കൊല്ലം:ശബരിമല സ്വര്ണക്കൊള്ള കേസിലെ മുഖ്യപ്രതി ഉണ്ണികൃഷ്ണന് പോറ്റിക്ക് ജാമ്യം. കൊല്ലം വിജിലന്സ് കോടതിയാണ് ഹര്ജി പരിഗണിച്ച് ജാമ്യം അനുവദിച്ചത്. ഇതോടെ ശബരിമലസ്വര്ണ്ണക്കൊള്ളക്കേസില് പ്രധാനപ്രതി സഹിതം മിക്കവരും പുറത്തായിരിക്കയാണ്.
എസ്ഐടി റിപ്പോര്ട്ട് കൂടി പരിഗണിച്ചാണ് വിധി. കട്ടിളപ്പാളി കേസില് അറസ്റ്റിലായി 90 ദിവസം പിന്നിട്ടതിനാല് സ്വാഭാവിക ജാമ്യം ലഭിക്കാന് നിയമ പരമായ അര്ഹതയുണ്ടായിരുന്നു.
ജാമ്യാപേക്ഷയില് ഇന്നലെ വാദം പൂര്ത്തിയായിരുന്നു. ദ്വാരപാലക കേസില് ഉണ്ണികൃഷ്ണന് പോറ്റിക്ക് നേരത്തെ സ്വാഭാവിക ജാമ്യം ലഭിച്ചിരുന്നു. കേസില് എസ്ഐടി ഇതുവരെ കുറ്റപത്രം സമര്പ്പിച്ചിട്ടില്ല. സ്വര്ണക്കൊള്ളയില് മൂന്ന് പ്രതികള് ഇതിനോടകം ജാമ്യം നേടി പുറത്തിറങ്ങിയിരുന്നു. മുന് അഡ്മിനിസ്ട്രേറ്റീവ് ഓഫീസര് മുരാരി ബാബുവിനും മുന് എക്സിക്യൂട്ടീവ് ഓഫീസര് സുധീഷ് കുമാറിനും സ്വാഭാവിക ജാമ്യമാണ് ലഭിച്ചത്. എന്നാല് റിമാന്ഡിലായി 43-ാം ദിവസം മുന് അഡ്മിനിസ്ട്രേറ്റീവ് ഓഫീസര് എസ്.ശ്രീകുമാറിന് തെളിവുകളുടെ അഭാവം ചൂണ്ടിക്കാട്ടി കോടതി ജാമ്യം നല്കി.
