“ജെ എസ് കെ- ജാനകി വി vs സ്റ്റേറ്റ് ഓഫ് കേരള”: അഡ്വാൻസ് ടിക്കറ്റ് ബുക്കിംഗ് ഇന്ന് മുതൽ

July 16, 2025

“ജെ എസ് കെ- ജാനകി വി vs സ്റ്റേറ്റ് ഓഫ് കേരള” നാളെയാണ് ആഗോള റിലീസായെത്തുന്നത്. സുരേഷ് ഗോപി ഡേവിഡ് ആബേൽ ഡോണോവൻ എന്ന വക്കീൽ കഥാപാത്രമായി വേഷമിടുന്ന ചിത്രത്തിൻ്റെ അഡ്വാൻസ് ടിക്കറ്റ് ബുക്കിംഗ് ഇന്ന് മുതൽ ആരംഭിക്കും. കാർത്തിക് ക്രിയേഷൻസുമായി സഹകരിച്ച് കോസ്മോസ് എന്റർടൈൻമെന്റ് ആണ് ചിത്രം നിർമ്മിക്കുന്നത്. പ്രേക്ഷകരിൽ ആകാംക്ഷയും ആവേശവും നിറക്കുന്ന ഒരു മാസ്സ് ലീഗൽ/കോർട്ട് റൂം ത്രില്ലർ ആയാണ് ചിത്രം ഒരുക്കിയിരിക്കുന്നത്. അനുപമ പരമേശ്വരൻ, ദിവ്യ പിള്ള, ശ്രുതി രാമചന്ദ്രൻ എന്നിവരും ശ്രെദ്ധേയമായ കഥാപാത്രങ്ങളെ അവതരിപ്പിക്കുന്നു. സുരേഷ് ഗോപിയുടെ 253 മത് ചിത്രമാണിത്. മലയാളം, തമിഴ്, തെലുങ്ക്, ഹിന്ദി ഭാഷകളിലാണ് ആഗോള റിലീസായി ചിത്രം എത്തുക. ചിത്രത്തിൻ്റെ ട്രെയ്‌ലർ കഴിഞ്ഞ ദിവസമാണ് റിലീസ് ചെയ്തത്. ട്രെയ്‌ലർ പുറത്ത് വന്നു 24 മണിക്കൂർ ആവുമ്പോഴും യൂട്യൂബിലും സമൂഹ മാധ്യമങ്ങളിലും ട്രെയ്‌ലർ ട്രെൻഡിങ് ആയി നിൽക്കുകയാണ്.

കുറഞ്ഞചിലവില്‍ നാടുകാണിക്കാന്‍ കെഎസ്ആര്‍ടിസി

July 16, 2025

കുറഞ്ഞചിലവില്‍ വിനോദസഞ്ചാരമെന്ന സാധാരണക്കാരന്റെ സ്വപ്നം കെ.എസ്.ആര്‍.ടി.സിയിലൂടെ പൂവണിയുന്നു. ആറുമാസത്തിനുള്ളില്‍ ജില്ലയില്‍ ബഡ്ജറ്റ് ടൂറിസം സെല്‍ കൊയ്തത് 1,50,82,924 രൂപയുടെ വരുമാനനേട്ടം. ഒമ്പത് ഡിപ്പോകളില്‍ നിന്നുമായി പ്രതിമാസശരാശരി വരുമാനം 35-40 ലക്ഷം രൂപയും.

കൊല്ലം, കൊട്ടാരക്കര, കരുനാഗപ്പള്ളി, ചടയമംഗലം, പത്തനാപുരം ഡിപ്പോകളാണ് യാത്രകളില്‍ മുന്നിലുള്ളത്. 2022 ജനുവരി 10ന് റോസ്മലയിലേക്കായിരുന്നു ആദ്യയാത്ര.

ഗവി, മൂന്നാര്‍, പാലക്കാട് എന്നിവയ്ക്കാണ് തിരക്കേറെയുള്ളത്. നെഫര്‍റ്റിട്ടി കപ്പല്‍യാത്ര, ഓക്‌സി വാലി-സൈലന്റ് വാലി, പൊലിയംതുരുത്ത്, വയനാട്, മൂകാംബിക എന്നിവയാണ് കൂടുതല്‍ വരുമാനമെത്തിക്കുന്നത്.

