Advertisement
ഇരവിപുരം:സമൂഹത്തെ പ്രതികൂലമായി ബാധിക്കുന്ന ലഹരി ഉപയോഗത്തിനെതിരെ ഇരവിപുരം സെൻ്റ് ജോൺസ് ലഹരി വിരുദ്ധ റോളർ സ്കേറ്റിംഗ് സ്നേഹ സന്ദേശ യാത്ര സംഘടിപ്പിച്ചു. ഇരവിപുരം ജംഗ്ഷനിൽ നിന്നാരംഭിച്ച സ്നേഹ സന്ദേശ യാത്ര കൊല്ലം എസി പി ഷെരീഫ് എസ് ഫ്ലാഗ് ഓഫ് ചെയ്തു.കൊല്ലം രൂപത വിദ്യാഭ്യാസ സെക്രട്ടറി റവ.ഫാദർ ബിനു തോമസ് ലഹരി വിരുദ്ധ സന്ദേശം നൽകി. ഇടവക വികാരി ഫാദർ ബെൻസൺ ബെൻ അദ്ധ്യക്ഷത വഹിച്ച ചടങ്ങിൽ കൗൺസിലർ സുനിൽ , ഹെഡ്മാസ്റ്റർ അനിൽ ഡി ,പി.ടി.എ വൈസ്പ്രസിഡൻ്റ് മാൽക്കം എന്നിവർ സംസാരിച്ചു. അധ്യാപകരായ കിരൺ ക്രിസ്റ്റഫർ, റോബി, സാൽവിൻ, സിജു റോച്ച്, ജോഫെഡ്രി, അജി സി. ഏയ്ഞ്ചൽ എന്നിവർ നേതൃത്വം നൽകി.
Advertisement
