ശാസ്താംകോട്ട: കുമ്പളത്ത് ശങ്കുപ്പിള്ള മെമ്മോറിയൽ ദേവസ്വം ബോർഡ് കോളേജിൽ മലയാളവിഭാഗത്തിന്റെ ആഭിമുഖ്യത്തിൽ കേരളപ്പിറവിദിനം വിവിധ പരിപാടികളോടെ ആഘോഷിച്ചു. പ്രിൻസിപ്പൽ ഡോ.കെ.സി. പ്രകാശ് ഉദ്ഘാടനം ചെയ്ത ചടങ്ങിൽ കേരള സർവ്വകലാശാല സെനറ്റ് അംഗവും കൊല്ലം എസ്. എൻ. കോളേജ് അധ്യാപകനുമായ അധീശ് യു. മുഖ്യപ്രഭാഷണം നടത്തി. ഡോ.ടി. മധു അധ്യക്ഷത വഹിച്ചു. മലയാളവിഭാഗം അധ്യാപിക രജനി ആർ. ആർ. എഴുതിയ ‘ഉന്മാദിനിയുടെ അക്ഷരങ്ങൾ’ എന്ന കവിതാ സമാഹാരം ചടങ്ങിൽ പ്രകാശനം ചെയ്തു. സംഗീത ഇ.എൽ. പുസ്തകം പരിചയപ്പെടുത്തി. വിദ്യാർത്ഥികളും അധ്യാപകരും ചേർന്ന് തയ്യാറാക്കിയ ‘ഛായാമുഖി’ എന്ന കയ്യെഴുത്ത് പുസ്തകം ആഘോഷത്തിന്റെ ഭാഗമായി പ്രസിദ്ധീകരിച്ചു. കേരളം വിഷയമായെടുത്ത് കോളേജിലെ വിഭാഗങ്ങളെ പങ്കെടുപ്പിച്ച് നടത്തിയ ക്വിസ് മത്സരത്തിൽ പൊളിറ്റിക്കൽ സയൻസ് വിഭാഗത്തിലെ സന്ദീപ് സന്തോഷ്, അർച്ചന ആനന്ദ് എന്നിവരടങ്ങിയ ടീം ഒന്നാം സ്ഥാനവും മലയാള വിഭാഗത്തിലെ അഞ്ജലി എ., ഗൗരി നന്ദന ജെ. എന്നിവരടങ്ങിയ ടീം രണ്ടാം സ്ഥാനവും മാത്തമാറ്റിക്സ് വിഭാഗത്തിലെ അമൽ എ., അമൃത ബി. എന്നിവരുടെ ടീം മൂന്നാം സ്ഥാനവും നേടി. വിജയികൾക്ക് സർട്ടിഫിക്കറ്റും ട്രോഫിയും വിതരണം ചെയ്തു. ബോട്ടണി വിഭാഗം അധ്യക്ഷൻ ഡോ.ഗീതാകൃഷ്ണൻ നായർ കവിത ചൊല്ലി. മലയാളവിഭാഗം വിദ്യാർത്ഥികളുടെ മികച്ച കലാപരിപാടികൾ പരിപാടിയുടെ ഭാഗമായി ഉണ്ടായിരുന്നു. രാഗി ആർ.ജി., ഡോ. സുനിത കെ., ഡോ. സുമി സുരേന്ദ്രൻ, രജനി ആർ.ആർ. എന്നിവർ സംസാരിച്ചു.

മൈനാഗപ്പള്ളി. മൈനാഗപ്പള്ളി കിഴക്ക് മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ ഇന്ദിരാ ഗാന്ധിസ്മൃതി യാത്രയും പുഷ്പാർച്ചനയും നടത്തി. മൈനാഗപ്പള്ളി I C S ൽ നിന്നും ആരംഭിച്ച സ്മൃതി യാത്ര ബ്ലോക്ക് കോൺഗ്രസ് പ്രസിഡൻ്റ് Y ഷാജഹാൻ ഉദ്ഘാടനം ചെയ്തു . സ്മൃതി യാത്ര മൈനാഗപ്പള്ളി പള്ളിമുക്കിൽ സമാപിച്ചു സമാപന സമ്മേളനം. ജില്ലാ കോൺഗ്രസ്സ് കമ്മിറ്റി അംഗം. എം . ഹരിലാൽ ഉദ്ഘാടനം ചെയ്തു. മണ്ഡലം പ്രസിഡൻ്റ് പി.എം സെയ്ദ് അധ്യക്ഷതവഹിച്ചു. തുണ്ടിൽ നൗഷദ് ‘Ad. തോമസ് വൈദ്യൻ . വർഗ്ഗീസ് തരകൻ ‘സുബൈർ കുട്ടി. സാമുവൽ തരകൻ. B സേതുലക്ഷ്മി. K P അൻസാർ . നൂർജഹാൻ. തടത്തിൽ സലിം. ഹരികുമാർ ‘ അംബിളി . സുരേഷ് പുത്തൻ മഠത്തിൽ ‘ രതീശൻ’ പ്രിൻസ് ‘ അനിൽ രഘുവരൻ .തുടങ്ങിയവർ സംസാരിച്ചു.

ശാസ്താംകോട്ട:ഗുണമേന്മയുള്ള കുടിവെള്ളം കുറഞ്ഞ നിരക്കിൽ ജനങ്ങളിലേക്ക് എത്തിക്കുകയെന്ന ലക്ഷ്യത്തോടെ ശാസ്താംകോട്ട ടേക്ക് എ ബ്രേക്കിന് സമീപം സ്ഥാപിച്ച വാട്ടർ എടിഎം മെഷീൻ പ്രവർത്തനം ആരംഭിച്ചു.5 ലക്ഷം രൂപ ചെലവിൽ ബ്ളോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തിയാണ് മെഷീൻ സ്ഥാപിച്ചത്.വെൻ്റിംഗ് മെഷീനിൽ ഒരു രൂപ നിക്ഷേപിച്ചാൽ ഒരു ലിറ്ററും 5 രൂപ നിക്ഷേപിച്ചാൽ 5 ലിറ്റർ ശുദ്ധജലവും ലഭിക്കും.വെള്ളം ശേഖരിക്കുന്നതിന് കുപ്പി കരുതേണ്ടതാണ്.മെഷീൻ്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡൻ്റ് ആർ.സുന്ദരേശൻ ഉദ്ഘാടനം ചെയ്തു.

വൈസ് പ്രസിഡൻ്റ് പി.പുഷ്പകുമാരി അധ്യക്ഷത വഹിച്ചു.പഞ്ചായത്ത് പ്രസിഡൻ്റ് ആർ.ഗീത,വൈസ് പ്രസിഡൻ്റ് ഗുരുകുലം രാകേഷ്,ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ വി.രതീഷ്, എസ്.ഷീജ,കെ.സനിൽകുമാർ,ബ്ലോക്ക് അംഗങ്ങളായ തുണ്ടിൽ നൗഷാദ്, അഡ്വ.അൻസർ ഷാഫി,വൈ.ഷാജഹാൻ,രാജി.ആർ,രാജി രാമചന്ദ്രൻ,ഗ്രാമ പഞ്ചായത്തംഗം രജനി.എം,ബ്ലോക്ക് പഞ്ചായത്ത് സെക്രട്ടറി ചന്ദ്രബാബു.കെ എന്നിവർ സംസാരിച്ചു.