പത്തനംതിട്ട: ശബരിമലയിലെ ആടിയ ശിഷ്ടം നെയ്യ് വില്പ്പനയിലെ ക്രമക്കേടില് ദേവസ്വം ബോര്ഡ് ജീവനക്കാരന് അറസ്റ്റില്. തിരുവനന്തപുരം സ്വദേശി സുനില്കുമാര് പോറ്റിയാണ് അറസ്റ്റിലായത്. വിജിലന്സിന്റെ പത്തനംതിട്ട യൂണിറ്റാണ് പ്രതിയെ അറസ്റ്റ് ചെയ്തത്. കേസിലെ 13 ആം പ്രതിയാണ് സുനില്കുമാര് പോറ്റി. ഉദ്യോഗസ്ഥരും ജീവനക്കാരുമടക്കം ആകെ 33 പേരാണ് കേസിലുള്ളത്. സുനില്കുമാര് പോറ്റിയെ ഇന്ന് കൊല്ലം വിജിലന്സ് കോടതിയില് ഹാജരാക്കും. ആടിയ ശിഷ്ടം നെയ്യ് വിതരണത്തിന്റെ ചുമതലക്കാരന് ആയിരുന്നു സുനില്കുമാര് പോറ്റി. പത്തനംതിട്ട വിജിലന്സ് ഓഫീസിലേക്ക് വിളിച്ച് വരുത്തി ചോദ്യം ചെയ്യുന്നതിനിടെയാണ് ഇയാളെ വിജിലന്സ് അറസ്റ്റ് ചെയ്തത്.
ആടിയ ശിഷ്ടം നെയ്യ് കൗണ്ടറിന്റെ ചുമതലയാണ് ഇയാള്ക്ക് ഉണ്ടായിരുന്നത്. എമ്പതിനായിരത്തിലധികം പാക്കറ്റ് നെയ്യുകള് വിറ്റ വകയിലുള്ള പണം ദേവസ്വം ബോര്ഡിന്റെ അക്കൗണ്ടില് അടച്ചിട്ടില്ലെന്ന് കണ്ടെത്തിയതിനെ തുടര്ന്നാണ് നെയ്ക്കൊള്ളയില് കോടതി അന്വേഷണത്തിന് ഉത്തരവിട്ടത്. ഈ വകയില് 25 ലക്ഷത്തോളം രൂപ നഷ്ടമുണ്ടായെന്നാണ് കണ്ടെത്തല്.
സംഭവവുമായി ബന്ധപ്പെട്ട് ചുമതലയുണ്ടായിരുന്ന ഉദ്യോഗസ്ഥന് സുനില്കുമാര് പോറ്റിയെ സസ്പെന്ഡ് ചെയ്തതായി ദേവസ്വം ബോര്ഡ് ഹൈക്കോടതിയെ അറിയിച്ചിരുന്നു. നെയ്യ് വില്പ്പനയിലെ പണം ബോര്ഡ് അക്കൗണ്ടിലേക്ക് എത്താതിരുന്നതില് ഉദ്യോഗസ്ഥന് വീഴ്ച സംഭവിച്ചതായി പ്രാഥമിക അന്വേഷണത്തില് വ്യക്തമായിരുന്നു. ശബരിമല പോലെയുള്ള തീര്ത്ഥാടന കേന്ദ്രത്തിലെ ക്രമക്കേടുകള് ഗൗരവത്തോടെയാണ് കാണുന്നതെന്ന് വ്യക്തമാക്കിയ കോടതി, അന്വേഷണ റിപ്പോര്ട്ട് നിശ്ചിത സമയത്തിനുള്ളില് സമര്പ്പിക്കാനും ആവശ്യപ്പെട്ടിരുന്നു.
