കൊച്ചി: മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസ് റദ്ദാക്കണമെന്ന ആവശ്യം സുപ്രീംകോടതി തള്ളി. നിര്മാതാക്കളില് ഒരാളായ ബാബു സാഹിറിന്റെ ആവശ്യമാണ് കോടതി തള്ളിയത്. നടന് സൗബിന് ഷാഹിറിന്റെ പിതാവാണ് ഹര്ജിക്കാരനായ ബാബു ഷാഹിര്. അന്വേഷണത്തിലൂടെ മാത്രമേ തട്ടിപ്പ് നടന്നൂവെന്ന് നിരീക്ഷിച്ച കോടതി ഈ ഘട്ടത്തില് എഫ്ഐആര് റദ്ദാക്കാന് കഴിയില്ലെന്നും വ്യക്തമാക്കി. ജസ്റ്റിസ് കെ വി. വിശ്വനാഥിന്റെ അധ്യക്ഷതയിലുള്ള ബെഞ്ചാണ് നിര്മാതാക്കളുടെ ആവശ്യം തള്ളിയത്.
Also Read:
സിനിമക്ക് വേണ്ടി ഏഴ് കോടി രൂപ നിക്ഷേപിച്ചതിന് ശേഷം ലാഭവിഹിതവും പണവും നല്കിയില്ലെന്നാണ് പരാതിക്കാരനായ അരൂര് സ്വദേശി സിറാജ് ഹമീദിന്റെ പരാതി. ചിത്രത്തിന്റെ നിര്മാതാക്കളായ പറവ ഫിലിംസുമായി ബന്ധപ്പെട്ടവര് ലാഭവിഹിതമോ മുടക്കുമുതലോ നല്കാതെ ചതിച്ചെന്നാണ് പരാതി. 40 ശതമാനം ലാഭവിഹിതം വാഗ്ദാനം ചെയ്താണ് നിര്മാതാക്കള് പണം കൈപ്പറ്റിയത്. ചിത്രത്തിന്റെ നിര്മാണച്ചെലവ് 22 കോടി രൂപയാണെന്ന് കാണിച്ചാണാണ് പണം വാങ്ങിയത്.
ഏഴ് കോടി രൂപ മുടക്കിയിട്ടും ചിത്രം വന് വിജയമായിട്ടും മുടക്ക് മുതലോ ലാഭവിഹിതമോ തന്നില്ലെന്നാണ് പരാതിയില് പറയുന്നത്. ചിത്രത്തിന്റെ നിര്മാതാക്കളായ സൗബിന് ഷാഹിര്, ബാബു ഷാഹിര്, ഷോണി ആന്റണി എന്നിവര്ക്കെതിരെയാണ് കേസ്. ഇന്ത്യന് ബോക്സ് ഓഫീസില് 150 കോടി രൂപയിലധികം ചിത്രം കലക്ട് ചെയ്തിട്ടുണ്ട്. നികുതിയുള്പ്പെടെ 164.58 കോടി ഗ്രോസ് ആണ് ചിത്രം ഇന്ത്യയില് നിന്ന് നേടിയത്. ആഗോള തലത്തില് 225 കോടി രൂപയാണ് ചിത്രം സ്വന്തമാക്കിയത്.
