ശാസ്താംകോട്ട:കുന്നത്തൂർ താലൂക്കിലെ സ്കൂളുകളിൽ നടന്ന പ്രവേശനോത്സവം വർണാഭമായി.മധുരവും കളിപ്പാട്ടങ്ങളും വർണ ബലൂണുകളും സമ്മാനിച്ചാണ് പലയിടത്തും
കുരുന്നുകളെ വരവേറ്റത്.ശാസ്താംകോട്ട വിദ്യാഭ്യാസ ഉപജില്ലാതല പ്രവേശനോത്സവം ശൂരനാട് തെക്ക് കുമരംചിറ ഉദയംമുകൾ ഗവ.എൽ.പി സ്കൂളിൽ നടന്നു.കോവൂർ കുഞ്ഞുമോൻ എംഎൽഎ ഉദ്ഘാടനം ചെയ്തു.പഞ്ചായത്ത് പ്രസിഡന്റ് എസ്.കെ ശ്രീജ അധ്യക്ഷത വഹിച്ചു.

ചവറ വിദ്യാഭ്യാസ ഉപജില്ലാതല പ്രവേശനോത്സവം
കോവൂർ എൽ.പി സ്കൂളിൽ കോവൂർ കുഞ്ഞുമോൻ എംഎൽഎ ഉദ്ഘാടനം ചെയ്തു.മൈനാഗപ്പള്ളി പഞ്ചായത്ത് പ്രസിഡന്റ് പി.എം സെയ്ദ് അധ്യക്ഷത വഹിച്ചു.

കുന്നത്തൂർ ഗ്രാമപഞ്ചായത്തിലെ ഐവർകാല മേഖലയിലെ ഹൈസ്കൂൾതല പ്രവേശനോത്സവം കരുവാമല ഹൈസ്കൂളിൽ നടത്തി.ഗ്രാമപഞ്ചായത്ത് വൈസ് പ്രസിഡന്റ് ബിനേഷ് കടമ്പനാട് ഉദ്ഘാടനം ചെയ്തു.പിടിഎ പ്രസിഡന്റ് സുനിൽകുമാർ അധ്യക്ഷത വഹിച്ചു.

കിഴക്കേ കല്ലട ചിറ്റുമല എൽ.എം.എസ്.എൽ.പി സ്കൂളിലെ പ്രവേശനോത്സവം കിഴക്കേ കല്ലട ഗ്രാമ പഞ്ചായത്ത് വൈസ് പ്രസിഡൻ്റ് രാജു ലോറൻസ് ഉത്ഘാടനം ചെയ്തു.സിഎസ്ഐ മഹാ ഇടവക പ്രതിനിധി റവ.ജോൺസൺ പോൾ അദ്ധ്യക്ഷത വഹിച്ചു.വാർഡ് മെമ്പർ പ്രദീപ് കുമാർ നവാഗതരെ സ്വീകരിച്ചു.സ്കൂൾ ഹെഡ്മിസ്ട്രസ് വിജയ.റ്റി,സ്കൂൾ ലോക്കൽ മാനേജർ അരുൺ ദാസ്,പി.റ്റി.എ പ്രസിഡൻ്റ് രഹിന,സ്റ്റാഫ് സെക്രട്ടറി സിജു ഫിലിപ്പ് എന്നിവർ സംസാരിച്ചു.

കോവൂർ യു.പി എസിലെ പ്രവേശനോത്സവം മൈനാഗപ്പള്ളി ഗ്രാമ പഞ്ചായത്ത് പ്രസിഡന്റ് പി.എം സെയ്ദ് ഉദ്ഘാടനം ചെയ്തു.കോവൂർ കുഞ്ഞുമോൻ എംഎൽഎ ഗാന്ധി പ്രതിമയിൽ ഹാരാർപ്പണവും പുർഷ്പാർച്ചനയും നടത്തി.പിടിഎ പ്രസിഡന്റ് അനിൽ മത്തായി അദ്ധ്യക്ഷത വഹിച്ചു.ഹെഡ്മിസ്ട്രസ്
ബി.സേതു ലക്ഷമി,വിദ്യാഭ്യാസ സ്റ്റാൻ്റിംഗ് കമ്മറ്റി ചെയർമാൻ മനാഫ് മൈനാഗപ്പള്ളി,ബ്ലോക്ക് പഞ്ചായത്തംഗം രാജി രാമചന്ദ്രൻ, ഗ്രാമ പഞ്ചായത്തംഗങ്ങളായ ലാലി ബാബു ,രജനി സുനിൽ,വർഗ്ഗീസ് തരകൻ,പിആർഒ സദാശിവൻ പിള്ള, ഭവാനി ടീച്ചർ,സീനിയർ അസിസ്റ്റൻ്റ് ഉഷാ കുമാരി,അശ്വതി,ജയമോഹൻ,റിയാസ്,പി.ജയശ്രീ എന്നിവർ സംസാരിച്ചു.അഞ്ജന രക്ഷാകർതൃ ബോധവത്ക്കരണ ക്ലാസ് നടത്തി.

