ഓച്ചിറ: സർക്കാർ പില്ലർ എലിവേറ്റഡ് ഹൈവേ പ്രഖ്യാപിച്ചിട്ടും തുടരുന്ന മന്മതിൽ നിർമ്മാണ പ്രവർത്തനങ്ങൾക്കെതിരെ താക്കീത് ചെയ്തുകൊണ്ട് ഓച്ചിറ പില്ലർ എലവേറ്റഡ് ഹൈവേ ആക്ഷൻ കൗൺസിലിന്റെ നേതൃത്വത്തിൽ ആണ് ജനജാഗ്രത സദസ്സ് സംഘടിപ്പിച്ചത്. ജില്ലാ പഞ്ചായത്ത് മെമ്പർ നജീബ് മണ്ണേൽ ഉദ്ഘാടനം നിർവഹിച്ചു. ആക്ഷൻ കൗൺസിൽ ചെയർമാൻ മെഹർഖാൻ ചേന്നല്ലൂർ അധ്യക്ഷത വഹിച്ചു. ഓച്ചിറ ഗ്രാമപഞ്ചായത്ത് പ്രസിഡൻറ് എൻ കൃഷ്ണകുമാർ മുഖ്യപ്രഭാഷണം നടത്തി. കൃഷ്ണപുരം ഗ്രാമപഞ്ചായത്ത് പ്രസിഡൻറ് ജെസ്സി കോശി, എൻസൈൻ കബീർ, അയ്യാണിക്കൽ മജീദ്, രാജുമോൻ, നവാസ് വലിയവീട്ടിൽ, മഹമൂദ്, മനു ജയപ്രകാശ്, നൗഷാദ്, സുഭാഷ് ഗുരുനാഥൻ തറയിൽ, മുബാഷ്, സൈറിസ് കുറ്റിയിൽ, കെ എസ് പുരം സത്താർ, സുനീർ എന്നിവർ സംസാരിച്ചു. നിർമ്മാണ കമ്പനി പണി നിർത്തിവയ്ക്കാത്ത പക്ഷം നിർമ്മാണം തടയൽ അടക്കം ശക്തമായ സമരങ്ങളുമായി മുന്നോട്ടു പോകുമെന്ന് നിർമ്മാണ മേഖലയിലേക്ക് പ്രകടനം നടത്തിക്കൊണ്ട് ആക്ഷൻ കൗൺസിൽ ചെയർമാൻ അറിയിച്ചു
