ശാസ്താംകോട്ട:താലൂക്ക് ആശുപത്രിയിൽ ഒ.പി.ടിക്കറ്റ് 10 രൂപയായ് വദ്ധിപ്പിച്ചത് പ്രതിഷേധാർഹമാണെന്നും അടിയന്തിരമായി പിൻവലിക്കണമെന്നും
ആർവൈഎഫ് ജില്ലാ സെക്രട്ടറി സുഭാഷ് എസ് കല്ലട ആവശ്യപ്പെട്ടു.കുന്നത്തൂർ താലൂക്കിലെ സാധാരണക്കാരുടെ ഏക ആശ്രയകേന്ദ്രമാണ് ശാസ്താംകോട്ടയിലേത്.അത്യാഹിത വിഭാഗത്തിലെ വർദ്ധനവ് ദിവസവും പ്രതിഷേധങ്ങൾക്ക് ഇടയാകുകയാണ്.കുട്ടികളുടെ അടക്കം ചികിൽസ സൗജന്യം ആയിരിക്കെ രക്ത പരിശോധനയ്ക്ക് അടക്കം പണം ഈടാക്കുന്നു.ടിക്കറ്റ് നിരക്ക് പിൻവലിച്ചില്ലെങ്കിൽ ശക്തമായ സമരപരിപാടി ആരംഭിക്കുമെന്നും അദ്ദേഹം മുന്നറിയിപ്പ് നൽകി.

ശാസ്താംകോട്ട. പ്രകൃതിദത്തമല്ലാതെയും അശാസ്ത്രീയമായും രാഷ്ട്രീയ പ്രേരിതവുമായ കുന്നത്തൂർ നിയോജക മണ്ഡലത്തിലെപഞ്ചായത്ത് വാർഡ് വിഭജനം പുന:പരിശോധിക്കണമെന്ന് കോൺഗ്രസ്സ് ശാസ്താംകോട്ട ബ്ലോക്ക് കമ്മിറ്റി അധികാരികളോട് ആവശ്യപ്പെട്ടു. ബി.ജെ.പി, എസ്.ഡി.പി.ഐ കക്ഷികൾ ജയിച്ചാലും സി.പി.ഐ, കോൺഗ്രസ്സ്, മുസ്ലിം ലീഗ്, ആർ.എസ്.പി, കേരള കോൺഗ്രസ്സ് കക്ഷികൾജയിക്കരുതെന്ന മനോഭാവത്തിൽ സി.പി.ഐ (എം) മാത്രം ജയിച്ചാൽ മതി എന്ന രീതിയിലാണ് വാർഡ് വിഭജന കരട് പ്രസിദ്ധീകരിച്ചിരുക്കുന്നത്.

കുന്നത്തൂർ താലൂക്കിന്റെ വാണിജ്യ തലസ്ഥാനമായ ഭരണിക്കാവിനെ തലങ്ങും വിലങ്ങും വെട്ടി മുറിച്ചിരിക്കുകയാണ്. മിക്ക പഞ്ചായത്തുകളിലും വീടെണ്ണം പെരുപ്പിച്ചും അതിർത്തികൾ പ്രകൃതിദത്തമല്ലാതെയും വിഭജിച്ചിരിക്കുന്നത്. സി.പി.ഐ (എം) അനുഭാവികളായ ഉദ്യോഗസ്ഥരാണ് ഇതിന് പിന്നിലെന്നും സി.പി.ഐ (എം) നിർദ്ദേശമനുസരിച്ചാണ് വിഭജനമെന്നും കോൺഗ്രസ്സ് ആരോപിച്ചു. ഇതിനെതിരെ പഞ്ചായത്ത് ആഫീസിന് മുന്നിൽകഴിഞ്ഞ ദിവസങ്ങളിൽ പ്രതിഷേധ ധർണ്ണ നടത്തിയിരുന്നു.
സംസ്ഥാന, ജില്ലാ ഡിലിമിറ്റേഷൻ കമ്മീഷൻ മുമ്പാകെ തെളിവ് സഹിതംപരാതി സമർപ്പിച്ചിട്ടുണ്ട്. നീതിപൂർവ്വംഡി ലിമിറ്റേഷൻ ഉദ്യോഗസ്ഥർ പ്രവർത്തിച്ചങ്കിൽ കോടതിയെ സമീപിക്കുവാനുമാണ് തീരുമാനം.
ബ്ലോക്ക് പ്രസിഡന്റ് വൈ.ഷാജഹാൻ അദ്ധ്യക്ഷത വഹിച്ചു. കെ.പി.സി.സി അംഗം എം.വി.ശശികുമാരൻ നായർ, ഡി.സി.സി ജനറൽ സെക്രട്ടറിമാരയ കാരുവളളിൽശശി, കാഞ്ഞിരവിള അജയകുമാർ , തോമസ് വൈദ്യൻ, കല്ലട ഗിരീഷ്, ബി.ത്രിദീപ് കുമാർ ,മുൻബ്ലോക്ക് പ്രസിഡന്റ് തുണ്ടിൽനൗഷാദ്, യു.ഡി.എഫ് നിയോജക മണ്ഡലം ചെയർമാൻ ഗോകുലം അനിൽ,പഞ്ചായത്ത് രാജ് സംഘതൻ ജില്ലാ പ്രസിഡന്റ് ശൂരനാട് .എസ് . സുഭാഷ്, മണ്ഡലം പ്രസിഡന്റ് മാരായ പി.എം. സെയ്ദ് , വർഗ്ഗീസ് തരകൻ, എം.വൈ.നിസാർ,ഗോപൻപെരുവേലിക്കര, കടപുഴ മാധവൻ പിള്ള ,വിനോദ് വില്ല്യത്ത്, രാജു ലോറൻസ് ,ഷിബു മൺറോ ,പഞ്ചായത്ത്പ്രസിഡന്റ് കെ.ജി. ലാലി, വൈസ് പ്രസിഡന്റ് ബി.സേതു ലക്ഷ്മി, മുൻ പഞ്ചായത്ത് പ്രസിഡന്റ് മാരായ മായാദേവി, ഉമാദേവി പിള്ള ,നേതാക്കളായ എസ്. രഘുകുമാർ ,ആർ. അരവിന്ദാക്ഷൻപിള്ള, വിദ്യാരംഭംജയകുമാർ , എൻ.സോമൻപിള്ള,സിജു കോശി വൈദ്യൻ, ജോൺ പോൾ സ്റ്റഫ്, സുബ്രമണ്യൻ, കിഷോർ കല്ലട, ജയശ്രീ രമണൻ ,മഠത്തിൽ .ഐ. സുബൈർ കുട്ടി.എം. എസ്.വിനോദ്, ടി.ജി. എസ്. തരകൻ, സുരേഷ് പുത്തൻ മഠത്തിൽ,ടി.എ.റംലാ ബീവി,റഷീദ് ശാസ്താംകോട്ട,റിയാസ് പറമ്പിൽ , തടത്തിൽ സലിം, എസ്. ഷീജ കുമാരി , സാവിത്രി സുകുമാരൻ ,ഗീവർഗ്ഗീസ്, അബ്ദുൽ സലാം പോരുവഴി , കുന്നിൽ ജയകുമാർ , ഷാജി ചിറക്കുമേൽ ,ഷിഹാബ് മുല്ലപ്പള്ളി, പി.ആർ. ഹരിമോഹനൻ , കെ.പി. അൻസർ തുടങ്ങിയവർ പ്രസംഗിച്ചു