 170ഓളം മാവോയിസ്റ്റുകളെയാണ് ഇതുവരെ വധിച്ചതെന്ന് പൊലീസ് വ്യക്തമാക്കുന്നു.

ന്യൂസ് അറ്റ് നെറ്റ് BREAKING NEWS സിനിമാ സെറ്റിൽ ആനകൾ ഏറ്റ്മുട്ടി;പരിക്കേറ്റ’സാധു’ കാട് കയറി

October 4, 2024

2024 ഒക്ടോബർ 04 വെളളി 9.10 PM

? കോതമംഗലത്ത് ഷൂട്ടിംഗ് സെറ്റിൽ ആനകൾ ഏറ്റുമുട്ടി, പരിക്കേറ്റ പുതുപ്പള്ളി സാധു എന്ന ആന ഭൂതത്താൻകെട്ട് വനത്തിലേക്ക് ഓടി പോയി

? ആനയുള്ള സ്ഥലം കണ്ടെത്തിയെന്ന് വനം വകുപ്പ് ഉദ്യോഗസ്ഥർ, ആന തിരികെ വരാൻ സാധ്യതയെന്നും വിലയിരുത്തൽ

?കാട് കയറിയ ആനയ്ക്കായുള്ള ഇന്നത്തെ തിരച്ചിൽ അവസാനിപ്പിച്ചു. ഇനി നാളെ

?തെലുങ്ക് ചിത്രത്തിൻ്റെ ചിത്രീകരണത്തിനായാണ് ആനകളെ കൊണ്ട് വന്നത്.

?എസ് എ റ്റി ആശുപത്രിയിലെ വൈദ്യുതി മുടക്കം: ഇലക്ടിക്കൽ അസി. എക്സിക്യൂട്ടീവ് എഞ്ചിനിയറെ സസ്പെൻഡ് ചെയ്തു.

?തൃശൂർ മാള ആളൂരിൽ വ്യാജ ചാരയ പ്രതിക്ക് പകരം ഭാര്യ പിതാവിനെ അറസ്റ്റ് ചെയ്ത് കള്ളക്കേസിൽ കുടുക്കിയെന്ന് പരാതി

?ഇറാൻ പരമോന്നത നേതാവ് അയത്തുള്ള ഖൊമേനി 5 വർഷത്തിന് ശേഷം പൊതുവേദിയിൽ

?ഇസ്രായേൽ ഇറാൻ സംഘർഷം ആശങ്കപ്പെടുത്തുന്നതെന്ന് ഇന്ത്യ

ശപഥം പാലിക്കാതെ റാഷിദ് ഖാന്‍….വിവാഹിതനായി

October 4, 2024

അഫ്ഗാനിസ്ഥാന്‍ ക്രിക്കറ്റ് താരം റാഷിദ് ഖാന്‍ വിവാഹിതനായി. റാഷിദിന്റെയും മറ്റ് മൂന്ന് സഹോദരന്മാരുടേയും വിവാഹവും ഒരുമിച്ചാണ് നടന്നത്. അഫ്ഗാന്‍ തലസ്ഥാനമായ കാബുളിലായിരുന്നു വിവാഹാഘോഷങ്ങള്‍.
കാബൂളിലെ വിവാഹ വേദിയുടേയും ആഘോഷങ്ങളുടേയും ദൃശ്യങ്ങള്‍ സമൂഹമാധ്യമങ്ങളില്‍ വൈറലാവുകയും ചെയ്തു. റാഷിദിന്റെ വിവാഹവേദിക്ക് സുരക്ഷയൊരുക്കുന്ന തോക്കുധാരികളുടെ ദൃശ്യങ്ങളും പുറത്തുവന്നു. കാബൂളിലെ ഇംപീരിയല്‍ കോണ്ടിനെന്റല്‍ ഹോട്ടലിലായിരുന്നു വിവാഹ ചടങ്ങുകള്‍.

അഫ്ഗാന്‍ ക്രിക്കറ്റ് ടീമിലെ റാഷിദിന്റെ സഹതാരങ്ങള്‍ ഉള്‍പ്പെടെ ഒട്ടേറെ പേര്‍ വിവാഹ ചടങ്ങില്‍ പങ്കെടുക്കാനെത്തി. അഫ്ഗാനിസ്ഥാന്‍ മുന്‍ ക്യാപ്റ്റന്‍ മുഹമ്മദ് നബി ഉള്‍പ്പെടെയുള്ളവര്‍ സമൂഹമാധ്യമങ്ങളില്‍ റാഷിദ് ഖാന് ആശംസ നേര്‍ന്നു. വധുവിനെ സംബന്ധിക്കുന്ന വിവരങ്ങള്‍ പുറത്തുവിട്ടിട്ടില്ല.
അഫ്ഗാന്‍ ലോകകപ്പ് നേടിയതിന് ശേഷം മാത്രമാണ് താന്‍ വിവാഹിതനാവുക എന്ന് റാഷിദ് ഖാന്‍ മുമ്പൊരിക്കല്‍ പ്രഖ്യാപിച്ചത് വലിയ വാര്‍ത്തായിരുന്നു. നാല് വര്‍ഷങ്ങള്‍ക്ക് മുന്‍പ് ആസാദി റേഡിയോയ്ക്ക് നല്‍കിയ അഭിമുഖത്തിലായിരുന്നു താരത്തിന്റെ പ്രഖ്യാപനം.