കൊല്ലം, കുളത്തൂപ്പുഴ ഡിപ്പോയില്‍ നിന്നുമുള്ള വിനോദയാത്രകള്‍ക്ക് പുറമേ തീര്‍ഥാടനയാത്രകളുമുണ്ട്. മൂകാംബിക, കൊട്ടിയൂര്‍, മലപ്പുറത്തെ മഹാക്ഷേത്രങ്ങള്‍, തൃശൂര്‍നാലമ്പലങ്ങള്‍, ഗുരുവായൂര്‍, തിരുഐരാണിക്കുളം, മധ്യകേരളത്തിലെ ശിവക്ഷേത്രങ്ങള്‍, സരസ്വതി ക്ഷേത്രങ്ങള്‍, കോട്ടയംനാലമ്പലം, പത്തനംതിട്ടയിലെക്ഷേത്രങ്ങള്‍, കുളത്തുപ്പുഴ, ആര്യങ്കാവ്, അച്ചന്‍കോവില്‍, പന്തളം ഉള്‍പ്പെടുന്ന അയ്യപ്പ ക്ഷേത്രങ്ങള്‍, അഴിമല-ചെങ്കല്‍, പൗര്‍ണമികാവ്, മണ്ടയ്ക്കാട്, കന്യാകുമാരി, കൃപാസനം, അല്‍ഫോന്‍സാമ്മ തീര്‍ത്ഥാടനം എന്നിങ്ങനെ സീസണ്‍ യാത്രകളും പതിവായുണ്ട്. അന്തര്‍ സംസ്ഥാന യാത്രകളായ മൂകാംബിക, കന്യാകുമാരി എന്നിവയാണ് സ്ഥിരംചാര്‍ട്ടില്‍. ശബരിമല സീസണില്‍ തഞ്ചാവൂര്‍, മധുര, വേളാങ്കണ്ണി സര്‍വീസുകളുമുണ്ടാകും.

നെഫര്‍റ്റിട്ടി കപ്പല്‍ യാത്ര, കുമരകം ബോട്ട് യാത്ര എന്നീ ട്രിപ്പുകള്‍ എ.സി ബസുകളിലാണ്. ദീര്‍ഘദൂര ട്രിപ്പുകള്‍ എല്ലാം ഡീലക്‌സ് സെമിസ്ലീപ്പറുകളിലും. യാത്രക്കാരുടെ ആവശ്യം പരിഗണിച്ച് എ സി ബസില്‍ യാത്രക്രമീകരിക്കാറുമുണ്ട്. ഗവി, റോസ്മല, പൊ•ുടി, മൂന്നാര്‍, മലക്കപ്പാറ യാത്രകള്‍ വനം-ടൂറിസം വകുപ്പുകളുമായി സഹകരിച്ചാണ് നടത്തുന്നത് എന്ന് ബഡ്ജറ്റ് ടൂറിസം സെല്‍ ജില്ലാ കോ ഓഡിനേറ്റര്‍ ടി. കെ. മോനായി അറിയിച്ചു.

നെടുവത്തൂരിൽ ദേശീയ പാതയിലേക്ക് മരം ഒടിഞ്ഞു വീണു

July 16, 2025

കൊട്ടാരക്കര: നെടുവത്തൂർ കിള്ളൂരിൽ ദേശീയ പാതയിലേക്ക് മരം ഒടിഞ്ഞു വീണു. കഴിഞ്ഞ ദിവസം രാത്രി 6.30 ഓടെയാണ് ദേശീയ പാതയിൽ വൈദ്യുത പോസ്റ്റിന് മുകളിലേക്കു മരം വീണത്. ഇതോടെ ദീർഘ നേരം ഗതാഗതം തടസ്സപ്പെട്ടു.
കൊട്ടാരക്കരയിൽ നിന്നും ഫയർ ഫോഴ്സ് എത്തിയാണ് മരചില്ലകൾ വെട്ടി മാറ്റി ഗതാഗത സൗകര്യം ഒരുക്കിയത്. നിരത്തിൽ വാഹനങൾ കുറവായതിനാൽ അപകടം ഒഴിവായി.

