Advertisement
മൈസൂരു. സരഗൂരിൽ വീണ്ടും കടുവാക്രമണം. നുഗു വന്യജീവി സങ്കേതത്തിന് സമീപം കർഷകൻ കൊല്ലപ്പെട്ടു. കഴിഞ്ഞ ഒരു മാസത്തിനിടെ നാലാമത്തെ കടുവാക്രമണമാണിത്.
നുഗു വന്യജീവി സങ്കേതത്തിന് സമീപം വയലിൽ ജോലി ചെയ്യുന്നതിനിടെയാണ് കർഷകനെ കടുവ ആക്രമിച്ചത്. മൃതദേഹം തലയും തുടയുടെ ഭാഗവും ഭക്ഷിച്ച നിലയിലാണ് കണ്ടെത്തിയത്. ഈ മാസം സംഭവിച്ചത് നാലു കടുവാക്രമണങ്ങൾ, മൂന്നു പേർ കൊല്ലപ്പെട്ടു, ഒരാളുടെ കാഴ്ച നഷ്ടപ്പെട്ടു. ഇതോടെ പ്രദേശവാസികൾ ഭീതിയിലായിരിക്കുകയാണ്. കടുവയുടെ ഭീഷണി കാരണം കർഷകർ വയലുകളിൽ പോകാൻ പോലും ഭയപ്പെടുന്നു.
വനവകുപ്പ് സംഭവസ്ഥലത്ത് പരിശോധന നടത്തി. കടുവ നരഭോജിഎന്ന് ഇതുവരെ സ്ഥിരീകരിച്ചിട്ടില്ലെന്ന് അധികൃതർ വ്യക്തമാക്കി.
Advertisement