മദ്യനിരോധിത മേഖലയായി പ്രഖ്യാപിച്ചു

October 4, 2024

കൊല്ലം: ഓച്ചിറ പരബ്രഹ്‌മ ക്ഷേത്രത്തിലെ കാളകെട്ട് മഹോത്സവത്തോടനുബന്ധിച്ച് 12ന് ക്ഷേത്രവും മൂന്ന് കിലോമിറ്റര്‍ ചുറ്റളവിലുള്ള പരിസര പ്രദേശങ്ങളും ഉത്സവമേഖലയായും മദ്യനിരോധിത മേഖലയായും ജില്ലാ കളക്ടര്‍ എന്‍.ദേവിദാസ് പ്രഖ്യാപിച്ചു. ഈ പ്രദേശത്ത് ഹരിതചട്ടം കര്‍ശനമായി പാലിക്കണം. ഭക്ഷ്യസുരക്ഷ, ശബ്ദമലിനീകരണം, പരിസര മലിനീകരണം തുടങ്ങി പൊതുജനാരോഗ്യത്തെ ബാധിക്കുന്ന വിഷയങ്ങളിലും ക്രസമാധാനപാലനത്തിലും ബന്ധപ്പെട്ട വകുപ്പുകള്‍ നടപടികള്‍ സ്വീകരിക്കണമെന്നും കളക്ടര്‍ നിര്‍ദേശിച്ചു.

മെഗാ ലോക് അദാലത്ത്

October 4, 2024

കൊല്ലം: ഗാന്ധിജയന്തി ദിനത്തില്‍ ജില്ലാ ലീഗല്‍ സര്‍വീസസ് അതോറിറ്റിയും താലൂക്ക് ലീഗല്‍ സര്‍വീസസ് കമ്മിറ്റികളും ജില്ലയിലെ വിവിധ കോടതികളില്‍ മെഗാ അദാലത്ത് നടത്തി. നിലവിലുള്ള കേസുകളും പുതിയ പരാതികളുമുള്‍പ്പെടെ 349 കേസുകള്‍ തീര്‍പ്പുകല്‍പ്പിച്ചു. വിവിധ കേസുകളില്‍ 6,28,57,674 രൂപ നഷ്ടപരിഹാരം നല്‍കാന്‍ ഉത്തരവായി. 2452 കേസുകള്‍ പരിഗണിച്ചു. ജില്ലാ ലീഗല്‍ സര്‍വ്വീസസ് അതോറിറ്റി ചെയര്‍മാന്‍ ജില്ലാ ജഡ്ജി ജി.ഗോപകുമാര്‍ നേതൃത്വം വഹിച്ചു.

ന്യൂസ് അറ്റ് നെറ്റ് BREAKING NEWS പൂരം:എഡിജിപിക്ക് വീഴ്ച പറ്റിയെന്ന് സി പി എം

October 4, 2024

2024 ഒക്ടോബർ 04 വെള്ളി 8.40 pm

?എഡിജിപി എം ആർ അജിത്ത് കുമാറിനെതിരായ അന്വേഷണ റിപ്പോർട്ട് ഉടൻ സർക്കാരിന് നൽകിയേക്കും.

?അന്വേഷണ സംഘം ഡിജിപിയുടെ നേതൃത്വത്തിൽ ഇന്ന് യോഗം ചേർന്നു.

?തൃശൂർ ബി ജെ പി ക്ക് നൽകിയത് കോൺഗ്രസാണെന്നും പൂരം കലക്കിയത് ആർ എസ് എസ് എന്നും സി പി എം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ

?തൃശൂർ പൂരത്തിൽ എഡിജിപിക്ക് വീഴ്ച പറ്റിയെന്ന് സി പി എം സംസ്ഥാന സെക്രട്ടറി

?ഛത്തീസ്ഗഢിലെ നാരായൺപൂരിലെ ഏറ്റുമുട്ടലിൽ 30 മാവോയിസ്റ്റുകൾ കൊല്ലപ്പെട്ടു.

കടപ്പാക്കുഴിക്ക് തെക്കുവശം നിരോധനമുള്ള റോഡില്‍ ടോറസ് ലോറി നിയന്ത്രണം വിട്ട് മറിഞ്ഞു

October 4, 2024

പടിഞ്ഞാറേകല്ലട. കടപ്പാക്കുഴിക്ക് തെക്കുവശം നിരോധനമുള്ള റോഡില്‍ ടോറസ് ലോറി നിയന്ത്രണം വിട്ട് മറിഞ്ഞു. ഇന്ന് വൈകിട്ടാണ് മറ്റൊരു വാഹനത്തിന് സൈഡ് കൊടുക്കുന്നതിനിടെ ലോറി പാടേ മറിഞ്ഞത്.

