ശാസ്താംകോട്ട. ഒരു കുടുംബം മൂന്ന് ഡോക്ടർമാരെ സൃഷ്ടിച്ചിരിക്കുന്നു.കൊല്ലം പട്ടകടവ് പരിശവിളയിൽ സെക്രട്ടേറിയറ്റ് ജീവനക്കാരനും, കേരള സെക്രട്ടേറിയറ്റ് അസോസിയേഷൻ സെക്രട്ടറിയുമായ സജീവ് പരിശവിളയുടെയും, ചവറ ഗവൺമെന്റ് ഹയർ സെക്കന്ററി സ്കൂൾ അധ്യാപികയും,കെ.പി.എസ്.റ്റി.എ ചവറ സബ് ജില്ലാ സെക്രട്ടറിയുമായ റോജ സജീവിന്റെയും മക്കളായ ഇരട്ട സഹോദരന്മാരായ നവീൻ സജീവും, നെവിൻ സജീവും ഡോക്ടർ ഓഫ് ഫാർമസി (ഫാം.ഡി) വിജയം കരസ്ഥമാക്കി. ഇവരുടെ
ഏക സഹോദരി ഡോ. നവ്യ സജീവ് പ്രശസ്തമായ നിലയിൽ എംബിബിഎസ് പഠനം പൂർത്തിയാക്കിയിട്ടുണ്ട് .
സമർപ്പണത്തിന്റെയും കഠിനാധ്വാനത്തിന്റെയും ഫലമായി പരിശവിള കുടുംബത്തിൽ നിന്നും മൂന്ന് ഡോക്ടർമാർ വിജയകരമായി പഠനം പൂർത്തിയാക്കി. ഇവരെ കൂടാതെ ഡോ. വിൽസൺ അലോഷ്യസ്, ഡോ. മെൽവിൻ ഗ്രേഷ്യസ് , ഡോ. ജൂലിയ എൽസബത്ത് ജോൺ, ഡോ. അലീന രാജു എന്നിവരും പരിശവിള കുടുംബത്തിൽ നിന്നുതന്നെയുള്ള ഡോക്ടർമാരാണ്.
