കരുനാഗപ്പള്ളി . ഉൽപാദന പശ്ചാത്തല സേവന മേഖലകൾക്ക് പ്രാധാന്യം നൽകി നഗരസഭയിൽ 2026 – 27 വർഷത്തെ വാർഷിക ബഡ്ജറ്റ് അവതരിപ്പിച്ചു. വൈസ് ചെയർപേഴ്സൺ ബീന ജോൺസൺ ആണ് ബഡ്ജറ്റ് അവതരിപ്പിച്ചത്. ചെയർപേഴ്സൺ പി ശിവരാജൻ അധ്യക്ഷനായി. 84,516 5551രൂപ വരവും 59,0933110 രൂപ ചെലവും പ്രതീക്ഷിക്കുന്ന ബഡ്ജറ്റാണ് അവതരിപ്പിച്ചത്.
ALSO READ :
ഉൽപ്പാദന മേഖലയിൽ ക്ഷീരകർഷകർക്ക് പാൽ സബ്സിഡി, തീറ്റവസ്തുക്കൾ നൽകൽ, മൃഗാശുപത്രിക്ക് സൗകര്യങ്ങൾ ഒരുക്കൽ,നാളികേര – വാഴകൃഷി വികസനം. പച്ചക്കറി തൈ വിതരണം, ഇടവിളകൃഷി, കന്നുകുട്ടി പരിപാലനം എന്നിവ ഉൾപ്പെടെയുള്ള പദ്ധതികൾക്ക് 2,12, 25250 കോടി രൂപയും പശ്ചാത്തല മേഖലയിൽ റോഡുകൾ, അംഗനവാടിയുടെ നവീകരണം, പാർക്കുകളുടെ നിർമ്മാണം, സിസിടിവി ക്യാമറകൾ സ്ഥാപിക്കൽ,
നഗരസഭ കാര്യാലയത്തിലും താലൂക്കാശുപത്രിയിലും സോളാർ സിസ്റ്റം സ്ഥാപിക്കൽ, കംഫർട്ട് സ്റ്റേഷൻ നിർമ്മാണം, മാർക്കറ്റ് നിർമ്മാണം എന്നിവയ്ക്കായി 62,206400 രൂപയും സേവനമേഖലയിൽ ഭവന പുനരുദ്ധാരണം, വിവിധ സ്കൂളുകളുടെ മെയിന്റനൻസ് വർക്കുകൾ,ഗവ. ഹയർ സെക്കൻഡറി സ്കൂളിൽ ഗ്രൗണ്ട്, ചിൽഡ്രൻസ് പാർക്കുകൾ,സ്റ്റേഡിയം തുടങ്ങിയ പദ്ധതികൾക്കായി 11,9896810 കോടി രൂപയും മാറ്റി വച്ചിട്ടുണ്ട്. ബജറ്റ് അവതരണ യോഗത്തിൽ സ്ഥിരം സമിതി അധ്യക്ഷരായ പി രാജു,മുനമ്പത്ത് ഗഫൂർ,എം ശോഭന,മോഹൻദാസ്,ആശ അനിൽ, സെക്രട്ടറി വി എസ് സന്ദീപ് കുമാർ,നഗരസഭ കൗൺസിലർമാർ എന്നിവർ പങ്കെടുത്തു.