ഉര്‍വശിയും ജോജുവും ആദ്യമായി ഒന്നിക്കുന്നു; ‘ആശ’ ചിത്രത്തിന് തുടക്കം

July 16, 2025

ജോജു ജോർജ്ജും ഉർവശിയും ആദ്യമായി ഒന്നിച്ചഭിനയിക്കുന്ന ‘ആശ’ എന്ന ചിത്രത്തിന്‍റെ പൂജ നടന്നു. ജോജു ജോര്‍ജ്ജും മധു നീലകണ്ഠനും സംവിധായകൻ സഫർ സനലും ചേർന്ന് ഭദ്രദീപം കൊളുത്തി. ജോജു ജോർജ്ജ് ഫസ്റ്റ് ക്ലാപ്പും മധു നീലകണ്ഠൻ സ്വിച്ച് ഓൺ കർമ്മവും നിർവ്വഹിച്ചു.

ഉർവശിയേയും ജോജുവിനേയും കൂടാതെ വിജയരാഘവൻ, ഐശ്വര്യ ലക്ഷ്‍മി, പണി ഫെയിം രമേഷ് ഗിരിജ എന്നിവരാണ് മറ്റ് പ്രധാന വേഷങ്ങളിൽ എത്തുന്നത്. അതേസമയം അഞ്ച് ഭാഷകളിലാണ് ചിത്രം പുറത്തിറങ്ങുന്നത്. സിനിമയുടെ ടൈറ്റിൽ ലുക്ക് പോസ്റ്ററും പൂജ ചടങ്ങിനിടെ അണിയറപ്രവർ‍ത്തകർ പുറത്തിറക്കി.

അജിത് വിനായക ഫിലിംസ് അവതരിപ്പിക്കുന്ന ചിത്രം വിനായക അജിത് ആണ് നിർമ്മിക്കുന്നത്. ചിത്രം കഥയെഴുതി സംവിധാനം ചെയ്യുന്നത് നവാഗതനായ സഫർ സനലാണ്. ജോജു ജോർജ്ജും രമേഷ് ഗിരിജയും സഫ‍ർ സനലും ചേർന്നാണ് തിരക്കഥ, സംഭാഷണം ഒരുക്കുന്നത്.

രാവിലെ കുടിക്കാൻ ചായയാണോ കാപ്പിയാണോ നല്ലത്?

July 16, 2025

മലയാളിക്ക് രാവിലെ എഴുന്നേറ്റ ഉടനെ ഒരു ചായയോ കാപ്പിയോ കുടിക്കുന്നത് ഒഴിച്ചുകൂടാനാവാത്ത ഒരു ശീലമാണ്. എന്നാൽ ഒഴിഞ്ഞവയറ്റിൽ ഇങ്ങനെ ചായയോ കാപ്പിയോ കുടിക്കുന്നത് നല്ലതാണോ? പൊതുവേ ശീലം നല്ലതല്ല എന്നാണ് വിദഗ്ധർ പറയുന്നത്. അസിഡിറ്റി ഉണ്ടാക്കാനും പ്രശ്നങ്ങൾക്കും ഇത് കാരണമാകാറുണ്ട്. എന്നാൽ ചില കാര്യങ്ങൾ ശ്രദ്ധിക്കുകയാണെങ്കിൽ രാവിലെ ഇതിൽ ഏതെങ്കിലും കുടിക്കാം.

രാവിലെ ചായയോ കാപ്പിയോ കുടിക്കുന്നതിനു മുൻപ് ലഘുഭക്ഷണം കഴിക്കുന്നത് നല്ലതാണ്. ഒരു ടോസ്റ്റോ ഒരു പഴമോ അല്ലെങ്കിൽ കുറച്ച് നട്സോ ആദ്യം കഴിച്ചതിനുശേഷം ചായയോ കാപ്പി കുടിക്കുന്നത് തെറ്റില്ല.

രാവിലെ നല്ലത് ചായയോ കാപ്പിയോ

കാപ്പിയെ അപേക്ഷിച്ചു ചായയിൽ കഫീൻ കുറവാണ്. കൂടാതെ ചായയിൽ അടങ്ങിയിട്ടുള്ള ടാനിൻ എന്ന അമിനോ ആസിഡ് ഒരു പ്രത്യേകതരം ഊർജ്ജം നൽകുന്നു എന്ന് പഠനങ്ങൾ വ്യക്തമാക്കുന്നു. ഇത് പെട്ടെന്നുള്ള ഉണർവിനെക്കാൾ പതിയെ പതിയെ ശരീരത്തിന് ഉണർവ്വ് നൽകും. ചിലർക്ക് ചായയേക്കാൾ കാപ്പിയാണ് വയറിന് നല്ലതായി തോന്നുക അതും ഇതിനോടൊപ്പം ചേർത്ത് വായിക്കണം.

