കോഴിക്കോട്. സ്വകാര്യ ബസ് പെർമിറ്റ് ; ഹൈക്കോടതി സിംഗിൾ ബെഞ്ച് വിധിക്കെതിരെ ഗതാഗത വകുപ്പ് അപ്പീൽ പോയേക്കും. ഗതാഗത മന്ത്രിയുടെ നേതൃത്വത്തിൽ ഇന്ന് നിർണായക യോഗം. രാവിലെ 11 ന് ചേരുന്ന യോഗത്തിൽ അപ്പീൽ സാധ്യത പരിശോധിക്കും
140 കിലോമീറ്റർ മുകളിൽ സ്വകാര്യ ബസുകൾക്ക് പെർമിറ്റ് ഹൈക്കോടതി പുനഃസ്ഥാപിച്ചിരുന്നു
ജമ്മു കശ്മീരിലെ കിഷ്ത്വറിൽ ഭീകരർക്ക് വേണ്ടിയുള്ള തെരച്ചിൽ ഊർജിതം. ജമ്മു കശ്മീർ പോലീസിന്റെ യും സൈന്യത്തിന്റെയും സംയുക്ത സംഘമാണ് തെരച്ചിൽ നടത്തുന്നത്.രണ്ടു വില്ലേജ് ഡിഫൻസ് ഗാർഡുകളെ കൊലപ്പെടുത്തിയ ഭീകരർ പ്രദേശത്ത് ഒളിച്ചിരിക്കുന്നുണ്ടെന്നാണ് സൈന്യത്തിനു ലഭിച്ച രഹസ്യ വിവരം.കഴിഞ്ഞ ദിവസം ഭീകരരുമായി നടന്ന ഏറ്റുമുട്ടൽ ഒരു സൈനിക കമാന്റോ വീരമൃത്യു വരിച്ചു. നായിബ് സുബേദാർ രാകേഷ് കുമാറാണ് വീരമൃത്യു വരിച്ചത്. മൂന്ന് സൈനികർക്ക് പരിക്കേറ്റു. പരിക്കേറ്റ സൈനികരുടെ നില തൃപ്തി കരമെന്ന് സൈന്യം അറിയിച്ചു.
കൊല്ലം .കല്ലുംതാഴം സ്വദേശിയായ 4 വയസ്സുകാരനെ അമ്മ സ്പൂൺ ചൂടാക്കി പൊള്ളിച്ചു. രണ്ട് ദിവസം മുമ്പായിരുന്നു സംഭവം .പണം എടുത്തെന്ന് ആരോപിച്ചായിരുന്നു അമ്മയുടെ ക്രൂരത. സമീപത്തെ ഫാക്ടറിയിൽ ജോലി ചെയ്യുന്ന തൊഴിലാളികളാണ് വിഷയം പുറം ലോകത്ത് എത്തിച്ചത്. ചൈൽഡ് ലൈനിൻ്റെ പരാതിയിൽ കേസെടുത്ത് അമ്മയ്ക്ക് എതിരെ കിളികൊല്ലൂർ പോലീസ്. ജുവനൈൽ ജസ്റ്റിസ് ആക്ട് ,ഭാരതീയ ന്യായസംഹിത 118 (1 ) എന്നീ വകുപ്പുകൾ പ്രകാരമാണ് കേസ്.
മിഠായി വാങ്ങാൻ നാണയത്തുട്ടുകൾ എടുത്തെന്ന് ആരോപിച്ചായിരുന്നു അമ്മയുടെ ശിക്ഷാ നടപടി.
സമീപത്തെ ഫാക്ടറിയിൽ ജോലി ചെയ്യുന്ന തൊഴിലാളികളാണ് വിഷയം ചൈൽഡ് ലൈനെ അറിയിച്ചത്.കുട്ടിയെ ഇന്ന് പോലീസ്ചൈൽഡ് ലൈന് കൈമാറും. പെട്ടെന്നുണ്ടായ ദേഷ്യത്തിലാണ് താൻ ഇത് ചെയ്തതെന്നാണ് അമ്മയുടെ വിശദീകരണം.
