കൊല്ലം: എല്ലാം അയ്യപ്പന് നോക്കിക്കോളുമെന്ന് എ. പത്മകുമാര്. ശബരിമല സ്വര്ണ്ണക്കൊള്ളക്കേസില് റിമാന്ഡ് കാലാവധി അവസാനിച്ചതിനെത്തുടര്ന്ന് കൊല്ലം വിജിലന്സ് കോടതിയില് എത്തിച്ചപ്പോഴായിരുന്നു അദ്ദേഹത്തിന്റെ പ്രതികരണം. പതിനാല് ദിവസത്തേക്ക് പത്മകുമാറിനെ കോടതി വീണ്ടും റിമാന്ഡ് ചെയ്തു.
ദൈവ തുല്യരായ പലരും പിന്നില് ഉണ്ട് എന്ന് പറഞ്ഞിരുന്നു, ആരാണത് എന്ന ചോദ്യത്തിന് ‘വേട്ടനായ്ക്കള് അല്ല’ എന്നായിരുന്നു മറുപടി. പ്രതികളെല്ലാം പത്മകുമാറിന്റെ പേര് ആണ് പറഞ്ഞിരിക്കുന്നത് എന്ന ചോദ്യത്തിന്, ‘അയ്യപ്പന് നോക്കിക്കോളും. ദൈവ തുല്യന് ശവംതീനിയല്ലെന്നും അദ്ദേഹം പറഞ്ഞു.
റിമാന്ഡ് കാലാവധി അവസാനിച്ചതിനെത്തുടര്ന്നാണ് പത്മകുമാറിനെ ചൊവ്വാഴ്ച കൊല്ലം വിജിലന്സ് കോടതിയില് ഹാജരാക്കിയത്. കേസ് പരിഗണിച്ച കോടതി 14 ദിവസത്തേക്ക് കൂടി പ്രതിയെ റിമാന്ഡ് ചെയ്തു. പ്രതിയുടെ ജാമ്യാപേക്ഷ ജനുവരി 7-ന് പരിഗണിക്കും.
അതേസമയം, സ്വര്ണ്ണക്കൊള്ളക്കേസില് മുന് ദേവസ്വം മന്ത്രി കടകംപള്ളി സുരേന്ദ്രന്റെ മൊഴി എസ്ഐടി രേഖപ്പെടുത്തി. കഴിഞ്ഞ ശനിയാഴ്ചയായിരുന്നു എസ്ഐടി കടകംപള്ളിയുടെ മൊഴി രേഖപ്പെടുത്തിയത്. തന്നോട് ചോദിച്ച ചോദ്യങ്ങള്ക്ക് മറുപടി നല്കിയെന്ന് കടകംപള്ളി മാധ്യമങ്ങളോട് പറഞ്ഞു.