കാപ്പി

നിങ്ങളുടെ ശരീരം കാപ്പിയോടാണ് കൂടുതൽ താല്പര്യം കാണിക്കുന്നതെങ്കിൽ രാവിലെ അത് കഴിക്കുന്നതാവും നല്ലത്. പെട്ടെന്നുള്ള ഊർജ്ജം ലഭിക്കാൻ കാപ്പി സഹായിക്കും. ചിലർക്ക് കാപ്പി ദഹനത്തെ ഉത്തേജിപ്പിക്കാനും സഹായിക്കും. എന്നാൽ അസിഡിറ്റി ഉള്ളവർക്ക് ഇത് എത്ര നല്ലതല്ല.

ശ്രദ്ധിക്കുക

നിങ്ങളുടെ ശരീരം എങ്ങനെ പ്രതികരിക്കുന്നു എന്നതിനനുസരിച്ചാണ് ചായയോ കാപ്പിയോ തിരഞ്ഞെടുക്കേണ്ടത്. രണ്ടിലേതാണ് അസിഡിറ്റി ഉണ്ടാക്കുന്നത് എന്ന് വെച്ചാൽ അത് ഒഴിവാക്കുക. കഫീൻ അമിതമായി കഴിക്കുന്നത് നെഞ്ചിടിപ്പ് കൂടാനും ഉറക്കമില്ലായ്മയ്ക്കും കാരണമാകും. കഴിവതും ഒഴിഞ്ഞ വയറ്റിൽ ഇത് രണ്ടും കഴിക്കാതിരിക്കുന്നതാണ് ഉത്തമം.

ശബ്ദത്തേക്കാൾ എട്ടിരട്ടി വേഗത്തിൽ സഞ്ചരിക്കാൻ കഴിവുള്ള ഹൈപ്പർ സോണിക് മിസൈൽ പരീക്ഷിച്ച് ഇന്ത്യ

July 16, 2025

ഹൈപ്പർ സോണിക് മിസൈൽ പരീക്ഷിച്ച് ഇന്ത്യ.ശബ്ദത്തേക്കാൾ എട്ടിരട്ടി വേഗത്തിൽ സഞ്ചരിക്കാൻ കഴിവുള്ളതും 1500 കിലോമീറ്റർ പ്രഹരശേഷിയുള്ളതുമായ ഹൈപ്പർ സോണിക് മിസൈൽ ആണ് ഇന്ത്യ പരീക്ഷിച്ചു വിജയിച്ചതായി റിപ്പോർട്ട് ഉള്ളത്. ഡിഫൻസ് റിസർച്ച് ആൻഡ് ഡവലപ്മെന്റ് ഓർഗനൈസേഷൻ (ഡിആർഡിഒ) പ്രോജക്ട് വിഷ്ണുവിന് കീഴിൽ വികസിപ്പിച്ച ‘എക്സ്റ്റെൻഡഡ് ട്രാജെക്ടറി ലോങ് ഡ്യൂറേഷൻ ഹൈപ്പർ സോണിക് ക്രൂസ് മിസൈൽ (ഇ.ടി.–എൽഡിഎച്ച്സിഎം)’ ആണ് പരീക്ഷിച്ചതെന്ന് ദേശീയമാധ്യമങ്ങൾ റിപ്പോർട്ട് ചെയ്തു.
ബ്രഹ്മോസ് ക്രൂസ് മിസൈലുകളേക്കാൾ ശേഷിയുള്ളതാണ് പുതിയ ക്രൂസ് മിസൈലെന്നാണ് വിവരം.

