തിരുവനന്തപുരം:
ദൈവവചനം മനുഷ്യന് എക്കാലവും പ്രചോദനം നൽകുന്നതാണന്ന് മലങ്കര ഓർത്തഡോക്സ് സഭാ ബിഷപ്പ് ഡോ.ഗബ്രിയേൽ മാർ ഗ്രിഗോറിയോസ് മെത്രാപ്പോലീത്ത പറഞ്ഞു. ബൈബിൾ സൊസൈറ്റി ഓഫ് ഇന്ത്യയുടെ തിരുവനന്തപുരം ജില്ലാ വാർഷീക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
വൈ എം സി എ ഹാളിൽ നടന്ന സമ്മേളനത്തിൽ ബൈബിൾ സൊസൈറ്റി റീജിനൽ കോഓഡിനേറ്റർ ഷെവലിയർ ഡോ.കോശി എം ജോർജ് അധ്യക്ഷനായി.കേരള ഓക്സിലറി സെക്രട്ടറി റവ ജേക്കബ് കൂടത്തിങ്കൽ സന്ദേശം നൽകി. സാൽവേഷൻ ആർമി സഭയുടെ ചീഫ് സെക്രട്ടറിയായി ചുമതലയേറ്റ ലെഫ്.കേണൽ ജേക്കബ് ജെ ജോസഫിനെ ആദരിച്ചു.റവ.ഡോ വെൽവറ്റ് ജോൺ, റവ.ഡബ്ളിയു. ലിവിങ്സ്റ്റൺ, ഡോ.ആർതർ ജേക്കബ്, ലെഫ്.കേണൽ.എൻ ഡി ജോഷ്വ, എം സന്തോഷ് കുമാർ, ജി ഗുണമണി, പി. തോമസ് കോശി, കുഞ്ഞ് കുഞ്ഞമ്മ ഉമ്മൻ എന്നിവർ പ്രസംഗിച്ചു. ലോകസമാധാനത്തിനായും മധ്യപൂർവ്വേഷ്യൻ രാജ്യങ്ങളിൽ നടക്കുന്ന യുദ്ധം അവസാനിക്കുന്നതിന് വേണ്ടിയും പ്രാർത്ഥിച്ചു.
