ചെന്നൈ: തമിഴ്നാട്ടിലും പക്ഷിപ്പനി സ്ഥിരീകരിച്ചതോടെ രോഗവ്യാപനം തടയുന്നതിനായി പക്ഷികളെ കൊന്നൊടുക്കാന് അധികൃതര് നടപടി തുടങ്ങി. രോഗം കണ്ടെത്തിയ മേഖലയുടെ നിശ്ചിത ചുറ്റളവിലുള്ള വളര്ത്തുപക്ഷികളെയാണ് കൊന്നൊടുക്കുന്നത്.
രോഗം പടരുന്നത് തടയാന് മറ്റ് പോംവഴികളില്ലാത്തതിനാലാണ് ശാസ്ത്രീയമായ രീതിയില് പക്ഷികളെ കൊന്നൊടുക്കുന്നതെന്ന് ആരോഗ്യവകുപ്പ് അധികൃതര് വ്യക്തമാക്കി. രോഗം ബാധിച്ച പക്ഷികളില് നിന്നും മനുഷ്യരിലേക്ക് എച്ച്5 എന്1വൈറസ് പടരാനുള്ള സാധ്യത കണക്കിലെടുത്താണ് കടുത്ത നിയന്ത്രണങ്ങള് ഏര്പ്പെടുത്തിയിരിക്കുന്നത്.
രോഗബാധിത മേഖലകളില് നിന്ന് കോഴി, മുട്ട എന്നിവയുടെ വിപണനത്തിന് നിരോധനം ഏര്പ്പെടുത്തിയിട്ടുണ്ട്. കൂടാതെ ഇതര സംസ്ഥാനങ്ങളില് നിന്നുള്ള പക്ഷികളുടെ വരവ് നിരീക്ഷിക്കാന് അതിര്ത്തികളില് പരിശോധനയും ശക്തമാക്കി.
പക്ഷികളെ കൊന്നൊടുക്കുന്ന കര്ഷകര്ക്ക് അര്ഹമായ നഷ്ടപരിഹാരം നല്കുമെന്ന് സര്ക്കാര് അറിയിച്ചു. കേരളം ഉള്പ്പെടെയുള്ള അയല്സംസ്ഥാനങ്ങളിലും പക്ഷിപ്പനി മുന്കരുതല് നടപടികള് ഊര്ജിതമാക്കിയിട്ടുണ്ട്. കേരള ടൂറിസം ഗൈഡ്
രോഗം സ്ഥിരീകരിച്ച ഫാമുകളിലെ തീറ്റയും മുട്ടകളും നശിപ്പിക്കാനും നിര്ദ്ദേശം നല്കിയിട്ടുണ്ട്. പനി, ശ്വാസതടസ്സം തുടങ്ങിയ ലക്ഷണങ്ങള് ശ്രദ്ധയില്പ്പെട്ടാല് ഉടന് ചികിത്സ തേടണമെന്ന് ആരോഗ്യവിദഗ്ധര് മുന്നറിയിപ്പ് നല്കി.
