സ്വര്‍ണവിലയിൽ ഇന്ന് വീണ്ടും വർദ്ധനവ്

November 22, 2025

കൊച്ചി: സംസ്ഥാനത്ത് ഇന്ന് സ്വര്‍ണവിലയിൽ വീണ്ടും വർദ്ധനവ്. ഇന്ന് പവന് 1360 രൂപ വര്‍ധിച്ചതോടെ 92,000 രൂപ കടന്നിരിക്കുകയാണ് സ്വര്‍ണവില. 92,280 രൂപയാണ് ഒരു പവന്‍ സ്വര്‍ണത്തിന്റെ പുതിയ വില. ഗ്രാമിന് ആനുപാതികമായി 170 രൂപയാണ് ഉയര്‍ന്നത്. 11,535 രൂപയാണ് ഒരു ഗ്രാം സ്വര്‍ണത്തിന്റെ വില.
ഈ മാസത്തിന്റെ തുടക്കത്തില്‍ 90,200 രൂപയാണ് ഒരു പവന്‍ സ്വര്‍ണത്തിന്റെ വില. അഞ്ചിന് 89,080 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തില്‍ എത്തി. പിന്നീട് പടിപടിയായി വില ഉയര്‍ന്ന് 13ന് 94,000ന് മുകളില്‍ എത്തി. 13ന് രേഖപ്പെടുത്തിയ 94,320 രൂപയാണ് ഈ മാസത്തെ ഏറ്റവും ഉയര്‍ന്ന നിലവാരം. തുടര്‍ന്ന് വില കുറയുന്നതാണ് ദൃശ്യമായത്.

ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും

November 22, 2025

ഐക്യൂഒഒയുടെ പുതിയ ഫോണായ ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും. ഐക്യൂഒഒ 15 ഇതിനകം ചൈനയിൽ വിൽപ്പനയ്‌ക്കെത്തിയിട്ടുണ്ട്. ഇന്ത്യയിൽ 12 ജിബി റാമും 256 ജിബി സ്റ്റോറേജുമുള്ള ബേസ് മോഡലിന് 72,999 രൂപയും ഉയർന്ന 16 ജിബി, 512 ജിബി ഓപ്ഷന് 79,999 രൂപയുമാണ് വിലയായി പ്രതീക്ഷിക്കുന്നത്. അങ്ങനെയെങ്കിൽ വൺപ്ലസ് 15ന് സമാനമായ വിലയായിരിക്കും ഐക്യൂഒഒ 15നും. വരുംദിവസങ്ങളിൽ ഇവ തമ്മിൽ കടുത്ത മത്സരത്തിനുള്ള സാധ്യതയും നിലനിൽക്കുന്നുണ്ട്.

രണ്ട് വേരിയന്റുകളും ആൽഫ, ലെജൻഡ് എന്നീ രണ്ട് നിറങ്ങളിൽ വിപണിയിൽ എത്തുമെന്നാണ് റിപ്പോർട്ടുകൾ വ്യക്തമാക്കുന്നത്. ക്വാൽകോമിന്റെ സ്‌നാപ്ഡ്രാഗൺ 8 എലൈറ്റ് ജെൻ 5 പ്രോസസറും ഒറിജിൻ ഒഎസ് 6ൽ നിർമ്മിച്ച പുനർരൂപകൽപ്പന ചെയ്ത യൂസർ ഇന്റർഫേസും ഇതിൽ ഉണ്ടാകുമെന്ന് പ്രതീക്ഷിക്കുന്നു. ഐക്യൂഒഒ 15ന് കരുത്തുപകരുക പുതിയ ഒറിജിൻ ഒഎസ് 6 ഇന്റർഫേസ് ആണ്. ആൻഡ്രോയിഡ് 16 അടിസ്ഥാനമാക്കിയുള്ള ഓപ്പറേറ്റിങ് സിസ്റ്റം ചിത്രങ്ങൾക്ക് കൂടുതൽ ചാരുത നൽകും. പുനർരൂപകൽപ്പന ചെയ്ത ‘ഡൈനാമിക് ഗ്ലോ’ ഇന്റർഫേസിൽ ഹോം സ്‌ക്രീൻ, ലോക്ക് സ്‌ക്രീൻ, ആപ്പ് ലേഔട്ട് എന്നിവ ക്രമീകരിക്കും.

ആപ്പിളിന്റെ ലിക്വിഡ് ഗ്ലാസ് ലുക്കിൽ നിന്ന് പ്രചോദനം ഉൾക്കൊണ്ടാണ് ഒറിജിൻ ഒഎസ് 6 ചൈനയിൽ അവതരിപ്പിച്ചത്. മെച്ചപ്പെട്ട ദൃശ്യത്തിനായി റിയൽ-ടൈം, പ്രോഗ്രസീവ് ബ്ലർ, സ്റ്റാക്ക്ഡ് നോട്ടിഫിക്കേഷനുകൾ തുടങ്ങിയ പുതിയ ഫീച്ചറുകളും ഇതിൽ ഉണ്ട്. ആപ്പിളിന്റെ ഡൈനാമിക് ഐലൻഡിനെ മാതൃകയാക്കി നിർമ്മിച്ച ‘ആറ്റോമിക് ഐലൻഡ്’ ആണ് മറ്റൊരു സവിശേഷത. സ്‌ക്രീനിന്റെ മുകളിൽ നിന്ന് നേരിട്ട് സ്റ്റോപ്പ് വാച്ച്, മ്യൂസിക് പ്ലേബാക്ക് പോലുള്ള അലർട്ടുകളും കൺട്രോൾ ടൂളുകളും പ്രയോജനപ്പെടുത്താൻ സാധിക്കും.

