ശാസ്താംകോട്ട:പിണറായി സർക്കാരിന്റെ ജനദ്രോഹനയത്തിനും,അവകാശ നിഷേധത്തിനുമെതിരെ കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ സംസ്ഥാന നേതാക്കൾ നേതൃത്വം നൽകുന്ന ദക്ഷിണമേഖല ജീവിത സമര യാത്രയ്ക്ക് പെൻഷനേഴ്സ് അസോസിയേഷൻ കുന്നത്തൂർ നിയോജകമണ്ഡലം കമ്മിറ്റിയുടെ നേതൃത്വത്തിൽ ശാസ്താംകോട്ട ടൗണിൽ സ്വീകരണം നൽകി.ആർവൈഎഫ് സംസ്ഥാന പ്രസിഡന്റ് ഉല്ലാസ് കോവൂർ സ്വീകരണ സമ്മേളനം ഉത്ഘാടനം ചെയ്തു.നിയോജകമണ്ഡലം പ്രസിഡന്റ് കെ ജി ജയചന്ദ്രൻപിള്ള അധ്യക്ഷത വഹിച്ചു.
ജാഥാ ക്യാപ്റ്റനും സംസ്ഥാന സെക്രട്ടറിയുമായ ടി.എസ് സലിം,സംസ്ഥാന വൈസ് പ്രസിഡന്റ് മധുസൂദനൻ,ജില്ലാപ്രസിഡന്റ് വാരിയത്ത് മോഹൻകുമാർ,സംസ്ഥാന സെക്രട്ടറി എം.സുജയ്, സംസ്ഥാന സെക്രട്ടറിയേറ്റ് അംഗങ്ങളായ പ്രൊഫ.ചന്ദ്രശേഖരൻ പിള്ള,എ.എ റഷീദ്,എൻജിഒ അസോസിയേഷൻ ജില്ലാ സെക്രട്ടറി ധനോജ് കുമാർ,സംസ്ഥാന കമ്മിറ്റി അംഗങ്ങളായ എ.മുഹമ്മദ് കുഞ്ഞ്,യശോദരൻ പിള്ള,അബ്ദുൽ ഖാദർ,ജില്ലാ സെക്രട്ടറി എൻ.സോമൻപിള്ള,ട്രഷറർ അബ്ദുൽ സലാം,വൈസ് പ്രസിഡന്റ് രാജശേഖരൻ പിള്ള,നിയോജകമണ്ഡലം സെക്രട്ടറി എം.ഐ നാസർ ഷാ,വനിതാ ഫോറം പ്രസിഡന്റ് അസൂറ അർത്തിയിൽ,സംസ്ഥാന കൗൺസിൽ അംഗം ശൂരനാട് വാസു,നിയോജകമണ്ഡലം ട്രഷറർ സന്തോഷ് കുമാർ എന്നിവർ സംസാരിച്ചു.
