തിരുവനന്തപുരം: അവയവദാനത്തിലൂടെ അഞ്ച് പേര്ക്ക് പുതുജീവന് നല്കി മടങ്ങുന്ന ആലിന് ഷെറിന് എബ്രഹാമിന്റെ മാതാപിതാക്കള്ക്ക് അഭിവാദ്യമറിയിച്ച് നടനും രാഷ്ട്രീയ നേതാവുമായ കമല് ഹാസന്. ആലിന് പത്തുമാസത്തോളം മാതാപിതാക്കളുടെ സ്നേഹത്തണലില് ജീവിച്ചുവെന്നും, ഇപ്പോള് അഞ്ചു കുരുന്നു ജീവനുകള്ക്ക് മികച്ച ജീവിതം സമ്മാനിച്ചാണ് അവള് മടങ്ങുന്നതെന്നും അദ്ദേഹം കുറിച്ചു. ‘മനസ്സുകൊണ്ടും ഹൃദയംകൊണ്ടും, നിങ്ങള് സ്നേഹമുള്ള മാതാപിതാക്കളാണ്. എപ്പോഴും അങ്ങനെ തന്നെ തുടരും. ജീവിതത്തിലൂടെ നിങ്ങളുടെ സന്തോഷം വീണ്ടെടുക്കുക. നിങ്ങള് രണ്ടുപേരും അത് ശരിക്കും അര്ഹിക്കുന്നു’- കമല് ഹാസന് കുറിച്ചു.
മരണത്തിന് തോല്പ്പിക്കാനാവാത്ത സ്നേഹസാന്നിധ്യമായാണ് ആലിനിന്റെ മടക്കം. വേര്പാടിന്റെ വേദനയിലും അഞ്ചുകുരുന്നുകള്ക്ക് പുതുജീവനേകാന് കഴിഞ്ഞതിന്റെ ചാരിതാര്ഥ്യത്തിലാണ് ആലിനിന്റെ കുടുംബം. കേരളത്തിന്റെ അവയവദാന ചരിത്രത്തിലെ ഏറ്റവും ഹൃദയസ്പര്ശിയായ അധ്യായത്തിനാണ് ശനിയാഴ്ച ലോകം സാക്ഷ്യം വഹിച്ചത്. മസ്തിഷ്ക മരണം സംഭവിച്ച പത്തുമാസക്കാരി ആലിന് സംസ്ഥാനത്തെ ഏറ്റവും പ്രായം കുറഞ്ഞ അവയവദാതാവായപ്പോള്, ആലിന്റെ കരള് സ്വീകരിച്ച ആറുമാസക്കാരി ധ്രിയ ഏറ്റവും പ്രായം കുറഞ്ഞ സ്വീകര്ത്താവായി മാറി.
അമ്മ ഷെറിന് ആന് ജോണിനും മറ്റു ബന്ധുക്കള്ക്കുമൊപ്പം ആലിന് സഞ്ചരിച്ച കാര് കഴിഞ്ഞ അഞ്ചിനാണ് എംസി റോഡില് പള്ളം ബോര്മ കവല ജങ്ഷനുസമീപം എതിര്ദിശയില്നിന്നെത്തിയ കാറുമായി കൂട്ടിയിടിച്ചത്. അപകടത്തില് പരിക്കേറ്റ ആലിന്റെ അമ്മ ഷെറിന്റെ മാതാപിതാക്കള് തിരുവല്ലയിലെ സ്വകാര്യ ആശുപത്രിയില് ചികിത്സയിലാണ്.