2K (1,440 × 3,168 പിക്സലുകൾ) റെസല്യൂഷനോടുകൂടിയ 6.85 ഇഞ്ച് സാംസങ് M14 AMOLED ഡിസ്‌പ്ലേയാണ് ഫോണിലുള്ളത്. 144Hz വരെ പുതുക്കൽ നിരക്കും 508 ppi പിക്സൽ സാന്ദ്രതയും ഇത് വാഗ്ദാനം ചെയ്യുന്നു. ഇത് അഡ്രിനോ 840 GPUയുമായി ജോടിയാക്കിയ സ്നാപ്ഡ്രാഗൺ 8 എലൈറ്റ് ജെൻ 5 SoCയിൽ പ്രവർത്തിക്കുന്നു. ഇതിൽ 16GB വരെ LPDDR5X അൾട്രാ റാമും 1TB വരെ UFS 4.1 സ്റ്റോറേജും ഉൾപ്പെടുന്നു.

ഫോട്ടോഗ്രാഫിക്ക് വിഭാഗത്തിൽ സ്മാർട്ട്‌ഫോണിൽ 50MP മെയിൻ സെൻസറുള്ള ട്രിപ്പിൾ റിയർ കാമറ സിസ്റ്റം, 100x ഡിജിറ്റൽ സൂമുള്ള 50MP പെരിസ്‌കോപ്പ് ടെലിഫോട്ടോ ലെൻസ്, 50MP അൾട്രാ-വൈഡ് കാമറ എന്നിവയുണ്ട്. സെൽഫികൾക്കും വീഡിയോ കോളിങ്ങിനുമായി 32MP ഫ്രണ്ട് കാമറയും ഇതിലുണ്ട്. 100W വയർഡ്, 40W വയർലെസ് ചാർജിങ് പിന്തുണയുള്ള 7,000mAh ബാറ്ററിയാണ് മറ്റൊരു പ്രത്യേകത.

പത്മകുമാറിന് പിന്നാലെ ദേവസ്വം അംഗങ്ങളും അഴിക്കുള്ളിലേക്ക് ?പത്മകുമാറിനെ സെൻട്രൽ ജയിലിലേക്ക് മാറ്റിയേക്കും

November 22, 2025

തിരുവനന്തപുരം: ശബരിമല കട്ടിളപ്പാളിയിലെ സ്വര്‍ണം തട്ടിയെടുക്കാന്‍ നടന്ന ഗൂഢാലോചനയില്‍ ‘പിത്തള’ എന്ന വാക്ക് മാറ്റി ചെമ്പ് എന്ന് സ്വന്തം കൈപ്പടയിലെഴുതിയതാണ് ദേവസ്വം ബോര്‍ഡ് മുന്‍പ്രസിഡന്റ് എ. പത്മകുമാറിന് പിന്നാലെ അദ്ദേഹത്തിൻ്റെ കാലത്തെ രണ്ട് ദേവസ്വം ബോർഡ് അംഗങ്ങളും ഉടൻ അറസ്റ്റിലാകുമെന്ന് സൂചന.പത്മകുമാർ ചെയ്തത് ക്രമവിരുദ്ധമാണെന്നറിഞ്ഞിട്ടും ദേവസ്വംബോര്‍ഡിലെ മറ്റംഗങ്ങളായ കെ.ടി. ശങ്കര്‍ദാസും പാലവിള വിജയകുമാറും ഇതിനെല്ലാം കൂട്ടുനിന്നു.ഇക്കാരണത്താൽ വൈകാതെ ഇവരും അറസ്റ്റിലാകാനാണ് സാധ്യതയെന്നും റിപ്പോര്‍ട്ടുകളുണ്ട്.
2019-ല്‍ ദേവസ്വം കമ്മിഷണറായിരുന്ന വാസുവും ഉദ്യോഗസ്ഥരായ മുരാരി ബാബുവും സുധീഷ്‌കുമാറും ചേര്‍ന്ന് സ്വര്‍ണംപൂശിയ ചെമ്പുപാളികള്‍ എന്നെഴുതേണ്ടതിനുപകരം പിത്തള എന്നെഴുതിയ റിപ്പോര്‍ട്ടാണ് ദേവസ്വംബോര്‍ഡിലേക്ക് എത്തിച്ചത്. ഇത് ചെമ്പാണെന്നും അതിലുള്ള സ്വര്‍ണം മങ്ങിപ്പോയെന്നും പറഞ്ഞുനില്‍ക്കാമെന്നായിരുന്നു പത്മകുമാറിന്റെ വാദം.
ശബരിമല സ്വര്‍ണ്ണക്കൊള്ള കേസില്‍ റിമാന്‍ഡിലായ മുന്‍ ദേവസ്വം ബോര്‍ഡ് പ്രസിഡന്റ് എ. പത്മകുമാറിന്റെ ആറന്മുളയിലെ വീട്ടില്‍ എസ്.ഐ.ടി പരിശോധന നടത്തിയിരുന്നു. ഉണ്ണികൃഷ്ണന്‍ പോറ്റിയെ സഹായിക്കാന്‍ പത്മകുമാര്‍ നടത്തിയ ഇടപെടലുകള്‍ക്ക് വ്യക്തമായ തെളിവുണ്ടെന്നാണ് റിമാന്‍ഡ് റിപ്പോര്‍ട്ടിൽ പറയുന്നത്. ഉണ്ണികൃഷ്ണന്‍ പോറ്റിക്ക് പാളികള്‍ കൈമാറാന്‍ പത്മകുമാര്‍ ദേവസ്വം മിനുട്സില്‍ സ്വന്തം കൈപ്പടയില്‍ ചെമ്പ് പാളികളെന്ന് എഴുതിച്ചേര്‍ത്തെന്നാണ് എസ്ഐടിയുടെ നിര്‍ണായക കണ്ടെത്തല്‍.ഇതിനിടെ പത്മകുമാറിനെ പൂജപ്പുര സെൻട്രൽ ജെയിലിലേക്ക് മാറ്റാനുള്ള ശ്രമങ്ങൾ നടക്കുന്നു. മുൻ എംഎൽഎ എന്ന പരിഗണനയിൽ അദ്ദേഹത്തിന് പ്രത്യേക സൗകര്യം കൊടുക്കേണ്ടതുണ്ട്.