.REPRESENTATIONAL IMAGE
ആവേശം നിറഞ്ഞ ഉപതിരഞ്ഞെടുപ്പ് പ്രചാരണത്തിന് ഒടുവില് രണ്ട് മണ്ഡലങ്ങളിലെ കൊട്ടിക്കലാശം ഇന്ന്. വയനാട് ലോക്സഭാ, ചേലക്കര നിമയസഭാ തിരഞ്ഞെടുപ്പുകളുടെ പ്രചാരണമാണ് ഇന്ന് അവസാനിക്കുക.
നാളെ നിശബ്ദ പ്രചാരണം. 13നാണ് വോട്ടെടുപ്പ്. മൂന്ന് മുന്നണികളും അവസാന ഘട്ട പ്രചാരണം ആവേശമാക്കുന്ന കാഴ്ചയായിരുന്നു കഴിഞ്ഞ ദിവസം മണ്ഡലങ്ങളില് കണ്ടത്. കല്പ്പാത്തി രഥോത്സവം പ്രമാണിച്ച് തിരഞ്ഞെടുപ്പ് 20ാം തീയതിയിലേക്ക് മാറ്റിയതിനാല് പാലക്കാട് കൊട്ടിക്കലാശം 18-നാണ് നടക്കുക.
യുഡിഎഫിന്റെ ആവേശം വാനോളം എത്തിക്കാന് സ്ഥാനാര്ത്ഥി പ്രിയങ്ക ഗാന്ധിയും ലോക്സഭ പ്രതിപക്ഷ നേതാവ് രാഹുല് ഗാന്ധിയും ഇന്ന് വയനാട്ടില് ഉണ്ടാകും. ഇന്ന് രാവിലെ 10:15 ന് അസംപ്ഷന് ജംഗ്ഷന് മുന്നില് നിന്നും ചുങ്കം ജംഗ്ഷന് വരെയും, വൈകുന്നേരം മൂന്നിന് തിരുവമ്പാടി നിയോജക മണ്ഡലത്തിലെ തിരുവമ്പാടി ഗ്രാമപഞ്ചായത്ത് പരിസരത്ത് നിന്ന് ബസ് സ്റ്റാന്ഡിലേക്കും പ്രിയങ്ക ഗാന്ധിയും രാഹുല് ഗാന്ധിയും റോഡ് ഷോ നടത്തും. ആയിരക്കണക്കിന് പ്രവര്ത്തകരെ അണിനിരത്തി കൊട്ടിക്കലാശം ആവേശമാക്കാനാണ് മുന്നണികളുടെ ശ്രമം.
എല്ഡിഎഫ് സ്ഥാനാര്ഥി സത്യന് മൊകേരി രാവിലെ 10 മണിക്ക് സുല്ത്താന് ബത്തേരി സെന്റ്മേരിസ് കോളേജില് എത്തും. വൈകീട്ട് 3 മണിക്ക് കല്പ്പറ്റയില് വെച്ചാണ് എല്ഡിഎഫ് കൊട്ടിക്കലാശം. കൃഷി വകുപ്പ് മന്ത്രി പി പ്രസാദ് പങ്കെടുക്കും.
എന്ഡിഎ സ്ഥാനാര്ഥി നവ്യ ഹരിദാസ് ഇന്ന് റോഡ് ഷോയില് പങ്കെടുക്കും. കല്പ്പറ്റ, മാനന്തവാടി, സുല്ത്താന് ബത്തേരി നിയോജക മണ്ഡലങ്ങളിലാണ് എന്ഡിഎ സ്ഥാനാര്ത്ഥിയുടെ റോഡ് ഷോ. ശേഷം ബത്തേരി ടൗണില് നടക്കുന്ന കലാശക്കൊട്ടിലും നവ്യ ഹരിദാസ് പങ്കെടുക്കും.
ചേലക്കരയിലും മൂന്നു മുന്നണികളും ശക്തമായ പ്രചരണത്തിൽ ആണ്. ചേലക്കരയില് എല്ഡിഎഫിനായി യു ആര് പ്രദീപും യുഡിഎഫിനായി രമ്യ ഹരിദാസും എന്ഡിഎയ്ക്കായി കെ ബാലകൃഷ്ണനുമാണ് മത്സരരംഗത്തുള്ളത്.
