ഇറ്റാനഗര് . അരുണാചൽ പ്രദേശ് മുഖ്യമന്ത്രിയായി പ്രേമ ഖണ്ഡു സത്യപ്രതിജ്ഞ ചെയ്ത് അധികാരമേറ്റു. തുടർച്ചയായ മൂന്നാം തവണയാണ് സംസ്ഥാനത്തിന്റെ മുഖ്യമന്ത്രി സ്ഥാനത്തേക്ക് പേമ ഖണ്ഡു എത്തുന്നത്. ചൗന മെയ്ൻ ഉപമുഖ്യമന്ത്രിയായും സത്യപ്രതിജ്ഞ ചെയ്തു.ഉപമുഖ്യമന്ത്രിയടക്കം 11 ക്യാബിനറ്റ് മന്ത്രിമാരാണ് ഇന്ന് സത്യപ്രതിജ്ഞ ചെയ്ത് അധികാരമേറ്റത്. ഇറ്റാനഗറിലെ ഡികെ സ്റ്റേറ്റ് കൺവെൻഷൻ സെന്ററിൽ നടന്ന ചടങ്ങിൽ കേന്ദ്ര ആഭ്യന്തര മന്ത്രി അമിത് ഷാ, പ്രതിരോധമന്ത്രി രാജ്നാഥ് സിംഗ്, ജെ പി നദ്ദ, കിരൺ റിജിജു, അസം മുഖ്യമന്ത്രി ഹിമന്ത ബിശ്വ ശർമ്മ തുടങ്ങിയവർ പങ്കെടുത്തു.60 അംഗ നിയമസഭയിൽ 46 സീറ്റുകൾ നേടിയാണ് ബിജെപി അധികാരം നിലനിർത്തിയത്
തെരഞ്ഞെടുപ്പ് രാഷ്ട്രീയത്തിലെക്കില്ല, കെ മുരളീധരൻ
ന്യൂഡെല്ഹി. തെരഞ്ഞെടുപ്പ് രാഷ്ട്രീയത്തിലെക്കില്ലെന്ന് ആവർത്തിച്ച് കെ മുരളീധരൻ.പഞ്ചായത്ത് തിരഞ്ഞെടുപ്പ് വരെ പൊതുരംഗത്ത് സജീവമാകില്ല.പ്രവർത്തന കേന്ദ്രം ഇനി കേരളമാണെന്നും,വയനാട്ടിൽ പ്രിയങ്ക ഗാന്ധി മത്സരിക്കണമെന്നാണ് ആവശ്യമെന്നും കെ എം മുരളീധരൻ പറഞ്ഞു.അതിനിടെ പ്രതിപക്ഷ നേതാവ് വി ഡി സതീശൻ കോഴിക്കോട്ടെ കെ മുരളീധരന്റെ വീട്ടിലെത്തിയെങ്കിലും മുരളീധരൻ ഡൽഹിയിൽ ആയതിനാൽ കൂടിക്കാഴ്ച നടക്കാതെ പ്രതിപക്ഷ നേതാവ് മടങ്ങി
തൃശ്ശൂരിലെ തോൽവിയിൽ സംസ്ഥാന- ജില്ല നേതൃത്വത്തെ നേരിട്ട് കടന്നാക്രമിക്കാതെ, പരാജയത്തിന് കാരണം പ്രചരണത്തിലെ വീഴ്ചയാണെന്നാണ് കെ മുരളീധരന്റെ വാക്കുകൾ
പഞ്ചായത്ത് തിരഞ്ഞെടുപ്പ് വരെ പൊതുപ്രവർത്തനത്തിൽ സജീവമാകില്ലെന്ന് ആവർത്തിച്ചു.പ്രവർത്തന കേന്ദ്രം ഇനി കേരളമാണെന്നും മുരളിധരൻ സൂചന നൽകി