കെഎസ്ഇബി: വർക്കർ ആകാൻ പത്താംക്ലാസും ഐടിഐയും, യോഗ്യതയിൽ സൈക്കിൾ സവാരിയില്ല; സ്ത്രീകൾക്കും അപേക്ഷിക്കാം

November 22, 2025

തിരുവനന്തപുരം: കെഎസ്ഇബിയിൽ വർക്കർ (മസ്ദൂർ) നിയമനത്തിന് ഇനി പത്താംക്ലാസ് ജയിച്ചിരിക്കണം. സ്ത്രീകൾക്കും അപേക്ഷിക്കാം. ചരിത്രത്തിൽ ആദ്യമായാണ് സ്ത്രീകളെ ഈ ജോലിക്ക് അംഗീകരിക്കുന്നത്. സ്ത്രീകളുടെ മിനിമം ഉയരം 144.7 സെന്റീമീറ്റർ ആയിരിക്കണം. ഭിന്നശേഷിക്കാർക്ക് നാലുശതമാനം സംവരണം ഉണ്ടായിരിക്കും. എന്നാൽ, പുറംജോലികൾ ചെയ്യാനുള്ള ശാരീരികശേഷി വേണം. ഇലക്‌ട്രിക്കൽ, വയർമെൻ ട്രേഡിൽ രണ്ടുവർഷത്തെ ഐടിഐ സർട്ടിഫിക്കറ്റും വേണം.

ഇതുവരെ ഏഴാംക്ലാസും സൈക്കിൾ ചവിട്ടാനുള്ള കഴിവും ആയിരുന്നു യോഗ്യത. പത്താംക്ലാസ് ജയിച്ചവർക്ക് അപേക്ഷിക്കാനാവുമായിരുന്നില്ല. കേന്ദ്ര വൈദ്യുതി അതോറിറ്റി നിശ്ചയിച്ച പ്രകാരമാണ് യോഗ്യതയിൽ മാറ്റംവരുത്തിയത്. പുതുക്കിയ യോഗ്യതയിൽ സൈക്കിൾസവാരിയില്ല. വർക്കർ റിക്രൂട്ട്‌മെന്റിനുള്ള തടസ്സം ഇതോടെ നീങ്ങി.

യോഗ്യതാപ്രശ്നത്തിൽപ്പെട്ട് നിയമനം മുടങ്ങിയതോടെ വർക്കർമാരുടെ ക്ഷാമം കെഎസ്ഇബി പ്രവർത്തനത്തെ ബാധിച്ചിരുന്നു. പുതിയ യോഗ്യത ബാധകമാക്കി ഒഴിവുകൾ പിഎസ്‌സിക്ക് റിപ്പോർട്ട് ചെയ്യും. വർക്കർമാർക്ക് ലൈൻമാന്മാരായി സ്ഥാനക്കയറ്റം നൽകിയതു സംബന്ധിച്ച് സുപ്രീംകോടതിയിൽ കേസുണ്ട്. ഇവയുടെ വിധിക്ക് വിധേയമായിരിക്കും തുടർനടപടി.

വൈദ്യുതിമേഖലയിലെ സാങ്കേതികവിഭാഗം ജീവനക്കാർക്ക് യോഗ്യത നിർണയിച്ച് 2010-ലാണ് കേന്ദ്ര അതോറിറ്റി ചട്ടം പുറപ്പെടുവിച്ചത്. വർക്കർമാരാണ് സ്ഥാനക്കയറ്റത്തിലൂടെ ലൈൻമാന്മാരാകുന്നത്.

അതിനാൽ സാങ്കേതിക യോഗ്യത വേണമെന്നാണ് കേന്ദ്ര അതോറിറ്റി നിർദേശിച്ചത്. സുപ്രീംകോടതിവരെ നീണ്ട നിയമപ്പോരാട്ടത്തിനൊടുവിൽ നിലവിലുള്ളവർക്ക് യോഗ്യതയിൽ ഇളവ് ലഭിച്ചു.

കേന്ദ്ര അതോറിറ്റി 2023-ൽ ചട്ടം പുതുക്കി. നിലവിലുള്ളവർക്ക് രണ്ടുവർഷത്തിനകം പ്രത്യേകപരിശീലനത്തിലൂടെ യോഗ്യതനേടാൻ അവസരം നൽകി. ഇതനുസരിച്ച് രണ്ടായിരത്തോളം പേരുടെ പരിശീലനം പൂർത്തിയാക്കി. ഇവർക്ക് ലൈൻമാൻ തസ്തികയിലേക്ക്‌ സ്ഥാനക്കയറ്റവും കിട്ടി. ഇതോടെ വർക്കർമാർ കുറഞ്ഞു. പുതിയ നിയമനം നടത്തണമെങ്കിൽ പുതിയ ചട്ടപ്രകാരം യോഗ്യത നിശ്ചയിക്കണം. അതിന്റെ അടിസ്ഥാനത്തിലാണ് യോഗ്യത മാറ്റിയത്.

പോളിസിസ്റ്റിക് ഓവറി സിൻഡ്രോത്തിന്റെ പ്രധാനപ്പെട്ട ലക്ഷണങ്ങൾ എന്തൊക്കെ?

November 22, 2025

ഇന്ന് സ്ത്രീകളിൽ കണ്ട് വരുന്ന പ്രശ്നമാണ് പോളിസിസ്റ്റിക് ഓവറി സിൻഡ്രോം. പോളിസിസ്റ്റിക് ഓവറി സിൻഡ്രോം (പിസിഒഎസ്) എന്നത് സ്ത്രീകളെ ബാധിക്കുന്ന ഒരു ഹോർമോൺ തകരാറാണ്. ഹോർമോണുകളിൽ, പ്രത്യേകിച്ച് ഇൻസുലിൻ, ആൻഡ്രോജൻ എന്നിവയിൽ അസന്തുലിതാവസ്ഥ ഉണ്ടാകുമ്പോഴാണ് ഈ അവസ്ഥ ഉണ്ടാകുന്നത്.

