തിരുവനന്തപുരം. വെള്ളറടയില് മധ്യവയസ്കനെ മരിച്ച നിലയില് കണ്ടെത്തിയ സംഭവത്തില് രണ്ട് മാസത്തിന് ശേഷം പ്രതി പിടിയില്.ബൈക്ക് അപടകടത്തിന് ശേഷം കടന്നുകളഞ്ഞ പ്രതി ആദുല് ദേവ് എന്നയാളെയാണ് പിടികൂടിയത്. നിര്ണായകമായത് അപകടം നടന്നതിന് സമീപത്ത് നിന്നുള്ള സിസിടിവി ദ്യശ്യമാണ്.
സെപ്റ്റംബര് 14 നാണ് തിരുവനന്തപുരം വെള്ളറട ചൂണ്ടിക്കല് സ്വദേശി സുരേഷിനെ വീട്ടില് മരിച്ച നിലയില് കണ്ടെത്തുന്നത്. നാലുദിവസം മുമ്പ് വീടിന് മുന്നില് റോഡ് മുറിച്ചുകടക്കുന്നതിനിടെ ബൈക്ക് ഇടിച്ചുതെറിപ്പിക്കുകയായിരുന്നു. അപകട ശേഷം നിറുത്താതെ പോയ ബൈക്ക് ഓടിച്ച കുടപ്പനമൂട് സ്വദേശി അതുല് ദേവ് ആണ് രണ്ടു മാസങ്ങള്ക്ക് ശേഷം പിടിയിലായത്. ചോദ്യം ചെയ്യലില് പ്രതി കുറ്റം സമ്മതിച്ചു. മരണാനന്തര ചടങ്ങുകളിലും പ്രതി പങ്കെടുത്തിരുന്നെന്നെന്ന് പൊലീസ് പറഞ്ഞു. സുരേഷിന്റെ തലയ്ക്കേറ്റ ക്ഷതമാണ് മരണകാരണമെന്നായിരുന്നു പോസ്റ്റുമോര്ട്ടം റിപ്പോര്ട്ട്. അപകട ശേഷം പരിക്കേറ്റ സുരേഷിനെ ബന്ധു വീട്ടിലാക്കി മടങ്ങിയിരുന്നു. നാലു ദിവസം കഴിഞ്ഞ് പൊലീസ് വീട് പരിശോധിച്ചപ്പോഴാണ് മരിച്ച നിലയില് കണ്ടെത്തിയത് . വെള്ളറട എസ്.എച്ച്.ഒ പ്രസാദിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്