മുരളീധരൻ ഡൽഹിയിലെത്തിയത് അറിയാതെ കോഴിക്കോട്ടെ വീട്ടിലെത്തിയ വിഡി സതീശന് കൂടിക്കാഴ്ച നടത്താൻ കഴിയാതെ മടങ്ങേണ്ടി വന്നു.സതീശൻ വരുന്ന കാര്യം അറിഞ്ഞിരുന്നെങ്കിൽ കാത്തിരുന്നേന്നെയെന്ന് മുരളീധരൻ
തെരഞ്ഞെടുപ്പ് തോൽവിക്ക് പിന്നാലെ നേതൃത്വവുമായി ഇടഞ് നിൽക്കുന്ന കെ മുരളീധരുമായി രാഹുൽ ഗാന്ധി ഫോണിൽ സംസാരിച്ചു.ഡൽഹിയിൽ തുടരുന്ന മുരളീധരൻ സോണിയ ഗാന്ധിയെ കണ്ട് സംസ്ഥാനത്തെ സംഘടനാ സാഹചര്യം ധരിപ്പിക്കും
ഓര്ഡര് ചെയ്തുവരുത്തിയ ഐസ്ക്രീമിൽ നിന്ന് കിട്ടിയത് കണ്ട് യുവതി ഞെട്ടി
മുംബൈ. ഐസ്ക്രീമിൽ നിന്ന് കൈവിരൽ കിട്ടിയതായി പരാതി. മലാഡ് സ്വദേശിനി വാങ്ങിയ ഐസ്ക്രീമിൽ നിന്നാണ് കൈവിരൽ കിട്ടിയത്. മലാഡ് പൊലീസ് ഐസ്ക്രീം കമ്പനിക്കെതിരെ കേസെടുത്ത് തൊണ്ടിമുതലുകൾ ഫൊറൻസിക് പരിശോധനയ്ക്ക് അയച്ചു. ഓൺലൈൻ ഡെലിവറി ആപ്പായ സെപ്റ്റോയിൽ വഴിയാണ് യമ്മോ എന്ന കമ്പനിയുടെ കോൺ ഐസ്ക്രീം യുവതി വാങ്ങിയത്. ഇതിലൊന്ന് സഹോദരന് നൽകി. ഐസ്ക്രീം കഴിച്ച് തുടങ്ങിയപ്പോഴാണ് എന്തോ വസ്തു അതിനുള്ളത് സഹോദരൻ ശ്രദ്ധിച്ചത്. പരിശോധിച്ചപ്പോൾല കൈവിരൽ കിട്ടിയെന്നാണ് പരാതി.
നീറ്റ് പരീക്ഷയിൽ ഗ്രേസ് മാർക്ക് ലഭിച്ച 1563 പേർക്ക് പുനപരീക്ഷ
ന്യൂഡെല്ഹി. നീറ്റ് പരീക്ഷയിൽ ഗ്രേസ് മാർക്ക് ലഭിച്ചവർക്ക് പുനപരീക്ഷ.1563 വിദ്യാർത്ഥികൾക്കും
വീണ്ടും പരീക്ഷ എഴുതുവാനുള്ള അവസരം നൽകുമെന്ന് NTA സുപ്രീംകോടതിയിൽ.NTA സമർപ്പിച്ച റിപ്പോർട്ട് അംഗീകരിച്ച് സുപ്രീംകോടതി.ഈമാസം 23ന് ആകും പരീക്ഷ നടത്തുക. നീറ്റ് പ്രവേശന നടപടികൾ തുടരുമെന്നും കോടതി. പരീക്ഷയിൽ അട്ടിമറികൾ നടന്നിട്ടില്ലെന്ന് കേന്ദ്രവിദ്യാഭ്യാസ മന്ത്രി ധർമ്മേന്ദ്ര പ്രധാൻ.