ക്രമരഹിതമായ ആർത്തവം, മുഖക്കുരു, ശരീരഭാരം, അമിതമായ രോമവളർച്ച, ഗർഭിണിയാകുന്നതിൽ ബുദ്ധിമുട്ട് തുടങ്ങിയ വിവിധ ലക്ഷണങ്ങൾക്ക് ഈ അസന്തുലിതാവസ്ഥ കാരണമാകുന്നകതായി ഗൈനക്കോളജിസ്റ്റായ ഡോ. റീത്ത ബക്ഷി പറയുന്നു.

പിസിഒഎസിന്റെ കാരണം വ്യക്തമല്ല. എന്നിരുന്നാലും, ജനിതകശാസ്ത്രം, ഇൻസുലിൻ പ്രതിരോധം, ജീവിതശൈലി ഘടകങ്ങൾ എന്നിവ പിസിഒഎസ് പ്രധാന കാരണങ്ങളാണ്.

“PCOS വരാതെ നോക്കുകയാണ് പ്രധാനം”; ഫെർട്ടിലിറ്റി സ്പെഷ്യലിസ്റ്റ് വിശദീകരിക്കുന്നു
പോളിസിസ്റ്റിക് ഓവറി സിൻഡ്രോം ; ലക്ഷണങ്ങൾ അറിയാം

ക്രമരഹിതമായ ആർത്തവം

അപ്രതീക്ഷിതമായി ഭാരം കൂടുക

അമിത രോമവളർച്ച: ആൻഡ്രോജന്റെ ഉയർന്ന അളവ് മുഖം, നെഞ്ച്, പുറം, വയറ് എന്നിവിടങ്ങളിൽ രോമവളർച്ചയ്ക്ക് കാരണമാകും.

മുഖക്കുരുവും എണ്ണമയമുള്ള ചർമ്മവും: ഹോർമോൺ അസന്തുലിതാവസ്ഥ ചർമ്മ പ്രശ്നങ്ങൾക്ക് കാരണമാകും.

ചർമ്മത്തിന്റെ നിറം മാറ്റം: കഴുത്ത്, തുടയുടെ ഉൾഭാഗം, കക്ഷങ്ങൾ എന്നിവിടങ്ങളിൽ ഇരുണ്ട പാടുകൾ പ്രത്യക്ഷപ്പെടാം.

മാനസികാവസ്ഥയിലെ മാറ്റങ്ങളും ക്ഷീണവും: ഹോർമോൺ മാറ്റങ്ങൾ വൈകാരിക ബുദ്ധിമുട്ടുകൾക്കും ക്ഷീണത്തിനും കാരണമാകും.

ഉയർന്ന ഇൻസുലിൻ അളവ് പുരുഷ ഹോർമോണുകളുടെ (ആൻഡ്രോജൻ) അളവ് വർദ്ധിപ്പിക്കുന്നതിനും ശരീരഭാരം, ക്രമരഹിതമായ ആർത്തവം തുടങ്ങിയ ലക്ഷണങ്ങൾക്കും കാരണമാകും. ല്യൂട്ടിനൈസിംഗ് ഹോർമോൺ (LH), ഫോളിക്കിൾ-സ്റ്റിമുലേറ്റിംഗ് ഹോർമോൺ (FSH) എന്നിവയിലെ അസന്തുലിതാവസ്ഥയും അണ്ഡോത്പാദനത്തെ തടസ്സപ്പെടുത്തും.

പോളിസിസ്റ്റിക് ഓവറി സിൻഡ്രോം തടയുന്നതിന് ശ്രദ്ധിക്കേണ്ട കാര്യങ്ങൾ

സമീകൃതാഹാരം സ്വീകരിക്കുക

പതിവായി വ്യായാമം ചെയ്യുക

നന്നായി ഉറങ്ങുക

ധാരാളം വെള്ളം കുടിക്കുക

സ്ട്രെസ് കുറയ്ക്കുക

സംസ്കരിച്ച ഭക്ഷണങ്ങളും ഫാസ്റ്റ് ഫുഡും ഒഴിവാക്കുക.

ഡിസംബർ 6, ബാബറി മസ്ജിദ് ദിനത്തിൽ പുതിയ ബാബറി മസ്ജിദ് നിർമ്മാണത്തിന് തുടക്കമിടും; തൃണമൂൽ കോൺഗ്രസ് എംഎൽഎയുടെ പ്രസ്താവന വിവാദത്തിൽ

November 22, 2025

ന്യൂഡൽഹി: ബാബറി ദിനവുമായി ബന്ധപ്പെട്ട് തൃണമൂൽ കോൺഗ്രസ് എംഎൽഎ ഹുമയൂൺ കബീറിൻ്റെ പ്രസ്താവന വിവാദത്തിൽ. ബാബറി മസ്ജിദ് ദിനത്തിൽ ബംഗാളിൽ ബാബറി മസ്ജിദ് നിർമ്മാണത്തിന് തുടക്കമിടുമെന്നാണ് ഹുമയൂൺ കബീറിൻ്റെ പ്രസ്താവന. ഡിസംബർ 6 ന് ബാബറി മസ്ജിദിന് തറക്കല്ലിടുമെന്നും

മൂന്ന് വർഷം കൊണ്ട് നിർമ്മാണം പൂർത്തിയാക്കുമെന്നും എംഎൽഎ പറയുന്നു. മുസ്ലിം വോട്ടിനായുള്ള നീക്കമാണ് ഹുമയൂൺ കബീറിൻ്റേതെന്ന് ബിജെപി ആരോപിച്ചു. സാമുദായിക സൗഹാർദ്ദം തകർക്കരുതെന്നും സംസ്ഥാന നേതൃത്വം വിമര്‍ശിക്കുന്നു.