പല്ലിലെ മഞ്ഞ നിറം നിരവധിപേര് നേരിടുന്ന പ്രശ്നമാണ്. പല്ലുകളുടെ നിറം മാറുന്നതിന് വീട്ടില് പരീക്ഷിക്കാവുന്ന പ്രതിവിധിയെന്താണെന്നും നോക്കാം…
കാരറ്റ്
പല്ലുകളുടെ സൗന്ദര്യം വര്ധിപ്പിക്കാന് കാരറ്റ് സഹായിക്കും. കാരറ്റ് കഷ്ണങ്ങളാക്കി അരിഞ്ഞതിന് ശേഷം അരച്ച് അതിന്റെ നീരെടുത്ത് പല്ല് തേക്കുന്നത് നല്ലതാണ്. ആഴ്ചയില് രണ്ടു തവണ ഇങ്ങനെ ചെയ്യാം.
ഉപ്പ്
ഉപ്പ് പല്ലിന്റെ മഞ്ഞനിറം മാറ്റുന്നതിന് ഏറെ ഗുണം ചെയ്യുന്ന ഒന്നാണ്. ടൂത്ത് പേസ്റ്റ് ഉപയോഗിച്ച് പല്ല് തേച്ച് കഴിഞ്ഞതിന് ശേഷം ഒരല്പ്പം ഉപ്പ് എടുത്ത് പല്ല് തേക്കുന്നത് നല്ലതാണ്. ഉപ്പ് ടൂത്ത് പേസ്റ്റിനൊപ്പവും ഉപയോഗിക്കാം.
പഴത്തൊലി
പഴത്തൊലി ഉപയോഗിച്ച് പല്ലുകളില് നന്നായി ഉരസുക. ദിവസവും രണ്ട് നേരം ഇങ്ങനെ ചെയ്യുന്നത് നല്ലതാണ്. ഓറഞ്ചിന്റെ തൊലി പല്ലുകളില് ഉരസുന്നതും നല്ലതാണ്.
മഞ്ഞള് പൊടി
മഞ്ഞള് പൊടിയില് ഉപ്പും നാരങ്ങാനീരും യോജിപ്പിച്ച് പേസ്റ്റ് രൂപത്തിലാക്കിയതിന് ശേഷം പല്ലു തേക്കാം. ദിവസവും രണ്ട് നേരം ഈ മിശ്രിതം കൊണ്ട് പല്ലു തേക്കുന്നത് ഫലപ്രദമാണ്.
തുളസിയില
പല്ലിലെ മഞ്ഞക്കറ കളയാന് സഹായിക്കുന്ന മികച്ച മാര്ഗമാണ് തുളസിയില. തുളസിയില കഴുകി ഉണക്കിയതിന് ശേഷം പൊടിക്കുക. ഈ പൊടി ഉപയോഗിച്ച് പല്ല് തേക്കുന്നത് നല്ലതാണ്. തുളസിയില പൊടിച്ചതില് കടുകെണ്ണ ചേര്ത്ത് ഉപയോഗിക്കുന്നതും നല്ലതാണ്.
കൊച്ചി. എറണാകുളം വിദ്യാഭ്യാസ ജില്ലയിലെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധി. സ്കൂള്കായിക മേളയുടെ സമാപനത്തോടനുബന്ധിച്ചാണ് പ്രീപ്രൈമറിമുതല് ഹയര്സെക്കന്ഡറി വരെയുള്ള വിദ്യാര്ഥികള്ക്ക് അവധിപ്രഖ്യാപിച്ചത്. അവധി സംബന്ധിച്ച അറിയിപ്പ് അധികൃതര് അറിയിച്ചതിലും ആശയക്കുഴപ്പമുണ്ടായി. സമൂഹമാധ്യമങ്ങളില് നേരത്തേതന്നെ പ്രചരണം നടന്നിരുന്നു. എന്നാല് ജില്ലാ കലക്ടര് ചാനലുകളില് നേരിട്ട് നാളെ അവധിയില്ലെന്ന് അറി/ിച്ചു. എന്നാല് പിന്നീട് പത്രക്കുറിപ്പിലൂടെ അവധിയുണ്ടെന്ന് അറിയിക്കുകയായിരുന്നു.
