കൊല്ലം: മുക്കുപണ്ടം പണയംവെച്ച് ധനകാര്യ സ്ഥാപനങ്ങളില്‍ നിന്ന് പണം തട്ടിയെടുത്ത പ്രതികള്‍ പിടിയിലായി. ശക്തികുളങ്ങര കന്നിമേല്‍ പൂവന്‍പുഴ തറയില്‍
രാജേഷ് (22), കന്നിമേല്‍ മല്ലശേരി വടക്കേതറ വീട്ടില്‍ മാഹീന്‍ (25)
എന്നിവരാണ് ശക്തികുളങ്ങര പോലീസിന്റെ പിടിയിലായത്. സ്വകാര്യ ധനകാര്യ
സ്ഥാപനങ്ങളില്‍ മുക്കുപണ്ടം പണയപെടുത്തി പണം തട്ടിപ്പ് നടത്തിയ സംഘത്തെയാണ്
ശക്തികുളങ്ങര പോലീസ് പിടികൂടിയത്. മാര്‍ച്ച്, ഏപ്രില്‍ മാസങ്ങളില്‍ കാവ
നാട് പ്രവര്‍ത്തിക്കുന്ന ധനകാര്യ സ്ഥാപനങ്ങളില്‍ ഒരു പവനോളം വരുന്ന മുക്കുപണ്ട വള പണയപ്പെടുത്തി പ്രതികള്‍ പണം തട്ടിയെടുത്തിരുന്നു. ഇത് കൂടാതെ വള്ളികീഴ്
ഉള്ള ഒരു ധനകാര്യ സ്ഥാപനത്തില്‍ ഒരു പവനോളം വരുന്ന മുക്കുപണ്ട വളയും മറ്റൊരു
ധനകാര്യ സ്ഥാപനത്തില്‍ 31.5 ഗ്രാമോളം തൂക്കം വരുന്ന മുക്കുപണ്ട ആഭരണങ്ങളും
പണയപ്പെടുത്തി പണം തട്ടിയെടുത്തു.

തുടര്‍ന്ന് ധനകാര്യ സ്ഥാപനത്തിലെ ജീവനക്കാര്‍ പോലീസില്‍ നല്‍കിയ പരാതിയില്‍
കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതികളെ പിടികൂടുകയായി
രുന്നു. രണ്ട് പ്രതികളെ നേരത്തെ പിടികൂടിയിരുന്നു. തുടര്‍ന്നുള്ള അന്വേഷണത്തിലാണ് ഒളിവിലായിരുന്ന പ്രതികളെ ശക്തികുളങ്ങര പോലിസും ഡാന്‍സാഫ് ടീം ചേര്‍ന്ന് കണ്ടെത്തി അറസ്റ്റ് ചെയ്തത്. ശക്തികുളങ്ങര പോലീസ് ഇന്‍സ്‌പെക്ടര്‍ രതീഷിന്റെ നേതൃത്വത്തില്‍ എസ്‌ഐമാരായ രാജേഷ്, ഗോപാലകൃഷ്ണന്‍, പ്രദീപ്, എസ്‌സിപിഒ ബിജു, സിപിഒ അജിത്,
ഡാന്‍സാഫ് ടീം എന്നിവരടങ്ങിയ സംഘമാണ് അറസ്റ്റ് ചെയ്തത്.

ജനവാസ മേഖലയിൽ പുലിയെ കണ്ടതായുള്ള അഭ്യൂഹത്തിൽ ആശങ്കയിലാണ് പവിത്രേശ്വരം ചെറുപൊയ്ക നിവാസികൾ. വെള്ളിയാഴ്ച രാത്രിയോടെയാണ് നാട്ടുകാർ പുലിയെ കണ്ടതായി പറയപ്പെടുന്നത്. ഇതിന്റെ അടിസ്ഥാനത്തിൽ പത്തനാപുരത്ത് നിന്നുള്ള വനപാലകർ സ്ഥലത്ത് എത്തി പരിശോധന നടത്തിയെങ്കിലും പുലിയുടെ സാന്നിധ്യം കണ്ടെത്താൻ കഴിഞ്ഞില്ല. ഇന്നലെ രാവിലെയും വ്യാഴാഴ്ച രാത്രിയും രണ്ടുപേർ പുലിയെ കണ്ടതായി വനപാലകരെ അറിയിച്ചിരുന്നു. ഇന്നലെ രാവിലെ രാവിലെ ടാപ്പിങ്ങിന് പോയ ചെറുപൊയ്ക സ്വദേശി പത്രോസാണ് ആൾത്താമസമില്ലാത്ത വീടിന്റെ സമീപത്തു നിന്നും പുലിയെ പോലൊരു ജീവി ചാടിപ്പോകുന്നത് കണ്ടത്. കഴിഞ്ഞദിവസം രാത്രിയിൽ തന്റെ വീടിന്റെ വശത്തായി പുലി പട്ടിയെ പിടിച്ചുകൊണ്ടു പോകുന്നത് കണ്ടെന്ന് പ്രദേശവാസിയായ രാജശേഖരനും പറഞ്ഞു. ഗ്രാമപഞ്ചായത്ത് അംഗം അറിയിച്ചതിനെ തുടർന്ന് പത്തനാപുരത്തുനിന്ന് എത്തിയ വനപാലകർ പ്രദേശത്ത് പരിശോധന നടത്തുകയായിരുന്നു. പുലിയുടെ സാന്നിധ്യം സ്ഥിരീകരിക്കാൻ വനപാലകർക്ക് സാധിച്ചിട്ടില്ലെങ്കിലും പ്രദേശവാസികൾ വലിയ ജാഗ്രതയിൽ ആണ്. അതേ സമയം വള്ളി പൂച്ച ഇനത്തിൽ ഉള്ള ജീവിയെ ആണ് ആളുകൾ കണ്ടതെന്നും പറയപ്പെടുന്നു. കല്ലടയാറിനോട് ചേർന്ന് കിടക്കുന്ന പ്രദേശത്താണ് ഈ ജീവിയെ കണ്ടതായി പറയപ്പെടുന്നത്.