കെ ഇ ഇസ്മായിലിന്റെ പാർട്ടി അംഗത്വം പുതുക്കാൻ സിപിഐ സംസ്ഥാനഎക്സിക്യൂട്ടീവ് നിർദ്ദേശം നൽകും

July 15, 2025

തിരുവനന്തപുരം.മുതിർന്ന നേതാവ് കെ ഇ ഇസ്മായിലിന്റെ പാർട്ടി അംഗത്വം പുതുക്കാൻ സിപിഐ സംസ്ഥാന
എക്സിക്യൂട്ടീവ് നിർദ്ദേശം നൽകും.സസ്പെൻഷൻ കാലാവധി കഴിയുമ്പോൾ അംഗത്വം പുതുക്കി
നൽകാനാണ് നി‍ർദ്ദേശം.അംഗത്വം പുതുക്കി നൽകരുതെന്ന പാലക്കാട് ജില്ലാ ഘടകത്തിന്റെ
ശുപാർശ തള്ളിക്കൊണ്ടാണ് എക്സിക്യൂട്ടിവിൻെറ തീരുമാനം.എറണാകുളം ജില്ലാ സെക്രട്ടറയായിരുന്ന
പി.രാജുവിൻെറ നിര്യാണത്തോടനുബന്ധിച്ച് നടത്തിയ പരസ്യ പ്രതികരണത്തിൻെറ പേരിലാണ് കെ.ഇ.ഇസ്മയിലിനെ ആറ് മാസത്തേക്ക് സസ്പെന്റ് ചെയ്തത്.സസ്പെൻഷൻ കാലാവധി ഓഗസ്റ്റിൽ പൂ‌‍‌ർത്തിയാകുന്ന സാഹചര്യത്തിലാണ്
അംഗത്വം പുതുക്കി നൽകാൻ പാലക്കാട് ജില്ലാ ഘടകത്തിന് നി‍ർദേശം നൽകിയത്

പ്രളയ ദുരിതാശ്വാസ ഫണ്ട് തട്ടിപ്പിൽഉദ്യോഗസ്ഥനെ പിരിച്ചുവിട്ടു

July 15, 2025

കൊച്ചി.പ്രളയ ദുരിതാശ്വാസ ഫണ്ട് തട്ടിപ്പിൽഉദ്യോഗസ്ഥനെ പിരിച്ചുവിട്ടു സർക്കാർ ഉത്തരവ്.എറണാകുളം കളക്ടറേറ്റിലെ ക്ലാർക്ക് വിഷ്ണുപ്രസാദിനെ സർവീസിൽ നിന്നും നീക്കം ചെയ്താണ് ഉത്തരവ് പുറത്തിറങ്ങിയത്.2018 ലെ പ്രളയ ദുരിതാശ്വാസ ധനസഹായത്തിലെ ക്രമക്കേടിന്റെ അടിസ്ഥാനത്തിലാണ് നടപടി.73.13 ലക്ഷം രൂപയുടെ തിരിമറിയായിരുന്നു നടന്നത്.

ഭരണിക്കാവ് ബസ് സ്റ്റാന്‍റ് പ്രവർത്തനക്ഷമമാക്കും;ടൗൺ നോ പാർക്കിംഗ് സോണായി പ്രഖ്യാപിക്കും

July 15, 2025

ശാസ്താംകോട്ട:കൊല്ലം – തേനി, ഭരണിക്കാവ് – വണ്ടിപ്പെരിയാർ ദേശീയപാതകൾ കടന്നു പോകുന്ന ഭരണിക്കാവ് ടൗണിലെ രൂക്ഷമായ ഗതാഗത കുരുക്കിന് പരിഹാരം കാണാൻ സ്വകാര്യ -കെഎസ്ആർടിസി ബസുകൾ പൂർണമായും കയറുന്ന നിലയിൽ ബസ് സ്റ്റാൻ്റ് പ്രവർത്തനക്ഷമമാക്കാൻ ബ്ലോക്ക് പഞ്ചായത്തിൽ ചേർന്ന അടിയന്തിര യോഗം തീരുമാനിച്ചു.ജൂലൈ 28ന് മുൻപായി സ്റ്റാൻ്റ് പ്രവർത്തിച്ചു തുടങ്ങും.

