കൊല്ലം: പുത്തൂരില് 16 വയസ്സുകാരിയെ ലൈംഗിക പീഡനത്തിനിരയാക്കിയ കേസില് പ്രതി ‘മുരാരി തന്ത്രി’ എന്ന രാജന് ബാബുവിനെ പൊലീസ് ഉടന് കസ്റ്റഡിയില് വാങ്ങും. പ്രതി നടത്തിയത് കരുതിക്കൂട്ടിയുള്ള ലൈംഗികാതിക്രമമാണെന്നാണ് പ്രാഥമിക അന്വേഷണത്തിലെ കണ്ടെത്തല്.
നിലവില് റിമാന്ഡിലുള്ള പ്രതിയെ കൂടുതല് ചോദ്യം ചെയ്യുന്നതിനായി കസ്റ്റഡി അപേക്ഷ കോടതിയില് സമര്പ്പിക്കും. സംഭവസമയത്ത് ജ്യോതിഷാലയത്തില് ഉണ്ടായിരുന്ന പ്രതിയുടെ ഭാര്യയുടെയും അമ്മയുടെയും മൊഴി അന്വേഷണ സംഘം രേഖപ്പെടുത്തും.
പീഡനവിവരം ഇവര്ക്ക് നേരത്തെ അറിയാമായിരുന്നോ എന്ന കാര്യവും പരിശോധിക്കുന്നുണ്ട്. രാജന് ബാബുവിന്റെ മുന്കാല ചരിത്രവും സാമ്പത്തിക ഇടപാടുകളും അന്വേഷിക്കാനാണ് പൊലീസിന്റെ തീരുമാനം.
പ്രതിയുടെ വീട്ടിലെ മുറിയില് നിന്ന് കണ്ടെത്തിയ രക്തക്കറ ആരുടേതാണെന്ന് സ്ഥിരീകരിക്കാന് ഫോറന്സിക് പരിശോധന നടത്തും. ജ്യോത്സ്യമെന്ന പേരില് പെണ്കുട്ടിയെ വിശ്വസിപ്പിച്ച് എത്തിച്ച ശേഷം പീഡിപ്പിക്കുകയായിരുന്നു എന്നാണ് പരാതി.
പ്രതിക്കെതിരെ മുന്പും സമാനമായ പരാതികള് ഉയര്ന്നിട്ടുണ്ടോ എന്നും പൊലീസ് അന്വേഷിക്കുന്നുണ്ട്. കേസില് ശാസ്ത്രീയ തെളിവുകള് ശേഖരിച്ച് കുറ്റപത്രം വേഗത്തില് സമര്പ്പിക്കാനാണ് അന്വേഷണ സംഘത്തിന്റെ നീക്കം.