ഹരിയാനയിലെ ആറു കേന്ദ്രങ്ങളിലെ ഉദ്യോഗാർത്ഥികൾക്ക് അധികമാർക്ക് നൽകിയതിനെത്തുടർന്ന് ഒന്നാം റാങ്ക് ലഭിച്ചതാണ് വിവാദത്തിലേക്ക് എത്തിയത്. സുപ്രീംകോടതിയിലെ ഹർജിയിൽ എൻ ടി എ സമിതി നൽകിയ റിപ്പോർട്ടിലാണ് അധികം മാർക്ക് ലഭിച്ചവർക്ക് വീണ്ടും പരീക്ഷ നടത്താം എന്ന മാർഗം നിർദ്ദേശിച്ചത്. പുനപരീക്ഷ എഴുതിയില്ലെങ്കിൽ ഗ്രീസ് മാർക്ക് ഒഴികെയുള്ള മാർക്ക് ആ ഉദ്യോഗാർത്ഥിക്ക് നൽകുമെന്നും എൻ ടി എ കോടതിയെ അറിയിച്ചു.ഈ റിപ്പോർട്ടാണ് സുപ്രീംകോടതി അംഗീകരിച്ചത്. കൗൺസിലിംഗ് തടയനാവില്ലെന്ന് വ്യക്തമാക്കിയ കോടതി എൻടിഎയോട് വിശദീകരണവും ആവശ്യപ്പെട്ടിട്ടുണ്ട്. ഇതോടെ 1563 ഉദ്യോഗാർത്ഥികൾ ആയിരിക്കും ഈ മാസം 23ന് പുനപരീക്ഷ നേരിടുക. പുനപരീക്ഷ ഫലം 30ന് തന്നെ പ്രഖ്യാപിക്കും. പുനപരീക്ഷയ്ക്കായി വിജ്ഞാപനം ഇന്ന് ഇറക്കും.പരീക്ഷയിൽ ഏതെങ്കിലും തരത്തിലുള്ള ക്രമക്കേടുകൾ നടന്നിട്ടുണ്ടെങ്കിൽ ശക്തമായ നടപടി സ്വീകരിക്കും എന്ന് കേന്ദ്ര വിദ്യാഭ്യാസ മന്ത്രി ധർമ്മേന്ദ്രപ്രധാൻ പ്രതികരിച്ചു.
ഈ വർഷത്തെ പരീക്ഷ റദ്ദാക്കണമെന്ന് ആവശ്യപ്പെട്ട് വിദ്യാർത്ഥികൾ സമർപ്പിച്ച ഹർജിയിലാണ് ജസ്റ്റിസുമാരായ വിക്രം നാഥും സന്ദീപ് മേത്തയുമടങ്ങുന്ന അവധിക്കാല ബെഞ്ചിന്റെ ഇടപെടൽ
സൈബർ പോരാളി വിമർശന വിവാദം, വിശദീകരണവുമായി എം വി ജയരാജൻ
കണ്ണൂര്. സൈബർ പോരാളി വിമർശന വിവാദം. വിശദീകരണവുമായി എം വി ജയരാജൻ. ഇടത് വിരുദ്ധ നവ മാധ്യമ പ്രചാരണത്തിനെതിരെ ജാഗ്രത വേണമെന്നാണ് ആവശ്യപ്പെട്ടത്. പ്രതികരണത്തെ മാധ്യമങ്ങൾ വളച്ചൊടിച്ചു.
പാർട്ടിക്കാർ പാർട്ടിയെ വിമർശിക്കുന്നുവെന്ന വ്യാജേന യുഡിഎഫ് പ്രചാരണം നടത്തി.സർക്കാരിനെതിരെ കോൺഗ്രസ്,സിപിഎം പേരിൽ ഐ ഡി നിർമ്മിച്ചു. ഇടതുപക്ഷമെന്ന് കരുതുന്ന പല ഗ്രൂപ്പുകളും ഇടത് വിരുദ്ധത പ്രചരിപ്പിച്ചു. തിരഞ്ഞെടുപ്പ് കാലത്ത് വ്യാജവാർത്ത പ്രചരിപ്പിച്ചു. വടകരയിലെ സംഭവങ്ങളുടെ പശ്ചാത്തലത്തിലാണ് സമൂഹമാധ്യമ പരാമർശം. ഇടത് ഗ്രൂപ്പുകളിൽ കോൺഗ്രസുകാർ നുഴഞ്ഞ് കയറിയെന്നും ജയരാജന് ആരോപിച്ചു.
