Advertisement
ചാത്തന്നൂര്‍: മിനിവാന്‍ വൈദ്യുതി പോസ്റ്റില്‍ ഇടിച്ച് നിയന്ത്രണം വിട്ട് കടയിലേക്ക് ഇടിച്ചു കയറി. ഇന്നലെ വൈകുന്നേരം 6-ഓടെ ചാത്തന്നൂര്‍-പരവൂര്‍ റോഡില്‍ മീനാട് പാലത്തിന് സമീപമാണ് അപകടം ഉണ്ടായത്.
തിരുമുക്ക് ഭാഗത്ത് നിന്നും വന്ന മിനിവാന്‍ നിയന്ത്രണംവിട്ട് റോഡ് സൈഡിലുണ്ടായിരുന്ന വൈദ്യുതി പോസ്റ്റില്‍ ഇടിച്ചതിന് ശേഷം കടയിലേക്ക് ഇടിച്ചു കയറുകയായിരുന്നു. വൈദ്യുതി കമ്പികള്‍ പൊട്ടി വീണെങ്കിലും ഫ്യൂസ് കട്ട് ആയി വൈദ്യുതി പോയതിനാല്‍ അപകടം ഒഴിവായി. സംഭവം നടക്കുമ്പോള്‍ റോഡ് സൈഡില്‍ വഴിയാത്രക്കാര്‍ ഇല്ലാതിരുന്നതും അപകടത്തിന്റെ വ്യാപ്തി കുറച്ചു.
Advertisement
