പാലക്കാട്: യുവതിയെ ഭർതൃവീട്ടില് മരിച്ച നിലയില് കണ്ടെത്തിയ സംഭവത്തില് ആരോപണവുമായി ബന്ധുക്കള്. വടക്കഞ്ചേരി കാരപ്പറ്റ കുന്നുംപള്ളി നേഘ സുബ്രഹ്മണ്യൻ (25) ആണ് ആലത്തൂർ തോണിപ്പാടത്തെ ഭർതൃവീട്ടില് മരിച്ച നിലയില് കണ്ടെത്തിയത്.
മരണത്തില് അസ്വാഭാവികത തോന്നിയതിനാല് ആശുപത്രി അധികൃതർ പൊലീസില് വിവരം അറിയിക്കുകയായിരുന്നു.
പിന്നാലെ ഭർത്താവ് പ്രദീപിനെതിരെ ആരോപണവുമായി ബന്ധുക്കളും രംഗത്തെത്തി. നേഘയെ മുമ്പും ഭർത്താവ് ഉപദ്രവിച്ചിരുന്നുവെന്നും കുടുംബം ആരോപിക്കുന്നു. മകള് ആത്മഹത്യ ചെയ്യില്ലെന്നും മകളെ കൊന്നതാണെന്നും കുടുംബം പറയുന്നു.