ഡിസംബര്‍ 6 ന് ബാബറിന് സമ്ജിദ് ദിനത്തില്‍ പശ്ചിമ ബംഗാളില്‍ ബാബറി മസ്ജിദിന് തറക്കല്ലിടുമെന്ന തൃണമൂല്‍ കോണ്‍ഗ്രസ് എംഎല്‍എയുടെ അവകാശവാദമാണ് പുതിയ വിവാദത്തിന് തിരി കൊളുത്തിയിരിക്കുന്നത്. തൃണമൂല്‍ എംഎല്‍എ ഹുമയൂന്‍ കബീറിന്റെ പരാമര്‍ശമാണ് വിവാദമായിരിക്കുന്നത്. എംഎല്‍എ നൗഷാദ് സിദ്ധിഖിയെ ചടങ്ങിലേക്ക് ക്ഷണിക്കുകയും ചെയ്തു. രാഷ്ട്രീയ സെക്കുലർ മജ്ലിസ് പാർട്ടി എംഎല്‍എയാണ് സിദ്ധിഖി. മൂന്ന് വര്‍ഷം കൊണ്ട് പള്ളി പണിയുമെന്നാണ് ഹുമയൂന്റെ അവകാശവാദം. എന്നാല്‍, നിയമസഭ തെരഞ്ഞെടുപ്പ് അടുത്ത സാഹചര്യത്തില്‍ മുസ്ലിം വോട്ടിനായുള്ള തൃണമൂല്‍ കോണ്‍ഗ്രസിന്റെ നീക്കമാണിതെന്നാണ് ബിജെപിയുടെ ആരോപിച്ചു.

ആശുപത്രിയിൽ മുഹൂർത്തം തെറ്റാതെ കല്യാണം: നട്ടെല്ലിന് ഗുരുതരമായി പരിക്കേറ്റ ആവണിയുടെ ശസ്ത്രക്രിയ തുടങ്ങി; പ്രാർത്ഥനയോടെ കുടുംബം

November 22, 2025

കൊച്ചി: വിവാഹ ദിനത്തിൽ അപ്രതീക്ഷിതമായി വന്ന അപകടത്തിൽ നട്ടെല്ലിന് ഗുരുതരമായി പരിക്കേറ്റ ആവണിയുടെ ശസ്ത്രക്രിയ തുടങ്ങി. വിപിഎസ് ലേക്‌ഷോർ ആശുപത്രിയിലെ ന്യൂറോ സർജറി വിഭാഗം മേധാവി ഡോ.സുധീഷ് കരുണാകരൻ്റെ നേതൃത്വത്തിലാണ് ശസ്ത്രക്രിയ നടക്കുന്നത്. രാവിലെ 9.45 ഓടെയാണ് ശസ്ത്രക്രിയ ആരംഭിച്ചത്.

ഇന്നലെ പുലർച്ചെ വിവാഹത്തിന് മേക്കപ്പിനായി കുമരകത്തേക്ക് പോകുമ്പോൾ കാർ നിയന്ത്രണം തെറ്റി മരത്തിലിടിച്ചായിരുന്നു അപകടം. ഗുരുതരമായി പരിക്കേറ്റ ആവണിയെ ആദ്യം കോട്ടയം മെഡിക്കൽ കോളേജിലും പിന്നീട് വിപിഎസ് ആശുപത്രിയിലും പ്രവേശിപ്പിക്കുകയായിരുന്നു. വീട്ടുകാരുടെ ആവശ്യപ്രകാരം നിശ്ചയിച്ച മുഹൂർത്തത്തിൽ ആശുപത്രിയിലെ അത്യാഹിത വിഭാഗത്തിൽ വച്ച് ആവണിയുടെയും ഷാരോണിന്റെയും വിവാഹം നടന്നിരുന്നു.

ആവണി അപകടനില തരണം ചെയ്തെങ്കിലും നട്ടെല്ലിനേറ്റ പരിക്ക് സാരമുള്ളതാണ്. ചേര്‍ത്തല ബിഷപ്പ് മൂര്‍ സ്‌കൂള്‍ അധ്യാപികയാണ് ആവണി. ആലപ്പുഴ കൊമ്മാടി സ്വദേശിയാണ്. ആലപ്പുഴ തുമ്പോളി സ്വദേശിയും ചേര്‍ത്തല കെ.വി.എം കോളജ് ഓഫ് എഞ്ചിനിയറിങ് ആന്‍ഡ് ഇന്‍ഫര്‍മേഷന്‍ ടെക്‌നോളജിയിലെ അസി. പ്രഫസറുമാണ് ആവണിയുടെ ജീവിതപങ്കാളിയായ വി.എം. ഷാരോൺ. ഇവരുടെ വിവാഹം ദേശീയ തലത്തിൽ തന്നെ ശ്രദ്ധ നേടി.

ഇന്നലെ പുലർച്ചെ മൂന്ന് മണിയോടെയായിരുന്നു അപകടം. നാട്ടുകാരും പൊലീസും ചേർന്ന് ആവണിയെയും ഒപ്പമുണ്ടായിരുന്ന രണ്ട് ബന്ധുക്കളെയും കോട്ടയം മെഡിക്കൽ കോളേജിലേക്കാണ് എത്തിച്ചത്. നട്ടെല്ലിന് സാരമായി പരിക്കേറ്റതിനാൽ ആവണിയെ വിദഗ്‌ധ ചികിത്സയ്ക്കായി കൊച്ചിയിലേക്ക് മാറ്റുകയായിരുന്നു. വിവരമറിഞ്ഞ് വരന്‍ ഷാരോണും കുടുംബവും ആശുപത്രിയിലെത്തിയിരുന്നു. നിശ്ചയിച്ച മുഹൂര്‍ത്തത്തില്‍ തന്നെ വിവാഹം നടത്തണമെന്ന ഇരുകുടുംബങ്ങളുടെയും ആഗ്രഹം ആശുപത്രി അധികൃതർ അംഗീകരിക്കുകയായിരുന്നു. പകൽ 12.15നും 12.30നും ഇടയിലായിരുന്നു മുഹൂര്‍ത്തം. ആശുപത്രി അധികൃതര്‍ അത്യാഹിത വിഭാഗത്തില്‍ തന്നെ വരന് താലികെട്ടാനുള്ള സൗകര്യമൊരുക്കി. രോഗിക്ക് ഒരുബുദ്ധിമുട്ടുമുണ്ടാകാത്ത വിധത്തില്‍ അത്യാഹിത വിഭാഗത്തിൽ വിവാഹം നടന്നെന്നാണ് ആശുപത്രി അധികൃതർ അറിയിച്ചത്.

