കൊച്ചി. ആര്എസ്എസ് ബിജെപി സംയുക്ത നേതൃയോഗം ഇന്ന് കൊച്ചിയിൽ. ദേശീയ സംഘടനാ സെക്രട്ടറി ബി എൽ സന്തോഷ് പങ്കെടുക്കും. ലോക്സഭാ തിരഞ്ഞെടുപ്പിന് പിന്നാലെ കേരളത്തിലെ സംഘടനാ സെക്രട്ടറിയെ ആർഎസ്എസ് തിരിച്ചുവിളിച്ചിരുന്നു. ബിജെപി സംസ്ഥാന നേതൃത്വവുമായി ഉള്ള തർക്കത്തെ തുടർന്നായിരുന്നു നടപടി. ഇക്കാര്യത്തിൽ അടക്കം ആർഎസ്എസ് നേതൃത്വവുമായി ബി എൽ സന്തോഷ് ചർച്ച നടത്തും. ആർ എസ് എസ് സഹായം തേടാൻ ബിജെപി
തദ്ദേശ തെരഞ്ഞെടുപ്പിൽ ആർഎസ്എസ് സഹായം അഭ്യർത്ഥിക്കാൻ ബിജെപി. ഇന്ന് ചേരുന്ന സമന്വയ ബൈഠക്കിൽ വിഷയം ചർച്ചയാകും. താഴെത്തട്ടിൽ പ്രചാരണം ആർഎസ്എസ് ഏകോപിപ്പിക്കാൻ ആവശ്യപ്പെടും. ലോക്സഭാ തിരഞ്ഞെടുപ്പിൽ ആർഎസ്എസ് തെരഞ്ഞെടുപ്പ് പ്രചാരണ പ്രവർത്തനങ്ങളിൽ നിന്നും വിട്ടു നിന്നിരുന്നു.
എന്നാല് പഞ്ചായത്ത് തിരഞ്ഞെടുപ്പില് ആര്എസ്എസിന്റെ ഇടപെടലുണ്ടെങ്കില് എതിരാളികളെ ഞെട്ടിക്കുന്ന വിജയം നേടാനാവുമെന്നാണ് വിലയിരുത്തല്. കേന്ദ്രഭരണത്തിന്റെ ഗുണം എണ്ണിപ്പറഞ്ഞ് താഴേത്തട്ടില് വിലപേശുന്ന പരിപാടി തുടങ്ങിയതിന്റെ ഗുണം ടെസ്റ്റ് ചെയ്യാനാവും. സംസ്ഥാന ഭരണത്തിനെതിരെയും ന്യൂനപക്ഷപ്രീണന നയങ്ങള്ക്കെതിരെയും ഉള്ള ജനവികാരം അനുകൂലമാക്കാമെന്നും കണക്കു കൂട്ടലുണ്ട്.കേരളത്തില് മുമ്പില്ലാത്ത ഒരു മുന്നേറ്റമാണ് തദ്ദേശസ്വയംഭരണ മേഖലയില് സംഘപരിവാര്പ്രതീക്ഷിക്കുന്നത്.
