നെയ്യാറ്റിന്കര: സ്വയം ചിതയൊരുക്കി ആത്മഹത്യയ്ക്ക് ശ്രമിച്ച വയോധിക അന്തരിച്ചു. നെയ്യാറ്റിന്കര വ്ലാങ്ങാമുറി സ്വദേശി നളിനകുമാരി (67) ആണ് അന്തരിച്ചത്. തിങ്കളാഴ്ച പകല് പത്തിന് വീടിന് പുറക് വശത്ത് തൊണ്ടും ചിരട്ടയും കൂട്ടിയിട്ട് സ്വയം ചിതയൊരുക്കി തീ കൊളുത്തി ആത്മഹത്യയ്ക്ക് ശ്രമിക്കുകയായിരുന്നു.
ഗുരുതരമായി പൊള്ളലേറ്റ നളികുമാരിയെ അയല്വാസികളാണ് ആശുപത്രിയില് പ്രവേശിപ്പിച്ചത്. ചൊവ്വാഴ്ച പകല് 12ഓടെയാണ് അന്ത്യം. നളിനകുമാരിയുടെ ഭര്ത്താവ് ഒരു വര്ഷമായി ആശുപത്രിയില് ചികിത്സയിലാണ്. ഇതിലെ മനോവിഷമമാണ് ആത്മഹത്യയിലേയ്ക്ക് നയിച്ചതെന്നാണ് വിവരം.
മൃതദേഹം പോസ്റ്റ്മോര്ട്ടം ശേഷം ബുധന് രാവിലെ പത്തിന് വീട്ടുവളപ്പില് സംസ്കരിക്കും. നെയ്യാറ്റിന്കര പൊലീസ് അസ്വാഭാവിക മരണത്തിന് കേസെടുത്തു അന്വേഷണം ആരംഭിച്ചു. ഭര്ത്താവ്: ക്രിസ്തുദാസ്. മക്കള്: അരുണ്, അനൂപ്. മരുമക്കള്: ബിന്നി, ആമി.