തദ്ദേശ തെരഞ്ഞടുപ്പ്: പാലക്കാട് ബിജെപിക്ക് മത്സരിക്കാനാളില്ല; 11 പഞ്ചായത്തുകളിലായി 43 വാർഡുകളിൽ സ്ഥാനാർത്ഥികളില്ലെന്ന് റിപ്പോർട്ട്

November 22, 2025

പാലക്കാട്: തദ്ദേശ തെരഞ്ഞെടുപ്പിൽ പാലക്കാ‌ട് ബിജെപിക്ക് തിരിച്ചടി. പാലക്കാട് പലയിടത്തും ബിജെപിക്ക് മത്സരിക്കാൻ സ്ഥാനാർത്ഥികളില്ല. 11 പഞ്ചായത്തുകളിലായി 43 വാർഡുകളിൽ ബിജെപിക്ക് സ്ഥാനാർത്ഥികളില്ലെന്നാണ് വിവരം. ചിറ്റൂർ തത്തമംഗലം നഗരസഭയിൽ അഞ്ച് വാർഡുകളിലും കാഞ്ഞിരപ്പുഴയിൽ എട്ട് വാർഡുകളിലും മത്സരിക്കാൻ സ്ഥാനാർത്ഥികളില്ല. കഴിഞ്ഞ തവണ ബിജെപി മുഖ്യപ്രതിപക്ഷമായിരുന്ന പുതുനഗരം പഞ്ചായത്തിൽ 4 വാർഡുകളിലും ആലത്തൂർ, അലനല്ലൂർ പഞ്ചായത്തുകളിൽ അഞ്ചിടങ്ങളിലും സ്ഥാനാർത്ഥികളില്ല. വടകരപ്പതി, പുതുനഗരം, വണ്ടാഴി, പെരുമാട്ടി പഞ്ചായത്തുകളിൽ നാലു വാർഡുകളിലും കാരാകുറുശ്ശി, വടക്കഞ്ചേരി പഞ്ചായത്തുകളിൽ മൂന്നിടത്തും, കിഴക്കഞ്ചേരി 2, മങ്കരയിൽ ഒരിടത്തും ബിജെപിക്ക് സ്ഥാനാർത്ഥികളില്ലെന്നാണ് റിപ്പോർട്ട്.

പാലക്കാട് ബിജെപിയിൽ പൊട്ടിത്തെറി

തദ്ദേശ തെരഞ്ഞെടുപ്പിലെ സ്ഥാനാർഥി നിർണയവുമായി ബന്ധപ്പെട്ടുണ്ടായ പാലക്കാട് ബിജെപിയിലെ പൊട്ടിത്തെറിയിൽ നിലപാട് വ്യക്തമാക്കി സ്ഥിരം സമിതി അധ്യക്ഷനും ബിജെപി സ്ഥാനാർഥിയുമായ പി സ്മിതേഷ് രംഗത്തെത്തിയിരുന്നു. പ്രമീള ശശിധരനെ പിന്തുണച്ചാക്കുന്നുവെന്നാണ് പി സ്മിതേഷ് പറഞ്ഞത്. പാർട്ടിയിലെ ഒരു വിഭാഗത്തെ മാത്രം പട്ടികയിൽ പരിഗണിച്ചെന്ന നിലപാട് തനിക്കുമുണ്ടെന്ന് സ്‌മിതേഷ് വ്യക്തമാക്കി. പക്ഷേ തനിക്ക് കിട്ടിയത് ജയസാധ്യതയുള്ള സീറ്റെന്നും ബിജെപി സ്ഥാനാർഥി വിവരിച്ചു. കൃഷ്ണകുമാർ വിരുദ്ധ പക്ഷത്തെ ഇ കൃഷ്ണദാസ്, പി സ്മിതേഷ് എന്നിവരെ മാത്രം ഉൾപ്പെടുത്തിയുള്ള സ്ഥാനാർഥി പട്ടികക്കെതിരെ കഴിഞ്ഞ ദിവസം നഗരസഭ ചെയർപേഴ്സൺ പ്രമിള ശശിധരൻ രംഗത്തെത്തിയിരുന്നു. ഇതിന് പിന്നാലെയാണ് ബിജെപി നേതൃത്വത്തിനെതിരെ സ്ഥാനാർഥി കൂടിയായ സ്മിതേഷിന്‍റെയും പരസ്യ പ്രതികരണം.

പ്രമീള ശശിധരൻ പറഞ്ഞത്

ബിജെപി സ്ഥാനാർഥി പട്ടികയിലെ അതൃപ്തി പരസ്യമാക്കി ഇന്നലെയാണ് നഗരസഭ അധ്യക്ഷ പ്രമീള ശശിധരൻ രംഗത്തെത്തിയത്. പട്ടിക തയാറാക്കിയത് ഏകപക്ഷീയമായെന്ന് പ്രമീള ശശിധരൻ കുറ്റപ്പെടുത്തി. സംഘടന പിടിക്കാൻ കൃഷ്ണകുമാർ പക്ഷം ഏകപക്ഷീയമായി പട്ടിക തയ്യാറാക്കി. സ്വന്തം വാർഡിലെ സ്ഥാനാർഥിയെ അറിഞ്ഞത് കഴിഞ്ഞ ദിവസമാണ്. ഇക്കാര്യത്തിൽ സംസ്ഥാന നേതൃത്വത്തോട് അതൃപ്തി അറിയിച്ചിട്ടുണ്ട്. സ്ഥാനാർത്ഥി പ്രഖ്യാപന കൺവെൻഷനിൽ ക്ഷണിച്ചില്ല. തന്നെ ക്രൂശിച്ചു, ഒറ്റപ്പെടുത്തി. ചെയർപേഴ്സൺ ആയിരുന്ന അവസാന കാലഘട്ടത്തിൽ ഒരു വിഭാഗം ഒറ്റപ്പെടുത്തി ക്രൂശിച്ചു. പല പരിപാടികളിലേക്കും കാണിക്കാറില്ല. ക്ഷണിച്ച പരിപാടികളിലേക്ക് കക്ഷിരാഷ്ട്രീയം നോക്കാതെ പോകാറുണ്ട്. രാഹുൽ മാങ്കൂട്ടത്തിലിനൊപ്പം വേദി പങ്കിട്ടതും അത് കൊണ്ടാണെന്നും പ്രമീള ശശിധരന്‍ വ്യക്തമാക്കിയിരുന്നു.