തിരുവനന്തപുരം. താന് വിസില് ബ്ലോവറാണെന്ന് പറഞ്ഞുകൊണ്ട് തുടര്ച്ചയായ മൂന്നാം ദിവസവും സോഷ്യല് മീഡിയയിലൂടെ അഡീഷ്ണല് ചീഫ് സെക്രട്ടറി എ ജയതിലകിനെതിരെ ആരോപണങ്ങള് തുടര്ന്ന് എന് പ്രശാന്ത് ഐഎഎസ് . ഇഷ്ടത്തിന് അനുസരിച്ച് പ്രവര്ത്തിക്കാത്ത സത്യസന്ധരായ ഉദ്യോഗസ്ഥരുടെ കരിയര് നശിപ്പിച്ച ആളാണെ് ജയതിലകെന്നാണ് പ്രശാന്തിന്റെ പുതിയ ആരോപണം. ഇതിനിടെ മുന്മന്ത്രി മേഴ്സിക്കുട്ടിയമ്മയെ പരിഹസിച്ചും എന് പ്രശാന്ത് സോഷ്യല്മീഡിയയില് പ്രതികരിച്ചു. വഞ്ചനയുടെ പര്യായമാണ് എന് പ്രശാന്തെന്നായിരുന്നു മുന് മന്ത്രി ജെ മേഴ്സിക്കുട്ടിയമ്മയുടെ പ്രതികരണം. ഇതിനിടെ ചീഫ്സെക്രട്ടറിയും, ഐഎഎസ് അസോസിയേഷനും മൗനം തുടരുകയാണ്.
അഡീഷണല് ചീഫ് സെക്രട്ടറി എ ജയതിലകിനെ അധിക്ഷേപിച്ചും, വിമര്ശിച്ചും, ആരോപണങ്ങള് ഉന്നയിച്ചുമുള്ള എന് പ്രശാന്തിന്റെ സോഷ്യല്മീഡിയയില് പോസ്റ്റ് തുടരുകയാണ്. കഴിഞ്ഞ ദിവസങ്ങളില് ഉയര്ന്ന വിമര്ശനങ്ങള്ക്ക് എല്ലാം മറുപടി പറഞ്ഞുകൊണ്ടാണ് ഇന്നത്തെ പോസ്റ്റ് ആരംഭിക്കുന്നത്. എ ജയതിലക് തനിക്കെതിരെ വ്യാജരേഖ ചമക്കുകയും, ഗൂഡാലോചന നടത്തുകയും ചെയ്തു. തനിക്കെതിരെ നടത്തുന്നത് വ്യാജ ആരോപണങ്ങള്. താല്പര്യപ്പെടുന്ന രീതിയില് ഫയല് എഴുതാനോ, നോട്ടോ, റിപ്പോര്ട്ടോ നല്കാന് തയ്യാറാകാത്ത സത്യസന്ധരായ ഉദ്യോഗസ്ഥരുടെ കരിയറും, ജീവിതവും നശിപ്പിച്ച ആളാണ് ജയതിലകെന്നും എന് പ്രശാന്ത് തുറന്നടിച്ചു. താന് വിസില് ബ്ലോവറാണെന്നും എന് പ്രശാന്ത് സ്വയം ന്യായികരിച്ചു. പോസ്റ്റില് മേഴ്സിക്കുട്ടിയമ്മയ്ക്ക് മറുപടി പറയുമോ എന്ന കമ്മന്റി് അതാരാണെന്നായിരുന്നു പ്രശാന്തിന്റെ മറുചോദ്യം. ഇതിനിടെ എന് പ്രശാന്തിനെതിരെ രൂക്ഷ വിമര്ശനവുമായി മുന്മന്ത്രി ജെ മേഴ്സിക്കുട്ടിയമ്മയും രംഗത്തെത്തി. രാഷ്ട്രീയ ഗൂഡാലോചന നടത്തുന്ന വില്ലന്റെ റോളാണ് പ്രശാന്തിന്. രമേശ് ചെന്നിത്തലയുമായി ചേര്ന്ന് തനിക്ക് എതിരെ ഗൂഡാലോചന നടത്തിയെന്നും മേഴ്സിക്കുട്ടിയമ്മ
ഒരു സര്ക്കാര് കാലത്തും കാണാത്ത കാര്യങ്ങളാണ് ഇപ്പോള് നടക്കുന്നത്, മുഖ്യമന്ത്രിയ്ക്ക് ഉദ്യോഗസ്ഥ തലത്തില് സ്വാധീനമില്ലെന്നും മുന് പ്രതിപക്ഷ നേതാവ് രമേശ് ചെന്നിത്തല