ചെറിയ റോഡുകള്‍ക്ക് താങ്ങാവുന്നതിലേറെ ഭാരവുമായാണ് ലോറികള്‍ പായുന്നത്. കടപ്പാക്കുഴി പാലത്തിലൂടെ ഭാരവാഹനങ്ങള്‍ക്ക് നിരോധനമുണ്ട്. ട്രാഫിക് റെഗുലേറ്ററി കമ്മിറ്റിയാണ് വലിയ ഭാരവാഹനങ്ങള്‍ക്ക് നിരോധനം ഏര്‍പ്പെടുത്തിയത്. നാല്‍പതുവര്‍ഷം പഴക്കമുള്ള കലുങ്ക് പൊളിയുമെന്ന് കണ്ടാണ് നിരോധനം ഏര്‍പ്പെടുത്തി ബോര്‍ഡ് വച്ചത്.

താംബരത്ത് നിന്നും പുനലൂർ-കൊല്ലം വഴി കൊച്ചുവേളിയിലേക്ക് വീക്കിലി ട്രെയിൻ സർവീസ് ഒക്ടോബർ ഒന്നു മുതൽ

October 4, 2024

ശാസ്താംകോട്ട: താംബരത്ത് നിന്നും പുനലൂർ,കൊല്ലം വഴി കൊച്ചുവേളിയിലേക്ക് ആഴച്ചയിൽ ഒരിക്കൽ സർവീസ് നടത്തുന്ന എ.സി സ്പെഷ്യൽ ട്രെയിൻ അനുവദിച്ചതായി ദക്ഷിണ റെയിൽവേ ആസ്ഥാനത്ത് നിന്ന് അറിയിപ്പ് ലഭിച്ചതായി കൊടിക്കുന്നിൽ സുരേഷ് എം.പി അറിയിച്ചു. ഒക്ടോബർ 11 മുതൽ സർവീസ് ആരംഭിക്കും.വെള്ളിയാഴ്ചകളിൽ വൈകുന്നേരം 7:30 ന് താമ്പരത്തു നിന്നും പുറപ്പെടുന്ന ട്രെയിൻ ശനിയാഴ്ച രാവിലെ 11:30 ന് കൊച്ചുവേളിയിൽ എത്തിച്ചേരും.ഞായറാഴ്ച വൈകുന്നേരം 3:25ന് കൊച്ചുവേളിയിൽ നിന്ന് യാത്ര തിരിക്കുന്ന ട്രെയിൻ തിങ്കളാഴ്ച രാവിലെ 7:35 ന് താമ്പരത്ത് എത്തിച്ചേരും.കേരളത്തിൽ തെന്മല,പുനലൂർ,ആവണീശ്വരം,
കൊട്ടാരക്കര,കുണ്ടറ,കൊല്ലം സ്റ്റേഷനുകളിൽ ട്രെയിനിന് സ്റ്റോപ്പുകൾ ഉണ്ടാകും.താമ്പരത്ത് നിന്ന് പുനലൂർ-കൊല്ലം വഴി കൊച്ചുവേളിയിലേക്ക് വീക്കിലി ട്രെയിൻ സർവീസ് ആരംഭിക്കണമെന്ന് മാസങ്ങൾക്ക് മുമ്പ് കൊടിക്കുന്നിൽ റെയിൽവേ മന്ത്രിയോടും റെയിൽവേ ബോർഡ് ചെയർമാനോടും ആവശ്യപ്പെട്ടിരുന്നു.ഡൽഹിയിൽ റെയിൽവേ മന്ത്രിയുമായി നടത്തിയ കൂടിക്കാഴ്ചയിലും വിഷയം വീണ്ടും ഉന്നയിച്ചതിനെ തുടർന്നാണ് നടപടിയായത്.എറണാകുളം-ബാംഗ്ലൂർ റൂട്ടിൽ ഒരു ട്രെയിൻ കൂടെ താമസിയാതെ അനുവദിക്കുമെന്നും കൊടിക്കുന്നിൽ അറിയിച്ചു.

കരിങ്കൽ ക്വാറിയിൽ പ്ളസ്ടു വിദ്യാർത്ഥി മുങ്ങി മരിച്ചു

October 4, 2024

മലപ്പുറം. ഐക്കരപടി പൂച്ചാൽ കരിങ്കൽ ക്വാറിയിൽ പ്ളസ്ടു വിദ്യാർത്ഥി മുങ്ങി മരിച്ചു.ഫാറുഖ് ഗണപത് സ്കൂൾ +2 വിദ്യാർത്ഥി ഇജ്ലാൻ ആണ് മരിച്ചത്.സുഹൃത്തുക്കളുടെ കൂടെ ക്വാറിയിൽ കുളിക്കാൻ എത്തിയതാണ്.വള്ളിയിൽ ഷാഹുൽ ഹമീദിൻ്റെ മകനാണ്.ഉച്ചക്ക് 1:30 ഓടെയാണ് സംഭവം.നാട്ടുകാരും ഫയർ ഫോഴ്സും നടത്തിയ തിരച്ചിലിൽ മൃതദേഹം കണ്ടെത്തി.
മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റി