കരുനാഗപ്പള്ളിയിൽ നിന്നും കുമരഞ്ചിറ,കോഴിമുക്ക് വഴിയും ചക്കുവള്ളി ഭാഗത്ത് നിന്നും ഭരണിക്കാവിൽ ട്രിപ്പ് അവസാനിപ്പിക്കുന്ന ബസുകൾ പടിഞ്ഞാറ് ഭാഗത്തു കൂടി സ്റ്റാൻ്റിൽ പ്രവേശിച്ച് അത് വഴിതന്നെ മടങ്ങേണ്ടതാണ്.ഈ ബസുകൾ ഭരണിക്കാവ് ടൗണിൽ പ്രവേശിക്കാൻ പാടുള്ളതല്ല.ശാസ്താംകോട്ട ഭാഗത്തു നിന്നും ഭരണിക്കാവിൽ ട്രിപ്പ് അവസാനിപ്പിക്കുന്ന ബസുകൾ ചക്കുവള്ളി റോഡ് വഴി പടിഞ്ഞാറ് ഭാഗത്തു കൂടി സ്റ്റാൻ്റിൽ പ്രവേശിച്ച് അത് വഴി മടങ്ങണം.കടപുഴ ഭാഗത്തു നിന്നും എത്തുന്ന ബസുകൾ ചക്കുവള്ളി റോഡ് വഴി പടിഞ്ഞാറ് ഭാഗത്തു കൂടി സ്റ്റാൻ്റിൽ പ്രവേശിച്ച് തിരികേ കിഴക്കേ കവാടം വഴി
പോകേണ്ടതാണ്.ചക്കുവള്ളി, ശാസ്താംകോട്ട,കുമരഞ്ചിറ ഭാഗത്തു നിന്നും അടൂർ,കൊട്ടാരക്കര ഭാഗത്തേക്ക് വരുന്ന ബസുകൾ പടിഞ്ഞാറ് ഭാഗത്തു കൂടി സ്റ്റാൻ്റിൽ പ്രവേശിച്ച് തിരികേ കിഴക്കേ കവാടം വഴി പോകേണ്ടതും ഈ ഭാഗത്തു നിന്നും വരുന്ന ബസുകൾ കിഴക്കേ കവാടം വഴി പ്രവേശിച്ച് പടിഞ്ഞാറെ ഗേറ്റു വഴി പോകേണ്ടതാണ്.ഭരണിക്കാവിൽ ട്രിപ്പ് അവസാനിപ്പിക്കുന്ന വാഹനങ്ങൾ ഭരണിക്കാവ്,ശാസ്താംകോട്ട ഭാഗങ്ങളിൽ റോഡരികിൽ പാർക്ക് ചെയ്യാൻ പാടുള്ളതല്ല.സ്റ്റാൻ്റിലേക്ക്
അടൂർ,കൊട്ടാരക്കര ഭാഗത്തു നിന്നുള്ള റോഡിന് വീതി കൂട്ടുന്നതിന് ഭൂമി ഏറ്റെടുക്കാൻ പഞ്ചായത്തിനെ ചുമതലപ്പെടുത്തി.ട്രാഫിക് സിഗ്നലിൽ അടിയന്തിരമായി ടൈമർ സ്ഥാപിക്കും.

ജംഗ്ഷനിൽ വ്യാപാര സ്ഥാപനങ്ങളുടെ ഇറക്കുകൾ പൊളിച്ചു മാറ്റുന്നതിന് റവന്യൂ,പോലീസ്,പൊതുമരാമത്ത് വകുപ്പുകളെ ചുമതലപ്പെടുത്തി.ടൗൺ നോ പാർക്കിംഗ് സോണായി പ്രഖ്യാപിക്കും.അനധികൃതമായി പാർക്ക് ചെയ്യുന്നവരിൽ നിന്നും പിഴ ഈടാക്കാനും യോഗം തീരുമാനിച്ചു.സ്റ്റാൻ്റ് പ്രവർത്തനം ആരംഭിച്ചാൽ ജംഗ്ഷനിൽ നിന്നും ബസ്സുകളിൽ യാത്രക്കാരെ കയറ്റാൻ പാടില്ലാത്തതും എന്നാൽ യാത്രക്കാരെ ഇറക്കാവുന്നതുമാണ്.സ്റ്റാൻ്റിൽ തന്നെ വാഹനങ്ങൾ പാർക്ക് ചെയ്യേണ്ടതുമാണ്.ടൗണിൽ അനധീകൃതമായി ചികിത്സിരിവ് നടന്നുന്നവരെ ഒഴിപ്പിക്കാൻ പോലീസിനെ ചുമതലപ്പെടുത്തി. ഊക്കൻ മുക്കിലും മണക്കാട്ട് മുക്കിലും സൈൻ ബോർഡുകൾ സ്ഥാപിക്കും.സ്റ്റാൻ്റിലെ അനധികൃത പാർക്കിങ്ങുകളും ഒഴിപ്പിക്കും.ആർടിഒ,പോലീസ് എന്നിവരുടെ നേതൃത്വത്തിലാണ് പരിഷ്കരണം പൂർണമായും നടപ്പാക്കേണ്ടത്.യോഗത്തിൽ കോവൂർ കുഞ്ഞുമോൻ എംഎൽഎ അധ്യക്ഷത വഹിച്ചു.ബ്ലോക്ക് പഞ്ചായത്ത് പ്രസിഡൻ്റ് ആർ.സുന്ദരേശൻ,പഞ്ചായത്ത് പ്രസിഡൻ്റ് ഗീത,വൈസ് പ്രസിഡൻ്റ് ഗുരുകുലം രാകേഷ്, വിവിധ രാഷ്ട്രീയ പാർട്ടി പ്രതിനിധികൾ,പോലീസ്,മോട്ടോർ വാഹന വകുപ്പ് ഉദ്യോഗസ്ഥർ എന്നിവർ പങ്കെടുത്തു.