കോഴിക്കോട് കളക്ടര് ആയിരിക്കെ ഫണ്ട് തിരുമറി നടത്തിയത് കണ്ടെത്തിയ ധനവകുപ്പ് ഉദ്യോഗസ്ഥനെ എന് പ്രശാന്ത് ഭീക്ഷണിപ്പെടുത്തിയെന്ന ആരോപണവുമായി മുന് ധനമന്ത്രി തോമസ് ഐസക്കിന്റെ അഡീഷണല് പ്രൈവറ്റ് സെക്രട്ടറി ഗോപകുമാര് മുകുന്ദനും രംഗത്തെത്തി. ഐഎഎസ് ഉദ്യോഗസ്ഥരുടെ തമ്മിലടിയില് സര്ക്കാര് ഇടപെടണമെന്ന് സിപിഐ സര്വ്വീസ് സംഘടനയായ ജോയിന്റ് കൗണ്സിലും ആവശ്യപ്പെട്ടു. എന് പ്രശാന്ത് അനധികൃത ലീവ് എടുത്തതായി കാണിച്ച് എ ജയതിലക് സര്ക്കാരിന് റിപ്പോര്ട്ട് സമര്പ്പിച്ചതായിരുന്നു എന് പ്രശാന്തിനെ പ്രകോപിപ്പിച്ചത്. അതേസമയം വിഷയത്തില് ചീഫ് സെക്രട്ടറി വിശദീകരണം തേടുമെന്ന് അറിയിച്ചിട്ടുണ്ട്. ഐഎഎസ് അസോസിയേഷന് മൗനം തുടരുകയാണ്.
ആലപ്പുഴ. തകഴിയില് വച്ച് അബദ്ധത്തില് എലിവിഷം കഴിച്ചു മരണപ്പെട്ട മണിക്കുട്ടിയുടെ മൃതദേഹം പിതാവിന്റെ നാടായ ശാസ്താംകോട്ടയില് സംസ്കരിച്ചു. തകഴി കല്ലേപ്പുറത്ത് തമ്പിയുടെ മകള് മണിക്കുട്ടി(15)യാണ് മരിച്ചത്. കുട്ടിയുടെ മുത്തശ്ശിക്ക് റാബിസ് വാക്സിനെടുത്ത ശേഷം ചലനശേഷി നഷ്ട്ടപ്പെട്ടിരുന്നു. ഇവരുടെ ചികിത്സയ്ക്കായി അമ്മയും അച്ഛനും ആശുപത്രിയിൽ പോയ സമയത്താണ് സംഭവം.
വീട്ടിൽ എലിയുടെ ശല്യത്തെ തുടർന്ന് തേങ്ങാപ്പൂളിൽ വിഷം ചേർത്ത് വച്ചിരുന്നു. വൈകിട്ട് സ്കൂൾ വിട്ടുവന്ന കുട്ടി ഇതറിയാതെ എടുത്തു കഴിച്ചതാണെന്ന് ബന്ധുക്കൾ പറയുന്നു. വിഷം ഉള്ളിൽ ചെന്നത് അറിയാതിരുന്ന കുട്ടിക്ക് പിന്നീട് ദേഹാസ്വാസ്ഥ്യം തോന്നിയതോടെയാണ് വണ്ടാനം മെഡിക്കൽ കോളേജിൽ പ്രവേശിപ്പിച്ചത്.. ഇവിടെ നിന്നും വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജിലേക്ക് മാറ്റിയിരുന്നു. ഇന്നലെ രാത്രിയാണ് മരണം..
കഴിഞ്ഞ 21നാണ് ആലപ്പുഴ വണ്ടാനം മെഡിക്കൽ കോളേജിൽ നിന്നും റാബിസ് വാക്സിൻ എടുത്ത മണിക്കുട്ടിയുടെ മുത്തശ്ശിക്ക് ചലനശേഷി നഷ്ടപ്പെട്ടത്. മണിക്കുട്ടിയുടെ മുത്തശ്ശിയും കോട്ടയം മെഡിക്കൽ കോളേജിൽ ചികിത്സയിൽ കഴിയുകയായിരുന്നു.
