Advertisement
ശാസ്താംകോട്ട: ശാസ്താംകോട്ട പോലീസിൻ്റെ മൂക്കിൻ തുമ്പത്ത് ശുദ്ധജല തീരത്തെ അമ്പലക്കടവിൽ സാമൂഹ്യവിരുദ്ധർ അഴിഞ്ഞാടുന്നതായി പരാതി. രാത്രികാലങ്ങളിലാണ് മദ്യപസംഘം ഇവിടെ തമ്പടിക്കുന്നത്. മദ്യപിച്ച ശേഷം കുപ്പികളും മറ്റും തീരത്ത് തന്നെ ഉപേക്ഷിക്കും.
Also Read:
ദിവസവും തടാക സൗന്ദര്യം ആസ്വദിക്കാൻ ജില്ലയ്ക്ക് പുറത്തു നിന്നു പോലും നിരവധിയാളുകൾ എത്തുന്ന ഭാഗത്താണ് ഇത്തരം കാര്യങ്ങൾ നടക്കുന്നത്. കുടുംബമായി എത്തുമ്പോൾ ഇരിക്കുന്ന സിമൻ്റ് ബഞ്ചിനോട് ചേർന്നും കടവിലേക്ക് ഇറങ്ങുന്ന പടിക്കെട്ടിലുമെല്ലാം മദ്യപന്മാർ ഉപേക്ഷിച്ച കുപ്പികൾ ചിതറി കിടക്കുകയാണ്. മദ്യ കുപ്പികൾക്കൊപ്പം നിരോധിത പാൻമസാല കവറുകളും സുലഭമായി കാണാം. രാത്രികാലങ്ങളിൽ തടാകതീരത്ത് പൊലീസ് പട്രോളിങ് ശക്തമാക്കിയാൽ മദ്യപന്മാരുടെ ശല്യം കുറയ്ക്കാൻ കഴിയുമെന്ന് നാട്ടുകാർ പറയുന്നു.
Advertisement