യുപി ഗാസിയാബാദിൽ വീടിന് തീപിടിച്ച് അഞ്ച് പേർ മരിച്ചു; രണ്ട് പേർക്ക് പരുക്ക്
ഉത്തർപ്രദേശ്: ഗാസിയാബാദിൽ വീടിന് തീപിടിച്ച് ഒരു കുടുംബത്തിലെ അഞ്ച് പേർ വെന്തുമരിച്ചു. രണ്ട് പേർക്ക് പരിക്കേറ്റു. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. വിവരം അറിഞ്ഞ് സ്ഥലത്തെത്തിയ അഗ്നിശമനസേനയും പൊലീസും ചേർന്ന് ഒരു സ്ത്രീയെയും കുട്ടിയെയും രക്ഷപ്പെടുത്തി.
മൂന്ന് നിലകളുള്ള വീടിന്റെ താഴത്തെ നിലയിലാണ് തീപിടിത്തമുണ്ടായത്. മുറിക്കകത്ത് സൂക്ഷിച്ച രാസവസ്തുക്കളും ഫോം ഷീറ്റുകളുമാണ് തീപടർന്ന് പിടിക്കാൻ കാരണമായതെന്നാണ് പൊലീസ് പറയുന്നത്. മരിച്ചവരിൽ ഏഴ് വയസ്സുള്ള കുട്ടിയും വയോധികരും ഉൾപ്പെട്ടെന്നും പൊലീസ് പറഞ്ഞു.
മുകളിലത്തെ നിലയിലേക്കും തീ ആളിപ്പടർന്നതോടെയാണ് അപകടം ഉണ്ടായത്. മുകളിൽ താമസിക്കുന്നവർ മുറിക്കകത്ത് കുടുങ്ങിയതോടെയാണ് അഞ്ച് പേർ വെന്തുമരിച്ചത്.
വന്ദന ദാസ് കൊലപാതകം: വിചാരണ താല്ക്കാലികമായി തടഞ്ഞ് ഹൈക്കോടതി
കൊച്ചി: 2023 മെയ് 10 ന് കൊട്ടാരക്കര താലൂക്ക് ആശുപത്രിയിൽ ഹൗസ് സർജൻസിക്കിടെ വന്ദന ദാസ് കൊല്ലപ്പെട്ട കേസിൽ വിചാരണയ്ക്ക് ഹൈക്കോടതിയുടെ താല്ക്കാലിക വിലക്ക്. പ്രതിക്ക് നാളെ കുറ്റപത്രം വായിച്ചുകേൾപ്പിക്കുന്നത് കോടതി തടഞ്ഞു. കേസ് ഡയറി ഹാജരാക്കാൻ പൊലീസിന് നിർദേശം നല്കിയിട്ടുണ്ട്. വിടുതൽ ഹർജി തള്ളിയതിനെതിരെ പ്രതി നൽകിയ അപ്പീലിലാണ് ഹൈക്കോടതിയുടെ താൽക്കാലിക ഉത്തരവ്. പ്രതി സന്ദീപിന്റെ വിടുതൽ ഹർജി വിചാരണക്കോടതി കഴിഞ്ഞ ദിവസം തള്ളിയിരുന്നു. ഇത് ചോദ്യം ചെയ്താണ് പ്രതി ഹൈക്കോടതിയെ സമീപിച്ചത്.
നടൻ ജോജു ജോർജിന് തമിഴ് സിനിമാ ഷൂട്ടിംഗിനിടെ പരുക്ക്
കൊച്ചി.നടൻ ജോജു ജോർജിന് തമിഴ് സിനിമാ ഷൂട്ടിംഗിനിടെ പരുക്ക്. കാല് പാദത്തിന്റെ എല്ലിന് പൊട്ടലേറ്റു. സിനിമ ചിത്രീകരണത്തിനിടെ ആണ് അപകടം. പരുക്കേറ്റതിനെ തുടർന്ന് ജോജു ജോർജ് തിരികെ കൊച്ചിയിലെത്തി
മണിരത്നം സംവിധാനം ചെയ്യുന്ന
തഗ് ലൈഫിന്റെ ചിത്രീകരണത്തിന് ഇടയായിരുന്നു അപകടം.
ഹെലികോപ്റ്ററിൽ നിന്ന് ചാടുന്ന രംഗം ചിത്രി കരിക്കുന്നതിനിടെ വീണ് പരിക്കേൽക്കുകയായിരുന്നു.