പോസ്റ്റുമോട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകി. മണിക്കുട്ടിയുടെ പിതാവ് തമ്പിയുടെ നാടായ കൊല്ലം ശാസ്താംകോട്ട വേങ്ങയില് ഒരിച്ചോലില് വൈകിട്ട് എത്തിച്ച മൃതദേഹം സംസ്കരിച്ചു.
വയനാട്, തൃശൂര്. തെരഞ്ഞെടുപ്പ് പ്രചാരണ ആവേശം പാരമ്യത്തിലെത്തിയ ചേലക്കര നിയമസഭാ മണ്ഡലത്തിലും വയനാട് ലോക്സഭാ മണ്ഡലത്തിലും നാളെ കൊട്ടിക്കലാശം. വൈകിട്ട് അഞ്ചിന് പരസ്യപ്രചാരണം അവസാനിക്കും.
13നാണ് തെരഞ്ഞെടുപ്പ്. ഉപതെരഞ്ഞെടുപ്പ് 20ലേക്ക് നീട്ടിയ പാലക്കാട്ട് 18നാണ് കൊട്ടിക്കലാശം.
ഒരു മാസത്തോളം നീണ്ട പരസ്യപ്രചാരണം. അപ്രതീക്ഷിത വിവാദങ്ങളും വികസന പ്രശ്നങ്ങളും ആറാടിയ പ്രചാരണകാലത്തിനാണ് നാളെ അവസാനമാവുക. കൊണ്ടും കൊടുത്തും മുന്നണികൾ മുന്നേറുകയാണ്.
ചേലക്കര കൈമോശം വരാതിരിക്കാൻ ഇടതുമുന്നണി ഇടവേളകളില്ലാത്ത ഓടുന്നു.
അവസാന ലാപ്പിൽ എൽഡിഎഫിന് ആവേശം പകരാൻ മുഖ്യമന്ത്രിയും
യുഡഎഫ് പ്രതീക്ഷകൾക്ക് കരുത്തു പകരാൻ പ്രതിപക്ഷ നേതാവും മണ്ഡലത്തിലുണ്ട്.
മുതിർന്ന ബിജെപി നേതാക്കളും ചേലക്കരയിൽ പ്രചാരണത്തിനെത്തും. പഞ്ചായത്ത് തലത്തിൽ ശക്തിപ്രകടനങ്ങൾ അടക്കം ആസൂത്രണം ചെയ്താണ് ബിജെപി കൊട്ടിക്കലാശത്തിന് തയ്യാറെടുക്കുന്നത്.
വയനാട്ടിൽ പ്രിയങ്ക ഗാന്ധി സൃഷ്ടിച്ചത് പുതുതരംഗം.
കൊട്ടിക്കലാശത്തിന് ആവേശം പകരാൻ രാഹുൽ ഗാന്ധിയും നേരിട്ടെത്തും.
എൽഡിഎഫ് സ്ഥാനാർത്ഥി സത്യൻ മൊകേരിയും എൻഡിഎ സ്ഥാനാർത്ഥി നവ്യ ഹരിദാസും
ഇന്നും പ്രചരണ രംഗത്ത് സജീവമായിരുന്നു.
ഇരു മണ്ഡലങ്ങളിലും കൊട്ടിക്കലാശം പൊടിപൂരമാക്കാനാണ് മുന്നണികൾ കോപ്പുകൂട്ടുന്നത്
പെരുമ്പാവൂരില് ഭാര്യയെ കുത്തിക്കൊന്ന ശേഷം ഭര്ത്താവ് വിഷം കഴിച്ച് ജീവനൊടുക്കാന് ശ്രമിച്ചു. അസം സ്വദേശിനിയായ ഫരീദാ ബീഗമാണ് കൊല്ലപ്പെട്ടത്. ഭര്ത്താവ് മൊഹര് അലിയെ പൊലീസ് അറസ്റ്റു ചെയ്തു.
ഫരീദയെ കുത്തിക്കൊന്ന ശേഷം മൊഹര് അലി സ്വയം കുത്തിപ്പരുക്കേല്പ്പിച്ചു. തുടര്ന്നു വിഷം കഴിക്കുകയായിരുന്നു. ഇയാളെ ആശുപത്രിയില് പ്രവേശിപ്പിച്ചിരിക്കുകയാണ്.
