നീണ്ടകര വല ഫാക്ടറിയുടെ നിർമ്മാണ പ്രവർത്തനം, ഷോപ്പിംഗ് കോംപ്ലക്സ്, ശക്തികുളങ്ങര മേഖലയിലെ ബോട്ട് ബിൽഡിംഗ് യാർഡ്, നെറ്റ് മെന്റിങ് ഷെഡ്, അഡ്മിനിസ്ട്രേറ്റീവ് ബ്ലോക്ക്, വാർഫ്, തുടങ്ങിയ വിവിധ പദ്ധതികളുടെ ഉദ്ഘാടനം ഫെബ്രുവരി 17 ഉച്ചയ്ക്ക് രണ്ട് മണിക്ക് മത്സ്യബന്ധനം-സാംസ്കാരികം, യുവജനകാര്യവകുപ്പ് മന്ത്രി സജി ചെറിയാൻ, ധനകാര്യവകുപ്പ് മന്ത്രി കെ എൻ ബാലഗോപാൽ എന്നിവർ നിർവഹിക്കും. നീണ്ടകര ഫിഷിങ് ഹാർബറിൽ നടക്കുന്ന ചടങ്ങിൽ സുജിത്ത് വിജയൻ പിള്ള എംഎൽഎ അധ്യക്ഷനാകും. മത്സ്യഫെഡ് മാനേജിങ് ഡയറക്ടർ
ഡോ പി സഹദേവൻ റിപ്പോർട്ട് അവതരിപ്പിക്കും. എൻ കെ പ്രേമചന്ദ്രൻ എം പി, മുൻ മന്ത്രി ജെ മേഴ്സിക്കുട്ടിയമ്മ, ജില്ലാ പഞ്ചായത്ത് പ്രസിഡന്റ് ആർ ലതാദേവി തുടങ്ങിയവർ വിശിഷ്ടാതിഥികളാകും. ചവറ ബ്ലോക്ക് പഞ്ചായത്ത് പ്രസിഡന്റ് ഷംന നൗഷാദ്, സ്ഥിരം സമിതി അധ്യക്ഷ മേരി ചെറിയാൻ, കൊല്ലം നഗരസഭാഗം ദീപു ഗംഗാധരൻ, നീണ്ടകര പഞ്ചായത്ത് പ്രസിഡണ്ട് ബി ശിവലാൽ, കൊല്ലം ജില്ലാ പഞ്ചായത്തഗം ഐ ജയലക്ഷ്മി, മത്സ്യഫെഡ് ചെയർമാൻ ടി മനോഹരൻ തുടങ്ങിയവർ പങ്കെടുക്കും.