പാലത്തായി പോക്സോ കേസ് ;
കൗൺസിലറെ സസ്പെൻഡ് ചെയ്തു

November 22, 2025

പാലക്കാട്. പാലത്തായി പോക്സോ കേസ്
കൗൺസിലറെ സസ്പെൻഡ് ചെയ്തു

വനിതാ ശിശു വികസന വകുപ്പിന് കീഴിലുള്ള കൗൺസിലറെയാണ് സസ്പെൻഡ് ചെയ്തത്

കുട്ടിയെ കൗൺസിലിങ്ങിന് വിധേയമാക്കിയപ്പോൾ കൗൺസിലർ മാനസികമായി പീഡിപ്പിച്ചെന്ന് പരാതി ഉയർന്നിരുന്നു

കൗൺസിലറിന് കാരണം കണിക്കൽ നോട്ടീസും അയച്ചു

മറുപടി തൃപ്തികരമല്ലെങ്കിൽ ജോലിയിൽനിന്ന് പിരിച്ചുവിടണമെന്നും വനിതാ ശിശു വികസന വകുപ്പ്

തിയേറ്റർ നടത്തിപ്പുകാരനെയും ഡ്രൈവറെയും ആക്രമിച്ച സംഭവം, നിർണ്ണായക വിവരം ലഭിച്ചു

November 22, 2025

തൃശ്ശൂർ .രാഗം തിയേറ്റർ നടത്തിപ്പുകാരൻ സുനിലിനെയും ഡ്രൈവറെയും ആക്രമിച്ച സംഭവം
പ്രതികളിൽ ഒരാളുടെ നിർണായക സിസിടിവി ദൃശ്യങ്ങൾ പോലീസിന് ലഭിച്ചു
വഴിത്തിരിവായത് ചുറ്റിക

സുനിലിനെ ആക്രമിക്കാനായി ഉപയോഗിച്ച ചുറ്റിക വാങ്ങിയത് തൃശ്ശൂരിൽ നിന്നും
ചുറ്റിക വാങ്ങിയ കട പോലീസ് കണ്ടെത്തി

ചുറ്റിക വാങ്ങിയത് തൃശ്ശൂർ കുറുപ്പം റോഡിലെ കടയിൽ നിന്നും

തുമ്പായത് ചുറ്റികയുടെ പിടിയിൽ പതിച്ചിരുന്ന പച്ച സ്റ്റിക്കർ

സ്റ്റിക്കറിലെ നമ്പർ കേന്ദ്രീകരിച്ചുള്ള അന്വേഷണമാണ് കടയിലേക്ക് എത്തിയത്

ഈ ചുറ്റുക ഉപയോഗിച്ചാണ് സുനിലിന്റെ കാറിന്റെ ഗ്ലാസ് തകർത്ത ശേഷം വാളുകൊണ്ട് വെട്ടിയത്

ചുറ്റിക വാങ്ങിയ ആളുടെ ദൃശ്യങ്ങൾ കടയിലെ സിസിടിവി ക്യാമറയിൽ നിന്നും പോലീസിന് ലഭിച്ചു

കടയിൽ ഉള്ളവർക്ക് ആളെ തിരിച്ചറിയാൻ കഴിഞ്ഞില്ല

സിസിടിവി ദൃശ്യങ്ങൾ കേന്ദ്രീകരിച്ച് പ്രതികളെ കണ്ടെത്തുന്നതിനായി അന്വേഷണം പോലീസ് ഊർജിതമാക്കി

News@Net | www.newsatnet.com

ബ്രൂക്ക് എക്‌സലൻസ് പുരസ്‌കാര സമർപ്പണവും പൂർവ്വവിദ്യാർത്ഥികൾക്ക് ആദരവും

കൊല്ലം–തേനി ദേശീയപാത (NH-183) വികസനത്തിൽ നിർണായകമായ പുരോഗതി

നിരവധി കേസുകളിൽ പ്രതിയായ കുറ്റവാളിയെ കാപ്പ ചുമത്തി കരുതൽ തടങ്കലിൽ അടച്ചു

ഒരു കോടി സമ്മാനമടിച്ച ലോട്ടറി ടിക്കറ്റ് തട്ടിയെടുത്തു, സംഘത്തിലെ ഒരാൾ പിടിയിൽ

508 കിലോമീറ്റർ താണ്ടാൻ വേണ്ടത് വെറും 2 മണിക്കൂർ, സ്വപ്ന പദ്ധതി കാത്തിരിപ്പിന് നീളം…

സിഇഓയെ മാറ്റാനും കനത്ത പിഴ ചുമത്താനും ഡിജിസിഎ റിപ്പോർട്ടിൽ നിർദേശം; ഇൻഡിഗോയ്ക്കെതിരെ കടുത്ത നടപടിക്ക്…

വിഴിഞ്ഞം തുറമുഖത്തിൻ്റെ രണ്ടാം ഘട്ട നിർമ്മാണം ജനുവരി മുതൽ, നികുതി ഇതുവരെ 97 കോടി

ബി എൻ ഐ മജസ്റ്റിക് ദ ഗ്രാൻഡ് ബിസിനസ് എക്സ്പോ തിരുവനന്തപുരത്ത് ഡിസംബർ 6…

‘ഇവിടെ ഉനി ഒരു തുള്ളി റഷ്യൻ വേണ്ട ‘, റിലയൻസിന്റെ യുടേൺ; യുഎസ് ഉപരോധത്തിന്…

സർപ്രൈസ് എൻട്രി… ആയുഷ് ബദോനി ഇന്ത്യൻ ടീമിൽ

നിശാ ക്ലബില്‍ കയറി മദ്യപിച്ച് പ്രശ്‌നങ്ങള്‍ സൃഷ്ടിച്ചു… ബ്രൂക്കിന്റെ ക്യാപ്റ്റൻ സ്ഥാനം തെറിക്കുമോ?

