Advertisement
കൊച്ചി. എറണാകുളം മട്ടുമ്മലിലെ സ്വകാര്യ ഹോട്ടലിൽ നിന്ന് രണ്ടുകോടിയുടെ ഹാഷിഷ് കണ്ടെടുത്ത സംഭവത്തിൽ സംഘത്തിലെ പ്രധാനിക്കുവേണ്ടി തിരച്ചിൽ തുടങ്ങി എക്സ്സൈസ് എൻഫോഴ്സ്മെന്റ്. രണ്ട് ഒറീസ സ്വദേശികളെയും രണ്ട് മലയാളികളെയും അടക്കം നാല് പേരെയാണ് അറസ്റ്റ് ചെയ്തിരിക്കുന്നത്. തിരഞ്ഞെടുപ്പ് മുൻനിർത്തി ആണോ ലഹരി എത്തിച്ചത് എന്ന് പരിശോധിച്ചു വരികയാണ്. പെരുമ്പടപ്പ് സ്വദേശി അശ്വിൻ ജോയ്. പള്ളുരുത്തി സ്വദേശി ശ്രീരാജ്. ഒറീസ സ്വദേശികളായ സുനമണി സമര മുദ്ലി എന്നിവരാണ് എക്സൈസിന്റെ പിടിയിലായത്. വിശദമായ ചോദ്യം ചെയ്യലിലൂടെ കേസിലെ പ്രധാനിയിലേക്ക് എത്താനാണ് എക്സൈസിന്റെ ശ്രമം. റെയിൽ മാർഗ്ഗം വന്ന ഒറീസ്സക്കാരിൽ നിന്ന് ഹാഷിഷ് ഓയിൽ വാങ്ങാൻ മലയാളി യുവാക്കൾ ഹോട്ടലിൽ എത്തിയപ്പോഴാണ് രഹസ്യവിവരത്തെ തുടർന്ന് എക്സൈസ് എൻഫോഴ്സ്മെന്റ് സംഘം ഇവരെ പിടികൂടിയത്.
Rep Image
Advertisement