വീഴ്ചയിൽ ജോജു ജോർജിന്റെ ഇടതു കാല് പാദത്തിന്റെ എല്ലിന് പൊട്ടലേറ്റു. പോണ്ടിച്ചേരിയിൽ ആയിരുന്നു സിനിമയുടെ ചിത്രീകരണം
നടൻ കമൽഹാസനും നസീറിനും ഒപ്പം . പറന്നിറങ്ങിയ ഹെലികോപ്റ്ററിൽ നിന്ന് ജോജു ചാടിയപ്പോഴാണ് അപകടമുണ്ടായത്.പരിക്കേറ്റത്തിനെ തുടർന്ന് ജോജു ജോർജ് കൊച്ചിയിലേക്ക് മടങ്ങി എത്തി. സിനിമയുടെ ചിത്രീകരണം താൽക്കാലികമായി നിർത്തിവച്ചു. കമൽഹാസനും മണിരത്നവും പതിറ്റാണ്ടുകൾക്ക് ശേഷം ഒന്നിക്കുന്ന ചിത്രം കൂടിയാണ് തഗ് ലൈഫ്
കുവൈറ്റ് ദുരന്തം: മരിച്ചത്24മലയാളികൾ എന്ന് നോർക്ക
തിരുവനന്തപുരം: കുവൈത്തില് തൊഴിലാളി ക്യാമ്പിലുണ്ടായ തീപിടുത്തത്തില് 24 മലയാളികൾ മരിച്ചതായി നോർക്ക സി ഇ ഒ അറിയിച്ചു.19 പേരെ തിരിച്ചറിഞ്ഞു. ബാക്കിയുള്ളവരെ തിരിച്ചറിഞ്ഞിട്ടില്ല. 7 പേർ ഗുരുതരാവസ്ഥയിൽ വിവിധ ആശുപത്രികളിലാണ്.സ്റ്റാൻറ്റേഡ് പ്രോട്ടോകോൾ പൂർത്തികരിച്ച ശേഷം എത്രയും വേഗം മൃതദേഹങ്ങൾ നാട്ടിലെത്തിക്കും .പരിക്കേറ്റവരേയും ചികിത്സയ്ക്കായി നാട്ടിലെത്തിക്കാൻ കഴിയുമോ എന്നും ആലോചിച്ചു വരികയാണെന്നും അദ്ദേഹം പറഞ്ഞു. ഇന്ത്യൻ എംബസിയിൽ നിന്ന് കൂടുതൽ
സ്ഥിരീകരണം ലഭിച്ച ശേഷം ഇക്കാര്യങ്ങളിൽ വ്യക്തത വരുത്തും.
കുട്ടനാട് രാമങ്കരിയിൽ ‘ഇന്ത്യാമുന്നണി’ ഭരണം പിടിച്ചു
കുട്ടനാട്. സിപിഎം പരസ്പരം പോരാടുന്ന രാമങ്കരിയിൽ ഭരണം പിടിച്ച് കോൺഗ്രസ്. സി പി എം വിമതരുടെ പിന്തുണയോടെയാണ്കുട്ട നാട് രാമങ്കരി പഞ്ചായത്തിൽ കോൺഗ്രസ് ഭരണം പിടിച്ചെടുത്.
കോൺഗ്രസിലെ ആർ രാജുമോനെ പ്രസിഡൻ്റായി തെരഞ്ഞെടുത്തു. തെരഞ്ഞെടുപ്പിന് മുമ്പ് അംഗങ്ങൾക്ക് സി പി എം വിപ്പ് നൽകിയിരുന്നു. വിപ്പ് ലംഘിച്ചവർക്കെതിരെ നടപടിയെടുക്കുമെന്ന് സി പി എം. സി പി എം വിമതനായിരുന്ന മുൻ പഞ്ചായത്ത് പ്രസിഡൻ്റ് രാജേന്ദ്രകുമാറിനെ യു ഡി എഫ് പിന്തുണയോടെ നേരത്തെ പുറത്താക്കിയിരുന്നു.
ഇതേ തുടർന്നാണ് പ്രസിഡൻ്റ് തെരഞ്ഞെടുപ്പ് നടന്നത്.