Advertisement
പുനലൂര്: കുറുനരിയുടെ ആക്രമണത്തില് ദമ്പതികള്ക്ക് പരിക്കേറ്റു. പുനലൂര്, പ്ലാച്ചേരി കൊച്ചയത്തില് വീട്ടില് ബാബു (55), ഭാര്യ സജി എന്നിവര്ക്കാണ് പരിക്കേറ്റത്. മുഖത്തും കൈകാലുകള്ക്കും പരിക്കേറ്റ ഇവരെ ആശുപത്രിയില് പ്രവേശിപ്പിച്ചു. ഇന്ന് രാവിലെ 11-ഓടെയായിരുന്നു സംഭവം.
വീട്ടുമുറ്റത്ത് നിന്ന ബാബുവിനെ അപ്രതീക്ഷിതമായി കുറുനരി ആക്രമിക്കുകയായിരുന്നു. മുഖത്ത് കടിച്ചു പിടിച്ചിരുന്ന കുറുനരിയില് നിന്നും ബാബുവിനെ രക്ഷിക്കാന് ശ്രമിക്കുന്നതിനിടെയാണ് ഭാര്യ സജിയെ ആക്രമിച്ചത്. നിലവിളി കേട്ട് ഓടിയെത്തിയ അയല്വാസികളാണ് കുറുനരിയില് നിന്നും ഇരുവരെയും രക്ഷിച്ചത്. പരിക്കേറ്റ ഇരുവരെയും പുനലൂര് താലൂക്ക് ആശുപത്രിയില് തീവ്ര പരിചരണ വിഭാഗത്തില് പ്രവേശിപ്പിച്ചു. ഏറെ നാളുകളായി പ്രദേശത്ത് കുറുനരിയുടെ സാന്നിധ്യം വ്യാപകമാണെന്ന് നാട്ടുകാര് പറയുന്നു.
Advertisement
