കാസർകോട്: കൊച്ചിയിൽ പ്രധാനമന്ത്രി ദേശീയപാത 66 ൻ്റെ ഉദ്ഘാടനം നടത്തും മുമ്പേ കാസർകോട് നുള്ളിപ്പാടിയിൽ ഒന്നാം റീച്ച് ഉദ്ഘാടനം സി എച്ച് കുഞ്ഞമ്പു എം എൽ എ നിർവ്വഹിച്ചു.
രാഷ്ട്രീയ അന്തത ബാധിച്ച കേന്ദ്ര സർക്കാർ നാല് ബിജെപിക്കാർ വിചാരിച്ചാൽ എന്തും നടക്കുമെന്ന് കരുതരുതന്നും സി എച്ച് കുഞ്ഞമ്പു പറഞ്ഞു.
യു ഡി എഫിന് കഴിയാതിരുന്ന കാര്യമാണ് കഴിഞ്ഞ 10 വർഷമായി കേരളത്തിലെ ഇടത് ഗവൺമെൻ്റ് ചെയ്തത്. ഭൂമി പൊന്നുംവില കൊടുത്തു. ആർക്കും ഒരു പരാതിയുമാല്ലാതെയാണ് ഇത് ചെയ്തത്.ഇന്ന് രാവിലെയാണ് ഈ ഉദ്ഘാടന വിവരം അറിയുന്നത്. നടത്തിപ്പിൻ്റെ25 ശതമാനം കേരളമാണ് നൽകിയത്. 6000 കോടി രൂപ കിഫ് ബി യിൽ നിന്ന് കേരളം നൽകി.10 വർഷമായി കേരള സർക്കാർ ചെയ്ത ഇക്കാര്യം ബി ജെ പി പരിപാടിയായി മാറ്റുന്നതിനെ കേരളത്തിലെ ജനങ്ങൾ ഒറ്റക്കെട്ടായി എതിർക്കും മെന്നും സി എച്ച് കുഞ്ഞമ്പു പറഞ്ഞു. റോഡ് ഉദ്ഘാടനത്തിന് ശേഷം എം എൽ എ
യോടൊപ്പം സി പി എം പ്രവർത്തകർ പ്രകടനമായി റോഡിലൂടെ നീങ്ങി.
പ്രധാനമന്ത്രിയുടെ ചടങ്ങിൽ പൊതുമരാമത്ത് മന്ത്രി പി എ മുഹമ്മദ് റിയാസിനെ ക്ഷണിക്കാതിൽ പ്രതിഷേധിച്ചായിരുന്നു കാസർകോട്ടെ ഉദ്ഘാടനം.
