Advertisement
വയനാട്. കൽപറ്റയിൽ കെ.എസ്.ആർ.ടി.സി. ബസ് മറിഞ്ഞ് അപകടം. വെള്ളാരംകുന്ന് കിൻഫ്ര പാർക്കിന് സമീപം നിയന്ത്രണം വിട്ട ബസ് താഴ്ചയിലേക്ക് മറിയുകയായിരുന്നു. ബത്തേരിയിൽ നിന്ന് കോഴിക്കോട്ടേക്ക് പുറപ്പെട്ട ബസാണ് അപകടത്തിൽപ്പെട്ടത്.
വൈകീട്ട് നാലരയോടെയാണ് അപകടം. ബത്തേരിയിൽ കോഴിക്കോട്ടേക്ക് പോവുകയായിരുന്നു ബസ്. നേരിയ ചാറ്റൽ മഴ ഉണ്ടായിരുന്നു. ചുണ്ടേൽ വെള്ളാരംകുന്നിൽ ദേശീയപാതയോട് ചേർന്ന ഹോം സ്റ്റേയുടെ മുറ്റത്തേക്ക് ബസ്സ് മറിയുകയായിരുന്നു. 59 യാത്രക്കാർ ആണ് ബസ്സിൽ ഉണ്ടായിരുന്നത്. പരിക്കേറ്റ 12 പേരെ കൽപ്പറ്റയിലെ വിവിധ ആശുപത്രികളിലേക്ക് മാറ്റി . ഒരാളുടെ പരിക്ക് സാരമുള്ളതാണ്.
പോലീസും ഫയർഫോഴ്സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. അപകടത്തെ തുടർന്ന് ദേശീയപാതയിൽ അല്പനേരം ഗതാഗതം സ്തംഭിച്ചു
Advertisement
