തിരുവനന്തപുരം: ആറ്റുകാല് പൊങ്കാല മഹോത്സവത്തോടനുബന്ധിച്ച് ദക്ഷിണ റെയില്വേയുടെ യാത്രാ ക്രമീകരണങ്ങള്. നാഗര്കോവിലിലേക്കും എറണാകുളത്തേക്കും പ്രത്യേക ട്രെയിനുകള് അനുവദിച്ചതിന് പുറമെ, വിവിധ എക്സ്പ്രസ്സ്, മെയില് ട്രെയിനുകള്ക്ക് താല്ക്കാലിക സ്റ്റോപ്പുകളും അനുവദിച്ചിട്ടുണ്ട്.
മാര്ച്ച് മൂന്നിന് അധിക സ്റ്റോപ്പുകള് അനുവദിച്ച ട്രെയിനുകള്:
തിരുവനന്തപുരം – ചെന്നൈ സെന്ട്രല് സൂപ്പര്ഫാസ്റ്റ് (12624): പകല് 3.14ന് കഴക്കൂട്ടത്തും 3.26ന് ചിറയിന്കീഴിലും നിര്ത്തും.
കണ്ണൂര് – തിരുവനന്തപുരം ജനശതാബ്ദി (12081), മംഗളൂരു – തിരുവനന്തപുരം വന്ദേഭാരത് (20631): ഇവയ്ക്ക് പേട്ടയില് സ്റ്റോപ്പ് അനുവദിച്ചു.
മധുര – പുനലൂര് എക്സ്പ്രസ് (16729): മാര്ച്ച് 2-ന് പുലര്ച്ചെ 4.57ന് പള്ളിയാടിയിലും 5.39ന് ബാലരാമപുരത്തും നിര്ത്തും.
രാമേശ്വരം – തിരുവനന്തപുരം അമൃത എക്സ്പ്രസ് (16344): മാര്ച്ച് 2-ന് പുലര്ച്ചെ 3.25ന് ചിറയിന്കീഴില് സ്റ്റോപ്പ്.
ഗുരുവായൂര് – ചെന്നൈ എഗ്മോര് എക്സ്പ്രസ്: പുലര്ച്ചെ 1.43ന് തുറവൂരും 2.02ന് മാരാരിക്കുളത്തും നിര്ത്തും.
കൊല്ലം – കന്യാകുമാരി മെമ: മാര്ച്ച് 3-ന് പകല് 12.50ന് കൊല്ലത്ത് നിന്നും 3.20ന് തിരുവനന്തപുരം സെന്ട്രലില് നിന്നും പുറപ്പെടും. നാഗര്കോവില് – കോട്ടയം എക്സ്പ്രസ് തിരുവനന്തപുരം സെന്ട്രലില് നിന്ന് പകല് 3.20ന് പുറപ്പെടും.
തിരുവനന്തപുരം സെന്ട്രല് – ഹസ്രത്ത് നിസാമുദ്ദീന് എക്സ്പ്രസ്, തിരുവനന്തപുരം – നാഗര്കോവില് പാസഞ്ചര് എന്നിവ നിശ്ചയിച്ച സമയത്തേക്കാള് വൈകി മാത്രമേ സര്വീസ് ആരംഭിക്കൂ. പൊങ്കാല പ്രമാണിച്ച് തിരുവനന്തപുരം സെന്ട്രലില് പ്ലാറ്റ്ഫോം ക്രമീകരണങ്ങളും ഏര്പ്പെടുത്തിയിട്ടുണ്ട്.
കൊല്ലം ഭാഗത്തേക്കുള്ള ട്രെയിനുകള് 1 മുതല് 4 വരെയുള്ള പ്ലാറ്റ്ഫോമുകളില് നിന്നും നാഗര്കോവില് ഭാഗത്തേക്കുള്ളവ 5-ാം നമ്പര് പ്ലാറ്റ്ഫോമില് നിന്നുമായിരിക്കും പുറപ്പെടുക. ടിക്കറ്റ് ബുക്കിംഗ് വേഗത്തിലാക്കാന് അധിക കൗണ്ടറുകളും ക്യുആര് കോഡ് സൗകര്യങ്ങളും സജ്ജമാക്കും.
