തിരുവനന്തപുരം. സംസ്ഥാന സർക്കാരിനെ വെട്ടിലാക്കി ഐഎഎസ് തലപ്പത്ത് പോര് മുറുകുന്നു. അഡീഷണൽ ചീഫ് സെക്രട്ടറി എ ജയതിലകും കൃഷി സ്പെഷ്യൽ ഓഫീസർ എൻ പ്രശാന്തും തമ്മിലുള്ള പോരിൽ പരസ്യ വിമർശനവുമായി ഉദ്യോഗസ്ഥർ രംഗത്തെത്തിയിട്ടുണ്ട്. എൻ പ്രശാന്ത് സമൂഹ മാധ്യമത്തിലൂടെയാണ് ജയതിലകിനെതിരെ വിമർശനം കടുപ്പിച്ചത്. അവധി അപേക്ഷയുമായി ബന്ധപ്പെട്ട ജയതിലകിന്റെ റിപ്പോർട്ടാണ് പ്രശാന്തിനെ ചൊടിപ്പിച്ചത്. അതേസമയം അഡീഷണൽ ചീഫ് സെക്രട്ടറിക്കെതിരെ പരസ്യ വിമർശനമുന്നയിച്ച പ്രശാന്തിനെതിരെ ചീഫ് സെക്രട്ടറിതലത്തിൽ നടപടി ഉണ്ടാകുമെന്നാണ് സൂചന. മതഗ്രൂപ്പുവിവാദം ഉണ്ടാക്കിയ ആക്ഷേപം ചെറുതല്ല.

ഭരണം കുത്തഴിഞ്ഞ തരത്തിലാണ് എന്നും ഉദ്യോഗസ്ഥർ മന്ത്രിമാർ പറഞ്ഞാൽ കേൾക്കുന്നില്ലെന്നും കോണ്‍ഗ്രസ് നേതാവ് രമേശ് ചെന്നിത്തല വിമര്‍ശിച്ചു. ഒരു ഗവൺമെന്റിന്റെ കാലത്തും കാണാത്ത കാര്യങ്ങളാണ് കണ്ടുകൊണ്ടിരിക്കുന്നത്. ഉദ്യോഗസ്ഥരെ നിയന്ത്രിച്ച് ജനകീയ താൽപര്യങ്ങൾക്കനുസരിച്ച് പ്രവർത്തിക്കാനാകണം.. അത് നഷ്ടപ്പെട്ടു. മുഖ്യമന്ത്രിക്ക് ഉദ്യോഗസ്ഥലത്തിൽ സ്വാധീനമില്ല
അതാണ് ഇപ്പോൾ കണ്ടുകൊണ്ടിരിക്കുന്നത്.

മന്ത്രിമാർക്ക് ജനകീയ പ്രശ്നങ്ങളെ ഇടപെടാൻ കഴിയുന്നില്ലെന്നും ചെന്നിത്തല വിമര്‍ശിച്ചു.

തിരുവനന്തപുരം.ഐഎഎസ് തലപ്പത്തെ അവധി വിവാത്തില്‍ എൻ.പ്രശാന്തിന് പിന്തുണയുമായി ജോയിന്റ് കൗൺസിൽ

‘അവധിയുമായി ബന്ധപ്പെട്ട പ്രശ്നങ്ങൾ ഗൗരവമല്ല”എന്നും ‘IAS ഉദ്യോഗസ്ഥർ എല്ലാ ദിവസവും രാവിലെ വന്നു ഒപ്പിടണം എന്ന് പറയുന്നത് ശരിയായ രീതിയല്ല”എന്നും സംസ്ഥാന ജനറല്‍ സെക്രട്ടറി ജയചന്ദ്രൻ കല്ലിംഗൽ പറയുന്നു. “എല്ലാ ദിവസവും ഒരിടത്തു ഇരുന്നു ഒപ്പിട്ടാൽ വിമർശിക്കാം””നിയമം എല്ലാവർക്കും ഒരുപോലെ ആയിരിക്കണമെന്നും ജോയിന്റ് കൗൺസിൽ” പറഞ്ഞു. IAS ഉദ്യോഗസ്ഥർ തമ്മിൽ നടക്കുന്നത് എപ്പോൾ വേണമെങ്കിലും സെറ്റിൽ ചെയ്യാൻ കഴിയുന്ന പോര്. ഒരുപാടു വൈകാതെ ഇപ്പോഴത്തെ പോര് സെറ്റിൽ ചെയ്യും. ബ്യൂറോക്രസി ജനാധിപത്യ സംവിധാനത്തെ
കവച്ചു വെയ്ക്കുക്കയാണ്. പൊതു വേദിയിലെ വിഴുപ്പലക്കൽ ജനാധിപത്യ സംവിധാനത്തിന് ഭൂഷണമല്ല. ജയചന്ദ്രൻ കല്ലിംഗൽ സർക്കാർ അടിയന്തിരമായി നിയന്ത്രിക്കണം. ജനങ്ങൾക്കുള്ള വിശ്വാസം തകരുന്ന സാഹചര്യം ഉണ്ടാക്കരുത്. ചില IAS ഉദ്യോഗസ്ഥർ ഇല്ലെങ്കിൽ സംവിധാനം തകരുമെന്നു കരുതുന്നത് തെറ്റായ ധാരണയാണ്. ഉദ്യോഗസ്ഥ ഭരണത്തിലേക്ക് പോകാൻ സർക്കാർ അനുവദിക്കില്ലെന്നും ജോയിന്റ് കൗൺസിൽ സെക്രട്ടറി പ്രത്യാശിച്ചു.