മുൻ കേന്ദ്രമന്ത്രിയും മുതിർന്ന കോൺഗ്രസ് നേതാവുമായ സുരേഷ് കൽമാഡി അന്തരിച്ചു; സംസ്കാരം ഇന്ന് വൈകുന്നേരം…

അഡ്രിയാൻ ലൂണ കേരളാ ബ്ലാസ്‌റ്റേഴ്‌സ് വിട്ടു; ലോണിൽ വിദേശ ക്ലബിലേക്ക്

‘അന്വേഷ’ യുടെ വിക്ഷേപണം നാളെ

ഇൻസ്റ്റഗ്രാമിൽ 1.75 കോടി ഉപയോക്താക്കളുടെ വിവരങ്ങൾ വില്‍പ്പനക്കുവച്ചിരിക്കുന്നു

വീണ്ടും ആകാശ വിപ്ലവം തീർത്ത്ചരിത്രം കുറിച്ച് ഐഎസ്ആർഒ

ഐക്യൂഒഒ 15 നാളെ ഇന്ത്യന്‍ വിപണിയില്‍

ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും

അഞ്ച് മിനിറ്റില്‍ ഫുള്‍ ചാര്‍ജ് ആകും… മൂവായിരം കിലോമീറ്റര്‍ റേഞ്ച് ലഭിക്കും… വാവെയ് ഇലക്ട്രിക്…

കാറുകൾ കൂട്ടിയിടിപ്പിച്ച് പരീക്ഷണം: സിയറ എസ് യുവിയുടെ സുരക്ഷയുടെ കാര്യത്തില്‍ വിട്ടു വീഴ്ചയില്ല

XUV700, പുതിയ രൂപഭാവങ്ങളോടെയും പുതിയ സവിശേഷതകളോടെയും ഉടൻ തന്നെ ഇന്ത്യൻ വിപണിയിൽ

ആറ് വ്യത്യസ്ത നിറങ്ങളില്‍ മഹീന്ദ്ര ആന്‍ഡ് മഹീന്ദ്ര പുതിയ ഥാറിന്റെ ഫേസ്-ലിഫ്റ്റ് മോഡല്‍

എസ്‌യുവി പ്രേമികള്‍ക്കൊരു സന്തോഷ വാര്‍ത്തയായി ഡസ്റ്ററിന്റെ തിരിച്ചു വരവ്

കെ സി സി പാറശാല അസംബ്ലിയുടെ പുതുവത്സരാഘോഷം നാളെ വെള്ളറടയിൽ

കടല് കാക്കാം, ഒപ്പം പഠനവും, ശമ്പളം 56,100 രൂപ, ആനുകൂല്യങ്ങൾ; നേവിയിൽ 10+2 (ബിടെക്)…

വിറ്റാമിന്‍ ഡിയുടെ കുറവ്; അവഗണിക്കാന്‍ പാടില്ലാത്ത ലക്ഷണങ്ങള്‍

ഒടുവില്‍ അതു സംഭവിച്ചു, ചെമ്പില്‍ ചതുപ്പ് കാട്ടുപന്നിത്താവളമായി, ആശങ്കയില്‍ നാട്ടുകാര്‍ വിഡിയോ ദൃശ്യം

കുന്നിന്‍മുകളില്‍നിന്നും താഴേക്ക് വീണ് ആനയ്ക്ക് ദാരുണാന്ത്യം ,നടുങ്ങുന്ന വിഡിയോ

ഒരു ഓഫറും പ്രഖ്യാപിക്കാതെ കടയിലേക്ക് ആള്‍ പാഞ്ഞുകയറിയത് കണ്ടോ,വിഡിയോ

സനാതന ധർമ്മ വിവാദം,മുഖ്യമന്ത്രിക്കെതിരെ ബിജെപി

സ്വര്‍ണവിലയിൽ ഇന്ന് വീണ്ടും വർദ്ധനവ്

ഐക്യൂഒഒ 15 നവംബർ 26ന് ഇന്ത്യൻ വിപണിയിൽ അവതരിപ്പിക്കും

പത്മകുമാറിന് പിന്നാലെ ദേവസ്വം അംഗങ്ങളും അഴിക്കുള്ളിലേക്ക് ?പത്മകുമാറിനെ സെൻട്രൽ ജയിലിലേക്ക് മാറ്റിയേക്കും

കെഎസ്ഇബി: വർക്കർ ആകാൻ പത്താംക്ലാസും ഐടിഐയും, യോഗ്യതയിൽ സൈക്കിൾ സവാരിയില്ല; സ്ത്രീകൾക്കും അപേക്ഷിക്കാം

പോളിസിസ്റ്റിക് ഓവറി സിൻഡ്രോത്തിന്റെ പ്രധാനപ്പെട്ട ലക്ഷണങ്ങൾ എന്തൊക്കെ?

പാലത്തായി പോക്സോ കേസ് ;
കൗൺസിലറെ സസ്പെൻഡ് ചെയ്തു

തിയേറ്റർ നടത്തിപ്പുകാരനെയും ഡ്രൈവറെയും ആക്രമിച്ച സംഭവം, നിർണ്ണായക വിവരം ലഭിച്ചു