യുവ അഭിഭാഷകയെ മർദിച്ച കേസിലെ പ്രതി അഡ്വ. ബെയ് ലിൻ ദാസിന്‍റെ വിലക്ക് നീക്കി ബാർ കൗൺസിൽ

July 15, 2025

യുവ അഭിഭാഷകയെ മർദിച്ച കേസിലെ പ്രതിയായ അഭിഭാഷകൻ ബെയ് ലിൻ ദാസിന് ഏർപ്പെടുത്തിയ പ്രാക്ടിസ് വിലക്ക് ഉപാധികളോടെ പിൻവലിച്ചതായി ബാർ കൗൺസിൽ ഹൈകോടതിയിൽ. അഭിഭാഷക നൽകിയ പരാതിയെത്തുടർന്ന് അച്ചടക്ക നടപടിയുടെ ഭാഗമായി പ്രാക്ടീസ് വിലക്കിയ നടപടി ചോദ്യംചെയ്ത് ബെയ് ലിൻ ദാസ് നൽകിയ ഹരജിയിലാണ് ബാർ കൗൺസിൽ വിശദീകരണം നൽകിയത്.

മേയ് 15നാണ് പ്രാക്ടീസ് വിലക്കി ബാർ കൗൺസിൽ ഉത്തരവിട്ടത്. നടപടി പിൻവലിക്കാൻ ഹരജിക്കാരൻ ബാർ കൗൺസിലിന് നിവേദനം നൽകിയിരുന്നു. ജൂലൈ 11ന് ചേർന്ന യോഗം നിവേദനം പരിഗണിച്ചശേഷം അച്ചടക്ക നടപടിയുമായി ബന്ധപ്പെട്ട നടപടിക്രമങ്ങളിൽ സഹകരിക്കണമെന്നതടക്കം ഉപാധികളോടെ പ്രാക്ടീസ് അനുവദിക്കാൻ തീരുമാനിക്കുകയായിരുന്നെന്ന് ബാർ കൗൺസിൽ അറിയിച്ചു.

എന്നാൽ, കേസിൽ വിചാരണ നടക്കാനിരിക്കെ തനിക്കെതിരെ അച്ചടക്ക നടപടിയുണ്ടാകുന്നത് വിചാരണയെ ബാധിക്കുമെന്ന് ഹരജിക്കാരൻ വാദിച്ചു. അച്ചടക്കനടപടിയും ക്രിമിനൽ കേസും തമ്മിൽ ബന്ധമില്ലാത്തതിനാൽ കേസിന്‍റെ പേരിൽ അച്ചടക്കനടപടി പാടില്ലെന്ന വാദവും ഹരജിക്കാരൻ ഉന്നയിച്ചു.

ഇതുസംബന്ധിച്ച് ബാർ കൗൺസിലിന് വീണ്ടും നിവേദനം നൽകാൻ ഹരജിക്കാരനോടും അപേക്ഷയിൽ ഉചിത തീരുമാനമെടുക്കാൻ ബാർ കൗൺസിലിനോടും നിർദേശിച്ച കോടതി, ഹർജി തീർപ്പാക്കി.