ശാസ്താംകോട്ട : രാജഗിരി ബ്രൂക്ക് ഇന്റർനാഷണൽ സ്കൂളിൽ മെഗാകാർണിവൽ വിദ്യാർത്ഥികൾക്കൊപ്പം രക്ഷാകർത്താക്കളുടെയും കഴിവുകളുടെ സമ്മേളനമായിമായി.
ശാസ്താം കോട്ട ഡി വൈ എസ് പി പി പ്രസാദ് ബലൂണുകൾ പറത്തിയാണ് ചടങ്ങുകൾക്ക് ഔദ്യോഗിക ഉദ്ഘാടനം നിർവ്വഹിച്ചത്. വൈദ്യുതാലങ്കാരങ്ങളാൽ നിറമണിഞ്ഞ ബ്രൂക്ക് ഇന്റർനാഷണൽ സ്കൂളിന്റെ അക്ഷരമുറ്റത്ത് വിദ്യാർത്ഥികൾക്കായ് കാരിക്കേചർ,ഫൈസ് പെയിന്റിംഗ് ആർട്ട്, കുതിരസവാരി, ബോട്ട് റൈസിഗ്, ബൗണ്സിങ് കാസിൽ തുടങ്ങി നിരവധി ഗെയിമുകളും നിരവധി ഭക്ഷണസ്റ്റാളുകളും ക്രമീകരിച്ചിരുന്നു.
അതിനൊപ്പം തന്നെ വിശാലമായ സ്റ്റേജിൽ തകർപ്പൻ പ്രകടങ്ങളുമായി വിദ്യാർത്ഥികൾക്ക് പുറമെ രക്ഷകർത്താക്കളും നിറഞ്ഞാടി. തുടർന്ന് വിദ്യാർത്ഥികളുടെയും അധ്യാപകരുടെയും കലാപ്രകടനങ്ങൾ കാണികൾക്ക് ഗംഭീരവിരുന്നൊരുക്കി.
also read :വിസ്മയമാകുമോ ഈ തുടക്കം
https://www.newsatnet.com/lifestyle/cinema/351711/
ദേശീയ വിദ്യാഭ്യാസ നയമനുസരിച്ചുള്ള ഔപചാരിക വിദ്യാഭ്യാസത്തിനൊപ്പം വിദ്യാർത്ഥികളുടെ സർഗ്ഗാത്മക കഴിവുകളെ വികസിപ്പിക്കുന്നതിനുള്ള അവസരം ഫലപ്രദമായി വിനിയോഗിക്കുന്നതിനുള്ള അവസരമാണിതെന്ന് ചടങ്ങുകൾക്ക് ആധ്യക്ഷം വഹിച്ചുകൊണ്ട് ബ്രൂക്ക് ഡയറക്ടർ റവ. ഫാ. ഡോ. ജി എബ്രഹാം തലോത്തിൽ അഭിപ്രായപ്പെട്ടു.