ശൂരനാട് വടക്ക്മ ഗ്രാമ പഞ്ചായത്ത് തല പ്രവേശനോത്സവം ആനയടി ഗവ.എൽ.പി സ്കൂളിൽ പഞ്ചായത്ത് പ്രസിഡന്റ് എസ്.ശ്രീകുമാർ ഉദ്ഘാടനം ചെയ്തു.എസ്.എം.സി വൈസ് ചെയർപേഴ്സൺ രമ്യ.എൻ അധ്യക്ഷത വഹിച്ചു.ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ എൻ.പങ്കജാക്ഷൻ,പഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷരായ മിനി സുദർശൻ,ഗംഗാദേവി,സുനിത ലെത്തീഫ്, ഗ്രാമ പഞ്ചായത്തംഗങ്ങൾ എന്നിവർ സംസാരിച്ചു.സ്കൂൾ സീനിയർ അസി.രേഖ.എസ് സ്വാഗതവും അധ്യാപിക വിനിത നന്ദിയും പറഞ്ഞു.

ശാസ്താംകോട്ട: മൈനാഗപ്പള്ളി എം എസ്.ജി.എച്ച്.എസ് സ്കൂൾ പ്രവേശനോൽവം ബ്ലോക്ക് പഞ്ചായത്ത് അംഗം വൈ. ഷാജഹാൻ ഉദ്ഘാടനം ചെയ്തു. പി.ടി.എ പ്രസിഡന്റ് ഐ.ഷാനവാസ് അദ്ധ്യക്ഷത വഹിച്ചു. ശ്രീനാരായണ ഓപ്പൺ യൂണിവേഴ്സിറ്റി അസി.പ്രൊഫസർ ഡോ.എൻ. നൗഫൽ, സാഹിത്യകാരനും മാധ്യമ പ്രവർത്തകനുമായ ഹരികുറിശ്ശേരി, സ്കൂൾ മാനേജർ അസീസ്, മനാഫ് മൈനാഗപ്പള്ളി, എബി ജോൺ , കല്ലട ഗിരീഷ്, സുരേഷ് ചാമ വിള, സഫിയ, റാനിദ, അബ്ദുൽ സലാം തുടങ്ങിയവർ പ്രസംഗിച്ചു

മൈനാഗപ്പള്ളി. ശ്രീചിത്തിരവിലാസം യുപി സ്കൂളിൽ പ്രവേശനോത്സവം നടന്നു. പിടിഎ പ്രസിഡണ്ട് അർഷാദ് മന്നാനിയുടെ അധ്യക്ഷതയിൽ കൂടിയ യോഗം  മൈനാഗപ്പള്ളി ഗ്രാമപഞ്ചായത്ത് പ്രസിഡന്റ് പിഎം സൈദ്  ഉദ്ഘാടനം ചെയ്തു. അധ്യാപകനായ ഉണ്ണി ഇ ലവിനാൽ രക്ഷകർത്താക്കൾക്ക് പ്രത്യേക ക്ലാസ് എടുത്തു. തുടർന്ന് കുട്ടികളുടെ വിവിധ കലാപരിപാടികൾ നടന്നു. ചടങ്ങിൽ കരുനാഗപ്പള്ളി സബ് ഇൻസ്പെക്ടർ ഓഫ് പോലീസ് ഉത്തര കുട്ടൻ മുഖ്യാതിഥിയായിരുന്നു. സ്കൂൾ ഹെഡ്മിസ്ട്രസ് ജയലക്ഷ്മി സ്വാഗതം ആശംസ മൈനാഗപ്പള്ളി ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ മനാഫ് മൈനാഗപ്പള്ളി, വാർഡ് മെമ്പർ ബിജു കുമാർ, വർഗീസ് തരകൻ എന്നിവർ സംസാരിച്ചു സ്റ്റാഫ് സെക്രട്ടറി ബി എസ് സൈജു യോഗത്തിന് നന്ദി പ്രകാശിപ്പിച്ചു.